2017年1月11日 星期三

皮膚過敏快速急救~

都話我皮膚超易過敏 + 易爆微絲血管啦,尋日打完 laser 後又紅到變 "關公" 喇! 不過我都已經習慣晒,完全清楚可以點 K.O 佢,未驚過~

其實無論係淡班 laser、嫩膚 laser、碳粉 laser、HIFU、矽針、果酸煥膚乜都好,而家都係好普遍,好多人會做呢類 treatment,始終見效真係快嘛~

但做完後皮膚就一定會乾 d + 脆弱 d + 易因缺水而過敏,係要特別保養好幾日,咁啱我又剛剛打完 laser,不如今日就講講我搽 d 乜可以快快降紅退敏啦~




講到 laser 淡斑~~

大部份人係連續幾個月、每隔 1 個月去打 1 次,而我就忙到隔咗成 10 個月先去打第 4 次 (又忙又懶乜都有 d 啦).....

反正打完 3 次後斑斑都淡咗一半有多,隔耐少少打冇所謂吧~


以我皮膚咁脆弱嚟講,打完 laser 紅到變 "關公" 係平常 →

尤其今次醫生幫我調高咗度數,就更加刺激易紅,唯有帶個口罩遮遮醜,返到屋企先再自己敷 mask 同保養啦~


返到屋企,第一做嘅次次都係敷 paper mask →

真係唔好睇少呢個環節! 逢係做完呢類 treatment 後,單靠搽日常 skincare 係唔夠,唔額外補充返 d 水份就好易起敏感 / 出乾紋。

我以前都試過打完 laser 後敷少 2 日 mask、就即刻乾到過敏出紅疹,所以自此打完乜都好,我都會好勤力連續敷一星期 paper mask~ 

至於點解要敷 paper mask、而唔敷 cream mask 呢? 其實係因為醫生話打完 laser / HIFU 等等後、皮膚底層都係熱嘅,最好唔好敷質地太潤 / 太油膩嘅 mask 去侷住佢,會仲易過敏。

而我打完 laser / HIFU 後,次次都係敷 Phyto-Lab 呢隻「 維他命B3 + 分子酊生物纖維面膜」,降紅退炎 + 保濕效果特別好,仲可以均勻埋膚色~




如我以前介紹佢所講一樣,平時敷佢只係覺得 "ok 啦" 咁,但每次 laser 後敷佢感覺就好唔同,會 feel 到佢特別吸收、放大咗個嫩膚同均勻膚色效果,片 mask 仲會一邊敷一邊變薄~ 


15 mins 後已經即刻降紅好多,膚色仲要幾均勻 →


之後會再用 Phyto-Lab「3000 ppm 藍銅胜肽嫩膚精華」 →

已經一直用開,而次次打完 laser 後用佢個嫩膚效果仲更加明顯~



由於藍銅精華只有嫩膚 + 淡紋效果,但保濕力低,所以之後會再加多隻 Phyto-Lab「黃金版維他命 B3 精華」→

呢支「黃金版」係冬季新出嘅加強保濕版,配方新加入咗葡萄籽精華,增強抗氧化效效果,而分子酊成份亦增加了雙倍份量,滋潤保濕度提高咗,特別適合冬天 / dry skin 用。

滑過 + 潤過平時個支普通版 B3,同時又唔會太油膩,好多人 X'mas 時買完用過都話正過平常個支~


若果嫌麻煩唔想搽咁多支 skincare,又或者當皮膚過敏得較嚴重嘅時候,就可以單用呢款 ENDOCARE「強效活肌修復精華」



至於面霜就會棄用貴價面霜、改用呢支平價抗敏急救霜 Marine Elements「Intensive Cream」→ 



屬於 cream 狀豐盈厚杰質地 →


厚度真係有返咁上下 →


不過當一搽勻咗吸收後,係完全唔反光油膩的 →


我嘅用法 →

皮膚唔特別敏感同乾嘅時候,我會就咁唧 1 泵份量搽一層。但如果好似打完 laser 呢種又紅又敏感、又乾又脆弱嘅狀態之下,我就會唧 3-4 泵份量出嚟,厚敷搽上臉。

唔好以為搽到咁樣會好厚好油膩,其實佢好快就會吸收,係一 d 都唔會反光同覺得侷住塊面的。我介紹過好多皮膚敏感嘅人用呢個方法,個個都話退紅降敏效果係好好~


第二朝起身返工嘅時候,塊面已經完全冇泛紅 / 痕癢 / 敏感嘅問題喇! →

呢張相仲要係臉都未洗就影的~

效果係好正~ 支 cream 仲要勁平喎~



9 則留言:

  1. ISA,

    have you tried IPSA 透明粉撲before ?
    What do you think of this product ?

    thx

    回覆刪除
    回覆
    1. hihi~ 我未試呀, 都想試好耐喇, 可惜買唔到, 正在周圍問人代買中~

      刪除
    2. isn't it have a cheaper version in hk ? https://www.youtube.com/watch?v=pkFStoMFCv8?

      刪除
    3. 都有留意到呢個類似的仿品, 不過始終都係想試 IPSA 那個, 認為應該會比抄考品好~

      刪除
  2. Hello isa! 請問如果打扮中性既女仔想化妝,風格或者技巧上有無咩要注意呀? Thanks! :)

    回覆刪除
    回覆
    1. 如果你中性的意思係指型格 feel 的, 咁若果鐘意濃妝, 就可以化 smokey eyes / cats eyes 配啡 nude 色調唇 ; 如果鐘意淡妝, 可以簡單畫起角的眼線配 nude 色唇、甚至紅唇都得~ 但如果你中性的意思係指打扮 causal 想要冇乜妝感個類, 咁就化返 d no makeup feel 的妝會更好~

      刪除
  3. 請問你這個打斑療程在那裡打?價錢是多少?
    如果我混合性皮膚,想有35度以上的makeup base,有甚麼推介?

    回覆刪除
    回覆
    1. 我係上年 join 的 package (oasis medical centre), 約 $2000 一次醫生打, 但今年唔知係咪呢個價了~ 另外 makeup base 如果透明冇色的話, 好少有 SPF35 以上呀, 多數要有色的 base 或 bb cream 先有高少少 SPF, 如 Banila Co.: https://isadoracheng.blogspot.hk/2014/02/banila-co.html 或 Covermark: https://isadoracheng.blogspot.hk/2016/12/covermarksheer-powder-moisture-clear.html#more 又或者係 Shiseido 防晒 + base 二合一呢款: https://isadoracheng.blogspot.hk/2016/06/shiseido.html 又或者係 colour base: https://isadoracheng.blogspot.hk/2016/08/blockbooster.html

      刪除
  4. 請問你這個打斑療程在那裡打?價錢是多少?
    如果我混合性皮膚,想有35度以上的makeup base,有甚麼推介?

    回覆刪除