卸妝 + 潔面 👍🏻 fresh「Soy Face Cleanser 大豆卸妝潔面乳」

講到卸妝, 其實好多人都好懶, 確實放工係已經好攰, 明嘅~ 

尤其而家日日戴口罩, 好多女仔返工都只化 "半個妝", 淨係上半搽少少 base 或粉底, 咁化得嗰少少嘢要卸妝都確係有啲麻煩嘅.....

而今次推介呢支「Soy Face Cleanser」就可以卸妝潔面一次過, 慳返唔少時間, 爽呀~ 佢同時亦係 fresh 嘅暢銷熱賣品, 好多人用過都讚好並不斷回購, 上癮度 100%! 😍

Fresh Soy Face Cleanser

大豆卸妝潔面乳

成份蘊含充滿氨基酸的大豆蛋白質 + 有平復功效青瓜萃取 + 有助舒緩鎮靜的玫瑰水 + 琉璃苣籽油等等, 性質溫和而強效, 能去除化妝品及污垢而不抽走肌膚必要水份, 更能維持肌膚酸鹼平衡, 及有助保持肌膚彈性, 令肌膚重拾細軟柔韌。

適合所有肌膚使用, 包括敏感肌。made in U.S.A

$140 (50ml) / $330 (150ml) @ fresh

官網資料 + 店址 : https://www.fresh.com/hk/zh_HK/home

屬啫喱質地 → 

一捽上面已經 feel 到質感係特別柔滑, 仲有種好清幽嘅青瓜混合玫瑰香氣, 勁好聞! Relax 到連心情都舒暢埋咁 😍 自從轉用咗佢之後, 直頭覺得洗面都可以係一種享受, 感覺極舒緩~

然後沖水洗嗰一刻又會摸到皮膚好似軟化咗咁軟稔稔, 洗完面抹乾後摸上去又幾好彈性, 完全唔覺得有乾或繃緊, 望上去仲幾滑嫩𠻹! 覺得佢無論質感 + 保濕效果都好過好多洗面膏, 好正~~ 💓

至於卸妝潔淨度方面, 產品描述指除咗可徹底清除面部化妝品, 如底妝 / 胭脂 / 眼影之外, 仲連 masacara 都卸到! 

我試過都真係卸到 mascara 嘅, 不過就卸得好慢, 同埋會有殘留, 所以唔太建議單靠佢嚟卸 mascara / 眼線液, 而且咁捽法都好易捽入眼, 都係用 eye makeup remover 先卸一次會較好, 呢支 fresh 用嚟卸簡單淡妝就得, 勝在懶時可卸妝潔面一次過。

至於太濃 / 太防水嘅妝都係用返卸妝油會好啲 😉