我嘅「雙眼皮吊線」7 日後情況 + downtime 期每日圖

我嘅「雙眼皮吊線」不經不覺已經整完咗 7 日喇! 最辛苦嘅時間已經過去! 🎉🍾

儲咗 10 年勇氣先夠膽整, 就係怕個 downtime 期會好恐怖, 好耐唔見得人之類...... 而家終於的起心肝整咗, 究竟實際每日復原情況係點? 期間有冇瘀? 有幾紅腫? 一星期後個樣又變成點呢?~

So far 只過咗 7 日, 其實都仲未睇到最終效果住㗎! 至少都要過多 2 星期先知, 暫時係仲未消晒腫未 balance, 不過都報告一下呢 7 日狀況啦 (都見得人嘅), 因收到 sms 聽聞 9 月會加價。

先 loop 返整完一刻個樣 →

初初整完係唔太自然, 始終都有幾點傷口仔, 眼皮會腫漲凸起, 眼褶位望上去亦較闊較誇張 / 線條未夠順暢有啲起角 / 兩邊未 balance 等等, 要有心理準備一定有 downtime 期, 待消腫後就會變得更 natural 😊

吊線資料重溫喺呢度:

https://isadoracheng.blogspot.com/2019/08/10.html 

第 1 日整完傷口位有啲紅, 眼皮亦較腫漲 → 

頭 3 日要返屋企敷冰袋 + 食醫生俾嘅消炎藥 💊

痛就唔算太痛 (少少梗有), 完全預咗接受到

第 2 日 →

仲係明顯腫緊, 不過就已經退咗紅, 至少好過第 1 日先, 已比我想像中好。感覺方面仍有少少痛, 但只要唔掂個眼皮 / 唔大力眨眼都 ok 嘅。

當晚出街同朋友食飯, 笠頂 cap 帽遮一遮, 完全冇人發覺原來我前一晚做咗吊線 😆

第 3 日 →

右眼傷口經已好返 7 成, 係眼尾有 2 點結緊痂啫, 都算康復得好快 👏🏻

但掂落去眼皮 / 大力眨眼都係痛, 唔掂佢就冇嘢

不過左眼就瘀咗 →

頭 1-2 日都唔覺得有瘀, 係第 3 日先開始浮現, 不過就唔係好痛嘅...... 之前醫生 + 整過嘅 fd 都講過話有可能會瘀, 佢話如果出現瘀黑, 第 4 日開始可以「熱敷」散瘀 🔥

第 4 日 → 

熱敷完 1 次後開始散瘀, 由瘀黑色變為啡黃紫色, 巧驚驚..... 🥺

唯有帶帽遮住先, 繼續努力熱敷多幾日 💪🏻

撇除瘀嗰 part, 傷口就經已好返 8 成, 仲有少少紅, 但已平滑過之前冇咁凹凸, 仍見到有傷口仔

擘大眼睇隻眼好似多咗撻好 colourful 嘅 eyeshadow 咁 🤣

至於眼褶位條線就順暢過之前幾日, 亦見到闊度開始慢慢收減回落, 不過眼皮就仲未消晒腫, 仲係腫漲凸起, 但感覺就冇之前咁重。

第 5 日 →

瘀嘅情況持續, 但已經好返好多, 再熱敷多幾日應該能完全退瘀 💪🏻

眼皮就仍然腫腫哋, 不過都好過之前一日少少

近睇見到瘀嘅情況已明顯有好轉, 一日比一日消退中 →

傷口就已經退晒紅好返 9 成, 但大力眨眼都有少少冤痛

第 6 日 →

熱敷咗 3 次, 仲有少少瘀黃色未散清, 但行出街人哋係睇唔出嘅, 自己睇就當然好覺眼

至於眼褶位闊度, 又再比之前 2 日收減回落咗少少, 不過仍然係未退腫 

第 7 日 (today) →

除咗一隻眼仲有少少瘀, 另一隻眼仲有少少腫之外, 望上去都冇乜嘢, 雖未完全好返晒, 不過都康復得好快。而眼皮就仲有少少凸起未 balance, 仍然 feel 到漲漲哋, 擘大眼要用啲力嗰種, 大力眨眼仲係有啲冤痛, 不過線條就順暢返好多, 冇第 1 日咁起角, 亦見到闊度每日回落緊, natural 過之前 👏🏻

幾位整過吊線嘅 fd 都話, 整完至少隔 3-4 星期先叫完全好返, 先會消腫變 balance, 叫我唔好咁心急等耐啲再睇。咁我都預咗嘅, 反正而家呢個樣又唔係唔出得街, ok 啦~ 再等一下~

暫時去到第 7 日先, 隔耐少少再 update 情況~ 

本來想等多 2 星期消腫後先 post 文, 不過都知大家心急, FB 每日都收到好多人 inbox 問我情況, 加上醫生又好似話 9 月加價, 於是趕緊 post 住 7 日圖先 ☺️

點解揀呢間整?

其實只係望過幾間冇刻意揀, 咁啱見佢 FB 廣告彈出嚟, 望望下又好似幾 ok, 問佢價錢先知竟然咁平喎! 原先只係諗住問下, 見咁平就叠埋心水整咗佢算喇! 我不入地獄誰入地獄 😆

勝在唔 hard sell 又冇隱藏收費, 埋單確係 $6800 (包 1 個月後覆診), 驚喜在咁嘅價錢醫生都勁細心 (我有試過出面有啲醫生, 好似打仗咁一句起兩句止, 快做快趕你落床走)。不過都要視乎你眼皮情況, 如想要雙眼皮明顯啲 / 眼皮太重等等, 就要另加 $3000。

做前要先預約做免費 consultation, 故娘會解釋做法技術 + 評估雙眼情況 + 篤個眼皮褶位俾你過目等等, 可做完免費諮詢再決定整唔整。

內裡裝潢 →

我上個 Fri 去, 眼見真係有好多人排住隊整, 似乎真係好 common, 一個接一個咁! 我有 2 個 fd 見我整完冇乜嘢, 之後都 book 咗整。

不過效果 / 手勢好唔好呢點, 我就比較唔到喇, 眼只得一對, 唯一機會都交託咗俾呢位醫生了😆

溫馨提示 : 人人效果有別喔, 做前請先向故娘查詢好風險及評估情況, 我係自費的非廣告, touch wood 萬一有咩整得唔好請別怪我喔 😘 

「華廷」FB 專頁: 

https://www.facebook.com/gpm.hk/

P.S 呢個係我整嗰陣嘅收費, 聽聞 9 月會加價, 但加幾多我唔知, 詳情可自行聯絡佢哋查詢