皮膚過敏快速急救~

都話我皮膚超易過敏 + 易爆微絲血管啦，尋日打完 laser 後又紅到變 "關公" 喇! 不過我都已經習慣晒，完全清楚可以點 K.O 佢，未驚過~

其實無論係淡班 laser、嫩膚 laser、碳粉 laser、HIFU、矽針、果酸煥膚乜都好，而家都係好普遍，好多人會做呢類 treatment，始終見效真係快嘛~

但做完後皮膚就一定會乾 d + 脆弱 d + 易因缺水而過敏，係要特別保養好幾日，咁啱我又剛剛打完 laser，不如今日就講講我搽 d 乜可以快快降紅退敏啦~

講到 laser 淡斑~~

大部份人係連續幾個月、每隔 1 個月去打 1 次，而我就忙到隔咗成 10 個月先去打第 4 次 (又忙又懶乜都有 d 啦).....

反正打完 3 次後斑斑都淡咗一半有多，隔耐少少打冇所謂吧~

以我皮膚咁脆弱嚟講，打完 laser 會紅到變 "關公" 係好平常 →

尤其今次醫生幫我調高咗度數，就更加刺激易紅，唯有帶個口罩遮遮醜，返到屋企先再自己敷 mask 同保養啦~

返到屋企，第一樣做嘅次次都係敷 paper mask →

真係唔好睇少呢個環節! 逢係做完呢類 treatment 後，單靠搽日常 skincare 係唔夠，唔額外補充返 d 水份就好易起敏感 / 出乾紋。

我以前都試過打完 laser 後敷少 2 日 mask、就即刻乾到過敏出紅疹，所以自此打完乜都好，我都會好勤力連續敷一星期 paper mask~ 

至於點解要敷 paper mask、而唔敷 cream mask 呢? 其實係因為醫生話打完 laser / HIFU 等等後、皮膚底層都係熱嘅，最好唔好敷質地太潤 / 太油膩嘅 mask 去侷住佢，會仲易過敏。

而我打完 laser / HIFU 後，次次都係敷 Phyto-Lab 呢隻「 維他命B3 + 分子酊生物纖維面膜」，降紅退炎 + 保濕效果特別好，仲可以均勻埋膚色~

$350 / 每盒 5 片 @ https://www.facebook.com/pg/makeupsecret.hk/shop/

如我以前介紹佢所講一樣，平時敷佢只係覺得 "ok 啦" 咁，但每次 laser 後敷佢感覺就好唔同，會 feel 到佢特別吸收、放大咗個嫩膚同均勻膚色效果，片 mask 仲會一邊敷一邊變薄~ 

15 mins 後已經即刻降紅好多，膚色仲要幾均勻 →

之後會再用 Phyto-Lab「3000 ppm 藍銅胜肽嫩膚精華」 →

已經一直用開，而次次打完 laser 後用佢個嫩膚效果仲更加明顯~

介紹重溫: http://isadoracheng.blogspot.hk/2016/08/blog-post_16.html#more

由於藍銅精華只有嫩膚 + 淡紋效果，但保濕力低，所以之後會再加多隻 Phyto-Lab「黃金版維他命 B3 精華」→

呢支「黃金版」係冬季新出嘅加強保濕版，配方新加入咗葡萄籽精華，增強抗氧化效效果，而分子酊成份亦增加了雙倍份量，滋潤保濕度提高咗，特別適合冬天 / dry skin 用。

滑過 + 潤過平時個支普通版 B3，同時又唔會太油膩，好多人 X'mas 時買完用過都話正過平常個支~

若果嫌麻煩唔想搽咁多支 skincare，又或者當皮膚過敏得較嚴重嘅時候，就可以單用呢款 ENDOCARE「強效活肌修復精華」→

介紹重溫: http://isadoracheng.blogspot.hk/2016/09/endocare7-28.html

至於面霜就會棄用貴價面霜、改用呢支平價抗敏急救霜 Marine Elements「Intensive Cream」→ 

介紹重溫: http://isadoracheng.blogspot.hk/2016/12/marine-elements_31.html

屬於 cream 狀豐盈厚杰質地 →

厚度真係有返咁上下 →

不過當一搽勻咗吸收後，係完全唔反光油膩的 →

我嘅用法 →

皮膚唔特別敏感同乾嘅時候，我會就咁唧 1 泵份量搽一層。但如果好似打完 laser 呢種又紅又敏感、又乾又脆弱嘅狀態之下，我就會唧 3-4 泵份量出嚟，厚敷搽上臉。

唔好以為搽到咁樣會好厚好油膩，其實佢好快就會吸收，係一 d 都唔會反光同覺得侷住塊面的。我介紹過好多皮膚敏感嘅人用呢個方法，個個都話退紅降敏效果係好好~

第二朝起身返工嘅時候，塊面已經完全冇泛紅 / 痕癢 / 敏感嘅問題喇! →

呢張相仲要係臉都未洗就影的~

效果係好正~ 支 cream 仲要勁平喎~