既然話女人係用水造, 咁一年 365 日都幫皮膚補水也不為過 😛
有聽過「乾到出油」吧? 其中一個成因就係皮膚鎖唔到水 / 儲水力弱。如果分唔到自己係「乾到出油」定係真正嘅油胜肌, 而去狂搽控油 skincare / 經常洗面, 就會令皮膚乾上加乾, 愈控油愈泵得多油弄巧反拙了......
至於點分到自己係「乾到出油」?
目測的話,「乾到出油」膚質雖則係成面油, 但仔細睇卻會見到有乾紋, 毛孔呈下垂水滴形狀, 多數屬於中女或以上 age range 而非後生女, 暗瘡不常有, 洗完面如果乜都唔搽會覺得繃緊, 但隔半個鐘左右又會成面油...... 呢種。
不過想加強返鎖水能力又談何容易? 大部份 skincare 都含有油份, 如你的皮膚屬缺水而非缺油, 就會愈搽愈多油, 而 "清爽地補濕" 嘅 skincare 搽完又太稀薄, 好似秒速揮發咗咁冇搽過嘢一樣, 好難攪喎?......
其實想補水除咗可勤力敷 paper mask 之外, 日常 skincare routine 中最能夠被皮膚吸收到水份嘅就係靠用 toner, 當然未必所有普通 toner 都有顯著效果, 所以如想效果更明顯, 就可花少少時間慢慢拍上 "補濕導入精華水" 了~
IPSA「THE TIME RESET AQUA W 生肌水源素」→
個人認為呢支補水度係恰到好處, 唔會太潤又真係補到水, 夏天用剛剛好, 用完又真係會見到毛孔 / 細紋平滑咗~
THE TIME RESET AQUA W
生肌水源素
無間斷補水、鎖水、造水，重現水潤透亮肌。
具高效導引鎖水份子 (Aqua Presenter III) + 牡丹花及馬鬱蘭萃取物 + 鹿蹄草萃取物等藥草精華 + EPC-K 抗氧化成份等等, 有效為肌膚築起高密度人造水份膜層及鎖水屏障, 將 1000 兆超微細補濕份子導入至肌底, 觸發肌膚自我造水能力, 瞬間滲透再鎖緊水份, 三重保濕確保肌膚持久水潤, 更有助其他護膚產品的吸收。
功效 :
補水鎖水 + 細緻毛孔 + 改善粗糙膚質 + 提升肌膚水潤飽滿透亮度 + 有效控油抗痘抗炎
$320 / 200ml @ https://www.ipsahk.com
(trial product sponsored by IPSA)
簡單解釋就係一支 "補濕導入精華水", 比普通爽膚水更補濕, 200ml 容量 $320 亦唔算貴, 至少可以用到 5 個月 (甚至更耐), 我呢支用咗 1 個月都仲有 80% 剩。
用後感 →
搽完除咗覺得補濕度明顯高過普通爽膚水之外, 仲有即時平滑乾紋 + 毛孔效果, 不過主要功效都係補水, 所以除咗上述優點之外就冇乜其他喇 (咁補水都好緊要嘅)。
另外佢話有控油抗痘功效, 但我乾到冇油又冇痘, 所以就測試唔到了。
至於點用先發揮到最強功效呢......
當然慳慳哋 / 冇時間嗰陣係可以用最原始方法 : 倒上手直接搽上面。但我試過咁搽法效果只係普普通通冇驚喜。
如有多少少時間, 又想效果更顯著, 就最好倒落 cotton pad 再慢慢按壓印上面, 直至印到 cotton pad 冇咁濕, 皮膚吸收晒為止。咁用係可以即時見到有 difference, 會見到皮膚灌咗水 + 乾紋毛孔平滑晒 + 連面色都變剔透啲 👍🏻
間中亦可以倒多啲份量落 cotton pad 敷面, 作為急救補水 mask 用~
沒有留言:
發佈留言
注意：只有此網誌的成員可以留言。