紐西蘭有機天然護膚品「Antipodes 潔面啫喱 + 爽膚水 + 精華素」review

呢 3 支有機天然洗面啫喱 + 爽膚水 + 精華素，係大半年前訪問紐西蘭護膚品牌「Antipodes」CEO 時送俾我試用嘅禮物，等我孕期可以用返啲天然有機 skincare，早已全部用完了，襯 👶🏻未出世仲有時間， share 下用後感先~

Juliet Skin-Brightening Gel Cleanser 亮白透肌潔面啫喱 →

蘊含紐西蘭活性麥盧卡蜂蜜 + 奇異果及芙蓉花萃取 + Vinanza® 強效抗氧化混合萃取精華，有效深度清潔肌膚，抗菌，平衡油脂，減少油光及暗瘡，使肌膚勻淨透亮。

不經動物測試 Made in New Zealand

$229 / 200ml @ Watson's

https://www.watsons.com.hk/Antipodes

經過 Watson's 見 Antipodes 久不久都有折扣優惠，有興趣亦可去睇睇~

呢支潔面啫喱主要係針對會出油 + 生暗瘡嘅皮膚 / 年輕肌而設。對我呢類已收油冇暗瘡嘅中女 dry skin 嚟講，雖然唔係好貼切，但至少洗面後唔覺得乾，屬唔起泡一類~

由於我冇乜油脂分泌，測試唔到佢改善油光同暗瘡效果，就覺得佢冇咩特別，純粹當係一支天然冇泡嘅 cleanser 咁用。不過 size 真係夠晒大支，以價錢計係好扺用，兩公婆合力都要用幾個月先用得晒 😆

另外好鐘意佢嗰種淡淡青蘋果 + 葡萄清香氣味~

Resurrect Clarifying Facial Toner 淨肌清透爽膚水 →

有效收緊毛孔，緊緻肌膚，同時能平衡油脂及喚醒肌膚，不經動物測試，made in New Zealand

使用方法 : 可於潔面後噴於面部，作為爽膚水使用。亦可於任何時間噴上，為肌膚補充水份及養份，減緩環境壓力。補妝前 / 化完妝後亦可使用。

$219 / 100ml @ Watson's

呢支我都幾鐘意! 噴上後再用手拍一拍，好快就吸收，而且皮膚摸上去即時 feel 到好滑嫩清爽，毛孔亦覺得有收緊咗~

不過就冇乜補濕度，純粹係收毛孔 + 滑嫩清爽功效，對 dry skin 計係補充唔到水份咁滯，隨後必需另搽肌底導入液 or 補濕精華。

具天然花香 + 葡萄香氣，氣味好清新 relaxing 😚

Apostle Skin-Brightening Serum 臻白透肌修護精華 →

蘊含紐西蘭奇異果萃取 + Vinanza® 強效抗氧化混合萃取精華 + 黑蕨及靈芝萃取精華等等，醫學驗證能顯著提亮及均衡膚色，並有效滋潤修護肌膚、減少面部泛紅、加快肌膚細胞新陳代謝，令肌膚煥發健康光彩。

不經動物測試 Made in New Zealand

$389 / 30ml @ Watson's

呢支精華屬 Antipodes 皇牌 best seller 之一，搽上面嘅感覺非常討好，仲有種天然葡萄香味 →

質感屬稀身之流質一類，伸展度高，每次用少少已足夠 →

一搽完係秒速滲透吸收，塊面摸上去會勁柔滑、勁 soft，係好似絲質咁滑手! 😍

不過補濕度並唔高，只能當作肌底導入液咁用，補濕度絕對及不上一般補濕精華，故隨後必需另搽其他補濕精華 + 面霜。

另外除咗令皮膚摸上手勁滑勁 soft 之外，就並唔覺得有提亮均衡膚色效果 (或者有但輕微到肉眼察覺唔到)，所以都係當佢肌底液咁用好了。