2019年6月27日 星期四

拯救產後尿滲無需再收收埋埋! CUTIS 「Emsella™幸福椅」唔使除衫齋坐 30 mins 攪掂~

台灣 S.H.E 歌手 Ella 因 3 年前生 BB 後造成尿滲失禁及脫胱, 嚴重到最近要做手術呢單新聞, 最近被網上瘋轉, 相信唔少人都有睇到。

雖然呢個係比較嚴重嘅個別例子, 但其實產後尿滲都係好多順產媽媽會經歴嘅煩惱, 並非想像之中咁稀奇, 始終順產過程係一定會扯鬆拉傷陰道 + 骨盆底肌肉 + 筋膜層, 令到下盤成組肌肉變得軟弱冇力, 出現忍唔到尿情況係合情合理喎!

我臨生 BB 前, 都有唔少 auntie 叮囑我生完之後唔好長時間企, 否則將來可能打個噴嚏 / 咳幾咳 / 甚至大笑都會出現漏尿, 可見呢個問題其實係有好多女性經歴緊, 只爭在講唔講你知啫, 唔通周街 share 咩? 🤭

要根治呢個問題, 以前係可以靠做「陰部 RF (收陰機)」, 但過程就尷尬到一個點..... 🥴

而家就科技發達, 出咗呢張唔使除褲齋坐 30 mins 攪掂嘅「Emsella™幸福椅」, 自從香港一有之後就成為城中熱話, 勁多人討論! →


有睇開我個 blog 的話, 可能會記起我幾年前已試過一次「舊式陰部 RF (收陰機)」。

雖則當年已叫做係新款, 但都要除褲瞓低, 將一支熱嘅 RF 棒伸進陰道不停轉足 45 mins, 都真係有啲尷尬㗎, 同埋都會有少少熱, 而效果就只能針對陰道鬆弛問題, 對提升盤底肌係冇效......

至於今次呢張新科技「Emsella™幸福椅」就完全唔使除衫尷尬 + 非入侵性冇任何嘢需要放入體內 + 真正齋坐 30 mins 攪掂快捷方便 + 無痛無創損 + 一人一房私隱度高 👍🏻

我全程真係咁嘅衣著去坐呢張椅, 冇除過衫或者換過衫~

嗰 30 mins 過程仲可以放電話上個腳架煲劇嘅𠻹, 一啲都唔會悶~~


坐「幸福椅」只為改善性生活? 🤔

呢個只係其中一樣受惠到嘅 bonus, 其實「幸福椅」係有另一個功能模式 "專門針對改善性功能障礙" 的, 不過就唔係間間有, 而我今次去嘅「CUTIS 彩光醫學美容中心」就係全 hk 首批引入呢個新功能更新嘅幸福椅。

咁當然未必人人用得著呢個新功能 mode 啦, 通常坐「幸福椅」嘅大多數都係生育過嘅媽媽, 甚至係已出現尿滲嘅婦女, 只想改善失禁情況, 例如我生完第 3 胎之後就明顯察覺到自己經常尿頻, 盤㡳肌變得無力忍唔到尿尿, 一急就要去洗手間, 否則真係會尿滲, 係已經試過......

既然初期特徵已出現, 唔想將來年紀大啲 "打個噴嚏都漏尿" 的話, 當然要襯早揾辦法改善 🤭


「幸福椅」原理係點? 點解齋坐都有效?

首先呢, 通常產後婦科醫生會建議常做「收陰運動 (忍尿動作)」去回復陰道肌肉彈性, 最後係產後 2-3 日開始持續做..... 

但生完 BB 初期痛到連行步路都有困難, 加上隨後幾個月又要湊 B 都冇覺好瞓了, 好難有閑情去顧個陰道肌肉彈性, 自己做收陰運動每分鐘做到嘅次數亦有限, 做做下都會變冇咗回事...... 

至於呢部英國「Emsella™幸福椅」就係利用高強度聚焦電磁技術 "HIFEM" (High-Intensity Focused Electromagnetic technology), 無痛地增強肌肉力量 + 肌肉神經控制能力, 令盆腔底肌肉達致 100% 極限肌肉收縮, 坐 30 分鐘 = 做咗 12000 次收陰運動!! 👏🏻

至於提升盆底肌方面,「幸福椅」仲獲有國際級醫學認證, 完成整個療程後能有效提升盆底肌, 改善尿滲及失禁問題~


完成 6 次 treatment 後感覺 →

整個療程 total 為 6 次, 每星期 1-2 次, 而個高強度聚焦電磁頻率係可因應你承受到嘅感覺而調節, 我初次去試時係由 60% 慢慢調升至 95%, 第 2 次開始已經係每次可調到最高 100%。

坐上去會 feel 到整個 hip 位 + 下陰都會有種急速強烈微震, 而呢種震動感唔單止係表面咁簡單, 係屬於較深層的, 由內至外都 feel 到痺痺哋, 連帶落成個大腿內側肌肉神經都有種急速收縮扯緊嘅感覺。痛就唔會痛, 我反而覺得係震到痕, 經常一邊坐一邊自己傻笑 (好彩係一人一房) 😂 

效果方面, 呢類 treatment 都係尿滲問題愈嚴重、改善就愈明顯的, 而我情況就只屬初期, 係忍唔到尿, 但只要及時去洗手間又未至於會尿滲, 所以坐完第 4 次都未 feel 到啲咩分別.......

但坐到第 5-6 次就明顯覺得震動感覺大咗, 應該係自身肌肉敏感度增強咗、變得 sensitive 咗, 隨後忍尿時亦覺得係收緊得到, 冇之前咁無力, 初初 feel 到嘅感覺就係咁。

本來覺得效果好似好微弱, 但點知做完 6 次隔咗 3 星期之後, 先 feel 個效果明顯咗喎! 

可能係身體要時間修復吧, 我係隔咗一排先察覺到分別, 而家就真係已經可以完全控制到肌肉忍到尿, 收緊力度增強咗 (都幾明顯), 自覺幾乎同未生 BB 之前冇分別了 (仲爭少少啦)~ ☺️


尿滲問題嚴重嘅人坐 6 次應該會 feel 到分別更明顯, 反而情況唔嚴重嘅人如我, 反應較慢, 坐到最尾嗰 2 次先 feel 到有分別, 就會覺得坐 6 次未夠喉, 係改善到呀, 不過坐多幾次仲應該會根治到𠻹! 始終冇「舊式侵入式 RF 收陰 treatment」咁貴咁尷尬, 坐多幾次都唔會覺得係啲咩~

收費方面

如果有留意過「幸福椅」的話, 都知坐一次都唔平嘅, 大約係 $1000 次左右.....

除非你情況嚴重, 否則只坐 1-2 次我覺得唔會察覺到有咩分別, 只能純粹感受一下, 整個 treatment 最少都要坐 6 次, 咁條數你又計到了, 仲未計有啲人好似我咁反應慢, 坐 6 次覺得未夠喉, 想坐多幾次, 或者繼續久不久去坐 1 次 up keep 呢?

而我今次去嘅「CUTIS 彩光醫學美容中心」最近就做緊 promotion $9800 一年內無限任坐! 有需要嘅人就知確係抵嘅!

(頭 6 次係每星期去 1-2 次, 隨後 up keep 可每個月去 1-2 次或更多, 視乎個人需要) 


題外話, 原來之前連續幫我打咗 3 年「淚溝透明質酸針」嘅女醫生, 而家係轉咗去呢間 CUTIS! 收費仲平過之前! 好多人 inbox 問過我知唔知醫生轉咗去邊, 點知今次無意中俾我撞到! 🎉


呢樣咁偉大嘅新發明, 直頭係造福女性 🥰

其實尿滲呢個問題, 差不多每個女人去到某個年齡都要面對, 又有乜好避忌, 以前就話要除褲怕尷尬要諗諗啫, 而家「幸福椅」已經冇晒呢啲缺點, 仲咁 common, 早啲面對 K.O 佢仲好啦~ 


如想免費體驗一下坐「幸福椅」嘅感覺, 只要 click 入下面網址 : http://www.cutis.com.hk/promotion_detail.php?id=11#tw-enquiry 

填妥資料, 於 "查詢事項" 一欄填上 "Isadora" 就可以免費體驗幸福椅療程一次
(優惠受條款及細則約束, 詳情請到 CUTIS 官網細閱)

利申 : 
是次療程我係做白老鼠由 CUTIS 提供試做, 而大家 join 唔 join 我係 "冇" 佣收的~ 多謝 😆 


CUTIS 三大信心保證 
- 絕不鼓勵硬銷  
- 正廠正貨療程, 專業權威認證保障, 安全國際科技儀器 
- 貼心跟進, 獨有個性化運作模式, 更能緊貼滿足不同客戶需求

CUTIS Website : www.cutis.com.hk 
Whatsapp 查詢: 6149 6837 
Address :旺角彌敦道 664 號惠豐中心 18 樓全層 (旺角港鐵站 D3 出口)




沒有留言:

張貼留言