Shu Uemura 植村秀新出「the lightbulb 白瓷光感粉底液」review

咦?? 呢支「the lightbulb 白瓷光感粉底液」唔係幾年前已經有喇咩? 點解會係新出? 

其實今次呢支係全新版本，雖然中文名一樣叫「白瓷光感粉底液」，但英文名以前嗰支叫做「the lightbulb glow-coverage-comfort」，而新出呢支就叫「the lightbulb second-skin glow breathable perfection」，妝效同以前嗰支唔同㗎~   

試用咗一排，又係時候寫個 review 😌

產品資料 →

the lightbulb 白瓷光感粉底液 SPF 25 PA +++

專為亞洲肌膚研製的 13 款粉底色調，質感輕盈透薄猶如第二層肌膚，能打造水潤、輕盈自然光感底妝。   

$400 / 30ml @ https://www.shuuemura.com.hk/

(trial product given by Shu Uemura)

以前嗰支有 14 隻色，而新出呢支就有 13 色，唔同嘅係今次呢 13 隻色係專為亞洲肌膚研製，較適合亞洲人膚色 →

我用嘅色號係 #774 light beige →

燈光影響下，當日即場試嗰陣覺得 #774 顏色係剛好，不過返到屋企再試就認為白咗啲啲，應該揀 #764 會更 match 我膚色 → 

於產品發佈會內試的粉底效果 →

由於當日場內燈光偏暗，再加上化妝檯嘅燈光 enhance 咗個效果，試完後覺得個粉底效果真係好靚! 搽上後皮膚好似識得發光咁，面頰 + 下巴 + T zone 自動提亮咗! 好立體! 😍

至於自己響屋企再試嘅效果又如何? 繼續 roll down 睇睇~

btw，當日 BA 姐姐幫我試嗰支新出「matte supreme 持久啞緻唇液」都唔錯呀~ 💄

一向用開植村秀嘅「laque supreme 漆繪水亮唇彩」，仲已儲儲埋埋好多隻色，而今次呢支 matte supreme 顏色亦同樣靚，雖然係啞緻質地，但搽上嘴並唔覺得乾~ 

屬持久唇色 formula，不易暈染脫色，最啱唔得閒經常補唇妝嘅人用 💋

仲有 15 隻色可以揀，色調好明顯係配合秋冬 trend 而推出 ($220 支) →

首推 BG01 / BR01 / OR01 色，好有秋冬 feel →

講返支 lightbilb 粉底效果 →

話說當日產品發佈會場內燈光昏暗，再加上化妝檯嘅燈光猶如幫塊面打咗燈，試出嚟嘅粉底效果係完美無瑕~  

不過返到屋企再試就冇咗嗰種立體 + 無瑕效果了 →

太陽光下睇明顯係差少少，有種原形畢露見光死嘅感覺 😆

遮瑕度屬中等，比以前嗰支 the lightbulb 粉底低啲，但均勻膚色效果都 ok 的，瑕疵等等亦 cover 到 7-8 成，只係唔多遮到斑斑。持久度以夏天計約可 last 4 小時。

至於質感對我 dry skin 嚟講就有啲乾，搽嘅時候已覺得唔算特別貼面，整體效果亦唔算柔滑，

冇 enhance 改善到膚質，鼻翼偏乾位仲有少少唔貼粉......

雖然遠睇冇乜大礙，但 close up 睇面頰位毛孔 + 眼尾乾紋會顯露 →

連而家 30 度天氣下用都覺得乾，仲直頭乾到有啲浮粉，應該陪唔到我過秋冬了......

呢支會適合混合至偏油肌多啲 ☺️

btw，孕期膚質好明顯變差咗，皮膚變乾咗 + 膚色暗啞咗 + 啲斑斑湧住咁出，於是對粉底要求又相對提高咗..... 冇計啦，唯有等到 bb 出世坐完月後先再去打 laser 淡斑 😆