2019年2月3日 星期日

真係可媲美 clé de peau??? 🤔 平價「日本 MINON Amino Moist bright up base UV SPF47 PA+++」保濕防曬 base 用後感

日本 MINON 嘅 paper mask 好多人用過都讚, 以前亦有推介過, 而佢呢支 makeup base 同事去完日本買返嚟用過後, 話直頭拍得住 clé de peau 支「Correcting Cream Veil」保濕 base 咁激喎! 仲即刻俾咗支我試𠻹!

有冇咁興奮呀?~ 😂

又等我 try try~


唔使多介紹, MINON hit 到周街都有售, 要買唔使特登去日本, 不過大部份人都係買佢嘅皇牌
paper mask 或䕶膚品居多, 至於 makeup base 就較少人吼......

我諗主要係怕日本牌子 base 會偏白吧? 雖然台灣有唔少 blogger 讚過話佢係冬天平價 base best buy, 仲好用過貴牌 base, 但香港女仔一般唔鐘意搽到塊面太白嘛, 所以唔知啱唔啱我地口味? 🧐


MINON Amino Moist Bright up base UV 

針對敏感肌及乾燥肌而設, 為物理性防曬配方, 成份安全溫和, 通過各種嚴格皮膚測試, 不含香料 / 色素 / 酒精, 屬弱酸性, 具 SPF47 PA+++ 防曬度, 兼能均勻亮澤暗沉膚色。

香港大約賣 $130-140 左右, 但就並非周圍有, 日本買就當然再平啲啦~ 💵


唧出嚟係有色的 (膚色), 同 clé de peau 支「Correcting Cream Veil」近似 →


連質地都同 clé de peau 有啲似, 同屬滋潤一類, 輕微杰稠那種 →


不過光澤感提升方面就冇 clé de peau 咁強 →


搽上面效果 →

實際搽上面感覺比試上手更杰稠, 雖未至於叫做難推開, 但都要捽多幾下先推得勻, 冇 clé de peau 咁易推開, 而且萬一份量搽多咗亦會起擦膠碎。

光澤感方面係有少少, 滋潤感都算充足, 但搽勻後卻有黏稠感, 感覺較侷身, 如果係乾性肌冬天用尚可接受, 但春夏用 / 唔係咁乾嘅皮膚用就真係有啲窄, 應該會爆出油 😆


均勻膚色效果都有少少, 不過就唔好諗住會 cover 到太多嘢, 而且始終都擺脫唔到日本 base 嘅偏白缺點, 我膚色黃搽後好明顯係同條頸分開咗兩截色, 白到一個點, 故只適合膚色白的人用 →


上埋粉底 + 碎粉後, 其實又係變返啞緻 feel, 透唔到光澤感出嚟 →

至於係咪可以媲美 clé de peau「Correcting Cream Veil」呢?

雖然兩者質地同顏色係好相似, 但實質搽上面嘅感覺同妝效都仲差啲, clé de peau 會更易推勻 + 就算搽埋粉底都會透到光澤感, 同埋真係唔太鐘意呢支 MINON 嗰種黏稠感 + 偏白感。

唯一優點係用咗佢打底, 隨後上粉底真係特別貼面 + 持久! 👍🏻

推唔推介??

要膚色白 + 皮膚勁乾先用到囉...... 我自己就唔多啱用了 😉


沒有留言:

張貼留言