Melvita 新出呢支 Youthful Oil-Serum + 面霜, 眨下眼都用咗 3 個月喇, 寫返個用後感先~
其實佢剛剛都新出咗支有機美白精華, 不過等我試用完先再報告俾大家知好唔好用啦~
成份具 255 滴濃縮有機堅果油 + 豐富氨基酸 + 葵花籽油, 採用獨特乾油 (dry oil) 配方, 質感輕盈, 滲透力高, 能輕易滲入肌膚底層, 為肌膚注入營養, 更能於肌膚表層形成保護層。
經法國 ECOCERT 有機認證機構認可, 為 100% 天然成份研製, 含 35% 有機成份。
$490 / 30ml @ Melvita
(trial products sponsored by Melvita)
以咁大支精華油、每次只需用幾滴嚟講, Melvita 呢支其實並唔算貴, 屬正常價格。
我呢支用咗 3 個月, 冇慳住用都只係消耗咗 2 指份量, 估計 1 支可以用成年有多! 🤩
我皮膚乾, 夜晚唔怕油淋淋, 會用 4-5 滴份量搽面 + 頸, 而日間用就會將份量減少至 2-3 滴, 每次仲會額外攞多幾滴搽埋雙手同手踭位~
覺得用精華油去搽頸 / 雙手 / 手踭效果會比單用普通 body lotion 好, 而搽完精華油我亦會再搽多次 body lotion, double 滋潤後感覺會好完滿, 話晒雙手 + 手踭都係透露年齡嘅部位嘛~ 😌
而呢支 Oil-Serum 係屬於乾油, 質地偏薄同稀身, 一啲都唔厚杰, 只要唔係搽過多份量、每次 3 滴左右的話, 感覺係唔黏笠嘅, 仲可以用「爽」嚟形容!
雖然剛剛搽完嗰刻都一定會有油光 (呢點必定會), 但摸上去就唔笠身 / 唔黏手指嘅, 滲透速度亦算快, 以我 dry skin 用計, 搽完約 10 幾秒就吸收晒, 同時可即時撫平到乾紋, 望上去膚質都有光采啲、飽滿啲、軟滑啲~ 👏🏻
以 dry oil 計我認為係非常好用, 而且又係全天然成份, 仲有種好清新嘅天然花香味, 聞上去好 relaxing~
有機堅果精萃緊緻提升面霜 Youthful Cream-Oil →
於幼滑質感面霜中注入 125 滴有機堅果油, 並揉合堅果肉萃取, 有助提升皮膚膠原蛋白自我增生, 飽滿肌膚彈性, 即時減淡皺紋, 鎖水保濕, 同時可提升肌膚幼滑度、緊緻度及潤澤度。如配合按摩使用, 更可令輪廓更分明立體。
經法國 ECOCERT 有機認證機構認可, 為 99% 天然成份, 含 25% 有機成份。
$460 / 50ml @ Melvita
質地望上去好似好厚, 但其實一推開就 feel 到係輕滑嘅乳霜質感 →
呢樽 Cream-Oil 都新出咗 8-9 個月了, 我上年經已 K.O 過一瓶, 印像中都有於 video 內介紹過。
其實佢滋潤度係好高, 只不過我冬天皮膚實在太乾, 薄搽嘅話會覺得唔夠潤, 廿秒左右就俾我吸收晒! 所以我會再局部搽多一層於特別乾嘅位置~
本來薄搽一層係唔黏笠 / 冇乜油光嘅, 不過我厚搽就當然會有油光啦~ 反正我唔介意搽到油淋淋訓覺, 所以都 ok~ 而氣味同上面支精華油係一樣, 又係好好聞 😌
不過除咗覺得佢夠潤澤 + 平滑改善到乾紋之外, 單搽就唔覺得有緊緻效果。
除非係每晚好有恆心地配合按摩去用吧, 否則都唔好妄想就咁搽下塊面會變 firm 了 😅
至於需唔需要配埋支按摩棒呢? →
雖然支棒係好靚, 不過好多人屋企經已有導入機 / 黃金棒 / 瘦面機 / 晶石板之類嘅東東, 其實都唔需要刻意再買啦~
但如果咁啱有朋生日 / 遇著聖誕等日子, 我會覺得買嚟做禮物送俾人係好好嘅 idea, 個包裝盒又靚, 收到嗰個一定好開心! 😍
Isa,有機堅果立體素肌精華油與另外那隻堅果油有甚麼不同?那個較好呢?thx~
回覆刪除平時普通嗰支堅果油質地係厚杰好多 + 搽完會油淋淋的，用嚟搽身會好好，但搽上面真係會有啲 lup, 新出呢支就係 dry oil, 會輕薄快吸收好多～
刪除