對於有機 skincare，我係又愛又恨!
愛嘅就當然係成份天然、零化學添加啦~ 尤其對孕婦準媽媽 / 產婦 / 皮膚易過敏嘅人 / 甚至小朋友 / BB 都係特別合適~ 👍🏻
而恨嘅，就係通常 organic skincare 只得保濕滋潤同減紋效果，至於其他所講嘅功效一般都唔覺有，唔能夠強效改善到膚質，所以有機護膚品我雖然係有經常用，但就唔會全套用，習慣夾雜一啲科研 skincare 一齊用咁樣。
而今日介紹嘅法國有機品牌「Melvita」亦係我常用嘅有機 skincare 牌子之一 →
雖則我並非 100% 有機品用家，但就好 buy 有機護膚品嘅 concept 同成份~
情況就好似明知食菜好、但又戒唔到肉咁，用有機品之餘又會用科研品 😆
若果你冇我咁貪心成日想 upgrade 膚質的話，我係絕對支持全套用有機護膚品的~
而 Melvita 今期亦有幾款套裝優惠:
(trial products given by Melvita)
例如今次呢套「完美水油保濕組合」，就由原價 $540 減到 $430 →
有 full size 有機大馬士革玫瑰花水 + 有機堅果油
啱用嘅就唔好錯過~ 😌
有機大馬士革玫瑰花水 →
採用高原有機大馬士革玫瑰，每瓶花水由約 2,000 片玫瑰花瓣，以單一蒸餾法蒸餾而成，令融於花水中的精油濃度更高。具保濕及更生功效，有助喚醒肌膚吸收能力，促進精華素及其他後續護膚品吸收。
為法國 ECOCERT 有機認證天然有機產品，100% 天然成份，99% 有機成份
單買價格 $280 / 200ml
呢支玫瑰花水我以前經已用過幾支，可當 toner 用，又可以於妝後用，補妝前亦可噴一噴~
化妝師 out job 用更加係一流! 成份唔怕客人過敏，淡淡天然玫瑰氣味又夠清新幽雅，用嚟妝前抹面 / 補妝 / 甚至噴濕 cotton pad 敷面都好正，我 out job 都係用佢~ 😍
有機堅果油 →
萃取自冷壓法的有機摩洛哥堅果樹油，蘊含豐富的脂肪酸 (Omega-6 及Omega-9) 及植物固醇，有效修護及還原保濕層，令細胞緊密排列，並強化及鞏固皮脂膜，減少水份流失鎖住水份，對乾性及敏感皮膚具修護、滋潤及保護作用。
為法國 ECOCERT 有機認證天然有機產品，100% 天然成份，100% 有機成份，不含人造色素及防腐劑，不會阻塞毛孔。
單買價格 $260 / 50ml
堅果油我係一年 365 日都有用開的，習慣每日都用嚟搽雙手同手踭 (我雙手長期乾到甩皮)，冬天皮膚乾就用嚟搽面 + body，用途廣泛，又冇玫瑰油咁油膩咁厚杰~ 👏🏻
另外以前都有提過多次用堅果油搽頸預防頸紋，效果係好好的~
而家大緊肚，就更加係每晚用佢搽腰腹預防妊娠紋啦 🤰🏻
上一胎 5 年前大肚亦係用呢支 Melvita 瘋狂搽，係一條紋都冇爆出過架~~
沒有留言:
張貼留言