係新鮮熱辣今日啱啱整完返到屋企就寫文 😆
當然唔係一時衝動, 都考慮咗成 10 年喇, 只係一直的唔起心肝去整, 一來怕會好痛, 二來又怕 downtime 消腫期要好耐......
最後覺得貼足 10 年膠紙真係好攰, 人愈大眼皮又愈重愈下垂, 個內雙眼皮遠睇愈來愈似單眼皮了, 不如就狠狠地整咗佢了結心願啦! 💪🏻
1 個月前就已經 book 咗醫生, 今日終於達成心願 →
剛剛整完尚未消腫, 消腫後眼褶位闊度正常會再下降, 變得再自然一點。
暫時要每日食醫生開嘅消炎藥同敷冰袋......
FYR 我今次去嘅係「華廷 Grand Palace Medical Group」, 做緊 promotion $6800 咋!!!!!
不過我剛剛先整好暫時唔推薦住, 等多 1-2 星期消晒腫, 睇睇咩情況效果後再決定推唔推介 ☺️
整之前會先做諮詢試好位 mark 低 →
都解釋得好詳細 + 有問必答, 啲姑娘都好 nice, 亦冇 sell 過我任何嘢。
醫生房張床比起出面其他 medical centre 啲床軟身舒服好多, 裝修又企理乾淨, 感覺好衛生~
完成後嗰刻 →
腫係一定會腫, 但我又覺得可接受, 以我皮膚平時篤下都紅咁 sensitive 計, 已經比我預期好好多, 都有心理準備預咗要腫幾日。
而過程連消毒大約係 30 mins 內, 都算好快手, 男醫生又 nice 又有禮貌, 成日都問住我痛唔痛 / 有咩感覺等等, 動作唔快唔粗魯, 好溫柔好細心, 過程中仲會不停溝通俾我睇效果夠唔夠, 唔夠又再整 👍🏻
我整呢個 $6800 吊線係只包 2/3 隻眼, 由眼中間至眼尾, 不包眼頭 →
如整埋眼頭需另加 $3000, 做之前姑娘亦有示範過俾我睇 2/3 條 vs. 全條嘅效果分別, 不過我唔想太誇張, 所以就冇加錢整眼頭了。
傷口位暫時要紅腫 + 瘀幾日, 要俾啲時間。
由於我其中一邊眼皮比較重身, 姑娘早已提醒建議我加 $3000 整埋眼頭, 係我自己唔想啫, 所以剛剛整完後會見到左右邊眼頭有少少唔對稱 →
但呢個只係即時效果, 消腫過後都未必會唔對稱嘅~~
就算會有, 我都覺得小小唔完美係可接受, 寧願眼頭有小小唔 perfect, 都唔想整得太闊太誇張 😉
整完再坐低敷冰袋 20 mins →
敷完之後都有消腫咗啲啲 →
落到街再影其實都唔算好腫, 唔講唔知原來剛剛做完吊線 →
本來準備咗黑超 + 口罩遮醜, 打算一整完就衝返屋企, 結果都唔使戴, 見冇乜嘢仲食埋飯先返屋企𠻹 😆
至於痛唔痛 →
我其實係預咗會好痛, 點知又唔痛喎~!! 😳
整之前會打幾點麻醉針, 拮落去嗰下係有啲感覺嘅, 但針頭極細未至於叫痛, 眼水都冇流過一滴~ 而吊線過程就已完全麻痺晒零痛楚, 只係 feel 到眼皮俾人拉下扯下咁樣, 動作唔算好快好大~
不過緊張就一定有, 我一邊整一邊話好緊張好驚, 醫生同姑娘都好有耐性、好溫柔咁安撫我 🥰
最奇妙係麻醉藥過咗之後我以為會好痛啦, 點知又 ok 喎! 只要唔大力眨眼 / 唔掂個傷口係唔痛, 只係 feel 到漲漲哋咁~
我去到都見到好多人整, 個個坐低敷冰袋, 一個接一個入醫生房咁, 應該都幾多人幫襯。
都係等我過多 1-2 星期消晒腫, 睇埋個最終效果先決定推唔推介啦~ 遲少少再報告俾大家知 😉
沒有留言:
張貼留言