2019年2月28日 星期四

韓國勁 hit 嘅「MERBLISS Wedding Dress Intense Hydration Coating Nude Seal Mask 婚紗面膜」! 你試咗未?

其實又唔係好新嘅, 都 hit 咗一排喇~ 

不過韓國啲嘢你知啦, 通常出完一排、hit 到周街都有嘅時候就會冧價, 所以識買一定係遲買, 反正 paper mask 有咁多選擇, 又唔係唔等得, 而家佢嘅售價經已由當初 $100 左右回落至 $42 蚊盒, 未試就係時候喇~ ✌🏻


確實我都認為韓國嘅 paper mask 係平靚正, 兼夾款式又多又新, 效果甚至好過好多貴牌子~ 👍🏻

至於呢款「MERBLISS Wedding Dress Intense Hydration Coating Nude Seal Mask 婚紗面膜」, 就被譽為結婚前必用, 每片面膜都含有滿滿 25ml 濃縮精華, 仲含有高級珍珠粉 + 鰉卵魚子醬萃取成份, 具豐富維生素及礦物質, 可即時為肌膚瞬間補水, 兼具美白效果, 勁多韓妹 + 台灣 blogger 推薦。  

$42 (一盒 6 片) @ SaSa


粉紅色包裝盒 + 大大個婚紗圖案的確係好夢幻, 好有少女 feel 😍

不過外表幾吸引都好, 最緊要都係塊面膜好唔好用~


首先一撕開摸上手經已 feel 到面膜紙質感非常軟稔, 比一般 paper mask 更透薄, 又 soft 又軟綿綿勁好 feel! 👏🏻

敷上面冇乜重量感, 夠貼面唔會不停跣低或滴水, 又有好多稀身水質嘅精華響裡邊, 正~ 

唯一美中不足就係有少少香味, 氣味雖然輕淡唔係濃烈, 我用後亦冇敏感, 但當然完全冇香料就更加好啦, 容易對香料過感嘅人就要諗過先了。

Size 剪裁亦算 fit, 只係鼻翼位敷唔到 → 


厚度只有 0.21mm! 屬超薄質感, 敷上面後仍可清楚見到皮膚 →

同 Dr.Wu paper mask 差不多咁薄, 但呢隻 MERBLISS 觸感就再軟身啲~

自覺 paper mask 愈薄會吸收得愈好, 可以揀最好揀薄身的, 只可惜好多時要買咗返去見到真身先知薄唔薄啫 😆


敷完 20 mins 後 →

係好似充完電好水嫩嘅 feel~ 😍

水份係泵到, 仲要泵得幾唔錯𠻹! 乾紋有即刻改善到, 敷完皮膚冇咁缺水, 睇落都冇咁泛紅, 感覺膚質係剔透咗 + 平滑咗, 急救用一流~

不過收細毛孔程度就冇 Dr.Wu 咁顯著, 只係改善到少少, 美白效果亦唔多覺有, 所以當係平價保濕 mask 用就好, 咁平有咁嘅效果已經好值得推介喇, 粗用唔使慳住慳用~





沒有留言:

張貼留言