2020年2月29日 星期六

日本 No.1 🏆 Milbon 專業級 home care 髮膜 hair mask

我係 Milbon 粉絲 😍

自從用過佢嘅洗頭水 + hair treatment, 拯救咗我把長期漂染枯髮之後, 自此就愛上咗佢, 用完一支又一支~ 

對於我呢啲又要染、又唔想把頭髮變雜草嘅人嚟講, 始終都要俾多少少買 salon 級護理髮品 keep 一 keep 嘅, 試過好多平同貴牌子都仍然覺得最有效係 Milbon, 單係洗頭水 + hair treatment 兩樣嘢已經有效過其他牌子啲 hair mask 👍🏻 

之前都有介紹過 Milbon 嘅產品 →

我覺得佢主要係強在分子夠細, 夠深入滲透, 真正可令枯髮起死回生 🎉

曾經用過好多牌子洗頭水 / 護髮素 / hair treatment, 普遍都分子較大, 較著重外在效果修補髮麟表層, 雖然係有即時柔順感覺, 但吹乾髮後始終都係乾旱毛躁, 髮質實際並冇大改善, 就似係掩眼法吧。 

而 Milbon 嘅產品就屬低分子天然萃取蠶絲成份 (SSVR Silk 技術), 係世界首次證實能填補髮芯內棒狀空洞嘅頭髮護理產品, 亦係日本 No.1 專業護髮品牌, 係唔同啲嘅~

初用時除咗柔順之外可能會覺得冇乜特別 (咁都要時間修復嘅), 但當你連續用 1 個月之後, 就會察覺出把頭髮開始起死回生、由枯髮變回健康質感、有返彈性、毛躁等等都有改善了~ 

雖然唔平, 但長期漂電染 / 髮質極乾旱的話就好值得試, 等髮質好返就可轉用其他 👏🏻


洗頭水及 hair treatment 200g 約 $200 幾 / 500g 約 $400 左右 

要 Private i Salon (代理店) 或部份髮品店先有得賣, 上網 search Milbon 也可找到



講返今篇主角 → Milbon 髮膜 hair mask

其實上次拍 video 時我都有試過佢嘅 Repair 系列 hair mask, 但點解冇推介過?

係因為當時用完覺得流流哋, 敷完唔覺有順滑到, 都冇 feel 嘅?? 無論係搽上濕髮嗰陣 / 沖水過程 / 吹乾後, 都完全 feel 唔到有乜分別, 察覺唔出有乜改善, 敷完好似冇敷過咁, 完全唔明點解咁多 hair stylists 推介喎?? 🤔

於是早排去染髮見到 hair stylist, 順便又問下佢......

佢話因為 Milbon hair mask 成份屬小分子, 會真正滲透入髮芯修復內層去改善, 唔同大分子嗰啲 hair mask 較著重表面柔滑效果, 而滲唔到幾多入髮絲。

佢仲講咗個好好嘅比喻 👉🏻 

就好似當皮膚有傷口時, 你揀搽藥水 or 貼膠布嘅分別, 一款係即時滲透但表面冇乜痕跡, 另一款就冇乜滲透力但即時幫你 cover 咗傷口。

ok 明晒~ 


Milbon 嘅 hair mask 有分幾款, 上圖專業級嘅 Repair hair mask 系列 (包裝) 要 Private i Salon 先有得賣, 不過下圖 DEESSE'S 系列 (藍色) 就 SaSa 都有售 →

買時可留意盒上左下角個 "4" 字區分 :

4   適合輕度受損或細軟髮質
4+ 適合中度受損髮質
4X 適合極乾、極粗硬、極受損髮質 
另外粉紅色包裝嘅係膠原系列

個人認為 DEESSE'S 系列 (藍色) 同我以前用過嘅 Professional 級系列 (白色) 感覺係唔同, Professional 系列分子係再細啲 (亦都貴啲), 滲透力高啲, 用後感就如上段描述咁。

而好多地方都有售嘅 DEESSE'S 系列 (藍色) 就分子大少少, 用時比較有 feel 有順滑質感, 如跟其他牌子 hair mask 比較, 我會覺得佢嘅分子大細係夾喺中間, 個人認為有效過其他 hair mask 👍🏻

$48 每包 4 支 @ SaSa



用法 : 用完洗頭水後髮麟會擴張, 呢個時候敷 hair mask 係最好, 最後先再搽護髮素。

P.S. Milbon 嘅 hair treatment = 護髮素, 本身冇出 conditioner 



沒有留言:

張貼留言