2017年8月16日 星期三

The Body Shop 新出有效擊退暗瘡之「Matte Clay Skin Clarifying Foundation」 (啞緻無瑕粉底液) review

近來 blog 文寫少了,video 反而多拍咗,唔知大家鐘意睇文定睇片多啲呢?~ 

我自己就比較 old school,鐘意寫文多過拍片,特別因為我唔太上鏡嘛,拍咗咁多年都仲係唔慣見到自己個樣,總係覺得樣衰衰唔係好似自己咁~ 😆

所以試完一輪密集式拍片後,又再寫返多啲文先~

今次 review 嘅係 The Body Shop 新出「Matte Clay Skin Clarifying Foundation」 (啞緻無瑕粉底液) →

講到化妝同時有效擊退暗瘡 + 高遮瑕度 + 全效啞緻 + 24 小時控油,好似好啱夏天用咁,又等我 try try~


(trial product given by The Body Shop)

產品資料 →

蘊含有機茶樹油精華 + 礦物泥成份,化妝同時有效擊退暗瘡、淨化皮膚、打擊面上油光、透氣度高,具高遮瑕度 + 全效啞緻 + 24 小時控油持久妝效。

不阻塞毛孔配方、不含礦物脂、礦物油,100% 純素主義者適用。特別適合敏感肌 / 油性皮膚肌膚。

$129 / 30ml (共 8 色選擇) @ http://www.thebodyshop.com.hk/tc/Index.aspx

優點係價錢極平,顏色選擇亦頗多,由白晳膚色至古銅膚色都可以揀到心水色調。


質地屬 liquid 及 cream 中間 →

冇粉底液咁薄身,但亦冇粉底霜咁厚重。


都算容易推勻 →


而且頗貼皮膚 →

但由於屬控油粉底 x 啞緻妝效類別,質地的確會有啲乾,遮瑕度亦唔算太高。


試上面近睇 →

(只搽了粉底,未上遮瑕膏及碎粉)

雖然我夏天都會出面油,但本身始終都係乾性皮膚底,所以用呢類啞緻控油粉底難免會覺得乾,搽完會見到毛孔 + 乾紋現晒形,仲差過未搽粉底之前...... (所以揀啱自己膚質適合用嘅粉底真係好緊要!)

遮瑕度就可以見到真係唔太高,只能薄薄均勻膚色,斑點 / 紅印等等全都遮唔晒,未如官方介紹所指屬高遮瑕度。而且因為比較薄身,底妝好快就消失得無影無蹤,持久度著實唔算高。


化完全妝後 →

遠睇都 ok 嘅.....

不過因為支粉底試落我度確實係有啲乾,攪到連搽遮瑕膏都唔係好貼面,掃埋碎粉定妝之後仲更加 dry,導致成個底妝都唔係好貼粉......

估計真係要油性肌 / 學生 / 冇乜瑕疵嘅皮膚先用到喇,唔太適合中女 dry skin 用~




7 則留言:

  1. Hi Isa, 一直也很喜歡看你的blog, 不論文章或video都做得很用心,也很欣賞你會真誠分享用後感 (雖然該産品是試用品),實在是我們讀者之福!心得文的話,讀者可以慢慢睇,有較深印象,之後又可以search返,至於以video介紹化妝護膚品則可以令大家更實在地了解到産品的texture和效果,所以各有好處。Anyway, 加油!我會繼續支持你的!^^

    回覆刪除
    回覆
    1. 多謝你支持同鼓勵呀,我會繼續加油的~ 😊

      刪除
  2. Hi Isa, 我22歲,但已經有眼紋,請問可用乜eye cream? 我眼底偏少少乾,冇buget 限制

    回覆刪除
    回覆
    1. 咁可以試試我剛剛介紹嗰隻 Jan Marini Eye Cream 喎, 減紋效果幾好~ 另外好耐之前我用過 Osiao 的 eye cream 都唔錯, 約 $700 左右連卡佛有專櫃~

      刪除
  3. 我通常會於上班車程才上網,所以較喜歡看你的文字review,不用帶耳機,又免騷擾到人嘛!但無論如何,很喜歡你的分享,謝謝!

    回覆刪除
  4. 我由yahoo blog年代睇你嘅文章, 再喺11年去上埋你教嘅班, 一直都默默睇你所寫嘅嘢而去學習。我都係偏向喜歡你嘅文章。希望你繼續寫同大家分享呢!

    回覆刪除