韓國 skincare 嘅 marketing 簡直係一流, 今次介紹嘅 AVAJAR「Perfect V Lifting Premium Mask」V 面提拉緊緻面膜, 又係講到好勁, 仲被稱為明星面膜, 韓國 artists 出鏡前必敷咁話!
雖然唔算好新, 不過之前大肚唔用得, 生完 B 太攰又冇心機試咁多新嘢, 而家生活總算回復正常, 開始投入返我嘅白老鼠行列先~ 💪🏻
產品資料 →
蘊含去水腫成份如咖啡因 + 卵磷脂 + 海罌粟鹼 + 酒石酸 + V 臉凝膠精華配方等, 特別針對下巴位置, 有效減脂及快速消除水腫, 緊緻肌膚恢復彈力, 令輪廓更分明, 找回隱藏的 V-line。
棉布以彈性高之專利特殊面料製成, 並通過低温冷却速成技術, 令棉布和精華液不分離, 戴上後可緊密包裹住下巴部位, 加強拉提效果而不會滴水, 用後不用清洗。適合各種臉型, 只需佩戴半個小時便有即時效果, 超方便而有效。
添加膠原蛋白 + 玻尿酸等保濕成份, V 面之餘能深層滋潤乾燥肌膚, 使肌膚變得水彈柔潤。
SaSa 賣 $175 (每盒 5 片), 卓悅賣 $100 左右, 網購就 $135-190, 都幾海鮮價..... 😓
為咗方便自己 + 怕買到假貨, 結果我都係去 SaSa 買。
使用方法 →
潔面並搽好日常護膚品後, 將面膜包裹於下巴, 調整好位置再拉到耳後掛上, 每次需持續 20-60 分鐘。用完撕走無需洗面。
棉布正面係乾身的, 而貼上面嗰邊嘅精華質地, 就屬有黏稠感嘅冰冰涼涼 gel 狀, exactly 似足 "鎮痛貼" 🤣
貼上後個樣 →
一行出廁所老公就問 :「嘩! 你攪咩呀?? 乜嚟㗎?」😨
「敷緊 mask」
「敷 mask 係咁嘅咩?」
「係呀」
佢響梳化彈起身走過嚟望「敷 mask 唔係咁㗎喎?!」🧐
「係 mask 呀, V 面 mask」😑
然後開始伸手狂督我塊面「我唔信! 唔係 mask 嚟嘅, 都唔濕嘅?!」
費事睬佢 😅
貼上面會 feel 到扯得好緊, 又有少少冰涼感 (非薄荷) →
不過敷得耐耳背位會勒到有啲痛, 後來第 2 次敷我就將片 mask 拉鬆咗少少先至貼上面, 會冇咁痛~ 😉
另外用法指只需敷 20-60 mins 就會見效, 但好多台灣 blogger 都話可敷幾個鐘, 甚至敷過夜!
敷幾耐就自己決定了, 建議初次使用時唔好敷太長時間, 試下自己會唔會過敏先! 產品亦冇話係防敏, 不過我敷過幾次都冇敏感, 係無色無味味。
用後感
So far 敷過 4 片, 又俾我老公試敷咗 1 片, 我同佢都覺得敷完係有 firm 咗少少嘅! 雖未至於會變到勁 V, 但總算有效, 至少有 feel 到塊面收緊咗先, 百幾蚊 5 片有即時效果都算係咁~ 👍🏻
我第 1 次敷過咗 30 mins 見佢冇過敏, 又冇乜特別唔舒服, 於是就敷過夜。雖然敷咁耐都完全冇過敏, 但就覺得皮膚會透唔到氣, 好易侷出粒粒, 同埋扯得咁緊都幾難受! 所以都唔建議敷過夜了。
之後嗰 2 次我就每次敷 4 個鐘, 一收工就敷, 瞓覺前撕走 (撕走嗰下都有啲痛, 好似脫毛貼咁), 覺得其實同敷過夜嘅效果分別都唔太大。而最後嗰次我試過只敷 30 mins, 覺得時間太短效果係唔大。
連續敷 3 日後效果 →
沒有留言:
張貼留言