卸貨在即，而家塊面 + body 已腫脹到去一個點，唔係好想見人..... 😓所以今次 outfit 文就恕我唔著上身影俾大家睇了，只 post 今期買咗啲咩衫。
同上幾次一樣，今次介紹嘅衫亦非全部孕裝，只係稍為鬆身嘅款式，孕婦 + 普通人都啱著，而且佔大部份我其實係買定嚟等生完 bb 之後著的，都就快生得唔使再買孕裝喇~
雪紡併接連身裙 →
呢條裙話就話係孕裝，不過其實只係稍為鬆身嘅普通款式，一啲孕味都冇，我個肚咁巨甚至認為係窄𠻹! (但非巨肚孕媽應該可以著到生) 留返生完 bb 之後著就啱晒~
¥ 99 / 2 色選擇 (free size)
https://item.taobao.com/併接連身裙
另有灰白色 →
加厚長身高叉針織裙 →
冇錯天氣係未凍，的確冇需要咁早買冬天厚身衫，不過到我坐月時經已係 12-1 月，應該夠凍著到了，見佢咁平就買定先 😙
¥ 85 / 2 色選擇 (free size)
側面係高叉設計 →
另一隻色 →
加厚針織長裙 →
話說今年興長裙，所以就買咗好多連身長裙 😂
呢條裙個款可以話係普通到冇得更普通，但勝在一笠上身就出得門口，最啱懶人，仲有好多隻色揀~
¥ 89 / 8 色選擇 (free size)
厚身加絨連身衛衣裙 →
主要係買嚟坐月著 + 放假落街著，又厚又暖又夠鬆身，著舊咗之後仲可以做睡裙 😝
¥ 69.9 / 2 色選擇 (M-XL size)
另有黑色選擇，不過都係灰色靚啲 →
厚身針織長外套 →
呢件質地勁厚超有手感! 非常鐘意呀 😍
¥ 109 / 2 色選擇 (free size)
掙扎咗好耐買黑色定藍色好.......
結果揀咗藍色，實物極靚 💕
拼接網紗假兩件長衛衣 →
呢件實物又係唔錯，不過當裙著會太短，要加條褲加底。
¥ 68 / 2 色選擇 (M-L size)
灰色層次係會更出，不過始終都係買咗黑色襯返自己 style →
吊帶打底 lace 長裙 →
係早前買嚟著喺連身長裙內打底的，因為個肚太巨撐到啲裙好短，唔打底好易走光。呢條勝在長度夠 (過膝幾吋) + 唔透光，用嚟打底襯衫又得，加件 top 或外套單著又得 👍🏻
¥ 58 / 2 色選擇 (S-2XL size)
完全冇諗過我個肚咁大，買 M size 竟然可以著得入，仲要唔覺得窄! 😲
加件 top 單著亦唔透光 👏🏻
話晒都就快冬天，本來係一件短袖都唔想再買，不過個肚已經巨到著唔入之前啲夏天衫，而天氣又未凍到可以著到長袖，唯有買多件短袖衫著住先.....
黑色白色同樣靚，掙扎咗一陣結果都係揀咗黑色 🖤
¥ 59 / 2 色選擇 (size M-XXXL) @ 淘寶
https://item.taobao.com/鬆身中長上衣
孕裝系列
呢條薄身濶褲夠鬆身 + 唔侷身 + 質地又軟，係勁舒服! 孕褲之中認為買得最值嘅就係佢喇 😍
https://item.taobao.com/孕婦托腹濶褲
孕婦厚身托腹運動褲 →
我個肚咁大呢條買 M size 都有鬆! 真係估佢唔到 😅
收到嗰陣有啲驚嚇點解睇落咁大條，不過著上身又覺得 ok 喎! 以咁平價錢計質料都算好好，放假著一流，但只適合孕後期巨肚時著，唔適合瘦嘅孕媽。
¥ 58 (M-XXL size)
孕婦打底褲 →
有塊布遮埋個肚嘅 "托腹款打底孕褲" 我都著過唔少，不過孕婦體溫比普通人高，會特別怕熱，就稍嫌有啲侷身，反而呢類 V 型款就會更清爽 ✌🏻
我買呢條 size 比較大，係適合孕後期穿著的，淘寶亦有大量呢種款式，孕前期嘅媽媽亦有細少少嘅 size 可以揀~
¥ 49 / 4 色選擇 (size L-XL) @ 淘寶
秋冬襯長裙打底一流! 夠厚又唔透光 👍🏻
¥ 39 / 5 色選擇 (free size) @ 淘寶
https://item.taobao.com/孕婦打底襪褲
孕婦哺乳睡衣套裝 →
之前 2 胎已買過胸位有拉鍊 / 扣鈕式嘅哺乳睡衣，發現餵起人奶時非常唔爽，件衫一係遮住呀 B 個頭阻住餵奶 (拉鍊式)，一係就要除幾粒鈕先餵到 (扣鈕式)，唔夠快同方便......
今次揀 V 領式應該會爽好多! 一拉開就餵得 🍼
¥ 68 / 2 色選擇 (size L-XXL)
沒有留言:
發佈留言
注意：只有此網誌的成員可以留言。