2019年3月13日 星期三

M.A.C 壞女孩眼影組合「Prissy Princess #公主病色系」review

上年陀緊 B 冇乜心情化眼妝, 都係求其化有個妝返工就算, 一直到而家先有返 mood 打扮, 至發現原來有成 9 個月冇買過 eyeshadow 喇! 於是月頭即刻衝去 NARS 同 M.A.C 買咗 2 盒, 彌補返身心創傷 🤣🤣🤣

NARS 新出嗰盒「Skin deep」上次已介紹咗, 今次輪到 M.A.C 嘅「壞女孩眼影組合」→

其實都推出咗 1 年, 不過顏色啱用就得, 冇分新舊啦~

整個「壞女孩眼影組合系列」有多款顏色選擇 →

但未必間間分店都齊貨, 唔同嘅分店出售嘅顏色都唔同, 視乎該店有冇貨



我買嘅係 #Prissy Princess 公主病色系 →

點解呢幾隻色要叫「公主病色系」真係冇人知, 不過亦唔需要考究 😂

而每隻顏色名都改得好有心思, 全部襯返晒公主病主題, 如 "Good Girl & U know it" / "Colour Me Spoiled" / "Too Good To Be True" 等等, 改名嗰位真係好 creative!


當然說到底都只不過係普通 earth tone 眼影組合啦~ 😉

共 8 色眼影 + 1 色光影粉


試色圖 →


右邊最大嗰格香檳色光影粉, 可用於眼蓋提亮暗沉眼皮, 或掃於 T-zone / 面頰立體輪廓 →

從咁多款「壞女孩眼影組合」中揀買呢盒 #Prissy Princess, 其實最主要都係因為呢隻光影粉, 其他組合裡邊嘅呢一格有啲係古銅粉, 有啲係銀色光影 or 金色光影, 佔咁大格用唔著會好嘥嘛~


而成盒眼影裡頭, 最冇用嘅就係左邊呢一格色 →

除咗 Asian 偏黃膚色唔適合用呢類色之外, 佢亦唔係太上色, 出唔到色咁滯.....


試上眼效果 →

都係我一貫嘅返工眼妝化法, 由淺至深掃上~

粉質其實好普通, 唔算特別細膩, 吸附力亦唔算高, 試過幾次用眼影掃化都會跌粉 + 溶眼妝, 最後要用手指化, 靠埋指溫 + 指上油脂上粉, 先至貼得實皮膚唔溶妝。 

感覺同開架平價 eyeshadow 冇乜分別, 甚至可能開架 brand 仲好過佢𠻹!


用嘅係呢幾隻色 →


以 $445 呢個價位計, 更好嘅粉質選擇其實有好多, 唔太建議入手.....


沒有留言:

張貼留言