2019年6月7日 星期五

日本「K Palette One Day Tattoo Lasting Lip Tint Maxi Plus」斷貨水潤唇釉

K Palette 嘅「One Day Tattoo 眼線液」我用緊兼好滿意 ❤️

而佢早排推出嘅「One Day Tattoo Lasting Lip Tint」唇釉, 日本仲一度賣斷市! 

既然咁賣得應該都唔會差啩? 我又買支 try try~



K Palette One Day Tattoo Lasting Lip Tint Maxi Plus
閃亮豐唇唇采

蘊含大量天然保濕成份如乳木果油 + 角鯊烷 + 澳洲堅果籽油 + 橄欖油等等, 主打極緻滋潤而不黏稠 + 高度透明玻璃唇 + 小清新自然感唇妝 + 色效持久度高。易含有 "美容油膜" 配方, 能因應唇上的水份而自然提升健康血色感。

無特別氣味 / made in Japan

購自吉之島約 $100 左右唔算貴 👍🏻


Total 4 色選擇, 我揀嘅係 #04 Sheer Red 亮紅色 →

由於係屬於半透色效, 唔算好實色, 試過更淺色嘅 1-3 號 tester 覺得太淡, 同透明 lip gloss 只有輕微分別, 於是就揀咗紅色 💋


棒頭設計及質料都同普通唇采一樣, 冇乜特別 →


水潤輕透質感, 反光度極高 →


搽上唇效果 →

雖然影相睇唔算好令身, 但其實真人睇係令身到反晒光嘅, 就好似搽咗層精華油咁! 我直頭係覺得光得滯𠻹~ 😆

至於點解過咗鏡影唔出嗰種令身效果呢? 係因為佢質地好薄冇乜厚度, 唔似一般 lip gloss 咁厚杰。薄就夠薄、光又夠光、潤亦夠潤, 感覺同描述所指一啲都唔黏笠, 但我就認為如果再厚身啲反而會更能 cover 到唇紋。

同埋佢個「薄荷油清涼感配方」我就一般般唔多鐘意, 我片唇又乾又 sensitive, 搽完雖然冇過敏, 但就覺得有啲刺激㷫㷫哋......


隔咗 3 個鐘後色效 →

色效持久度比起一般同具「色彩滲透配方」嘅 lip tint 係更 long lasting, 不過極其量都只能 last 3 個鐘漸漸 fade out, 如果期間唔食嘢 / 唔抹嘴, 就大約可 last 4-5 個鐘, 都算係咁。

至於個滋潤度 + 光澤感就維持唔到好耐, 搽完 1 個鐘唔夠就冇晒 lu, 只係得返啲顏色喺度, 仲 feel 到好乾𠻹, 係得初初搽完嗰陣覺得潤......

覺得佢係被吹捧到好神, 其實好普通 😅


沒有留言:

張貼留言