❌ 礦物油 / 香料 / 防腐劑 / 有害成份! 韓國「 belif」3 款補濕炸彈霜分別

出晒名補水嘅韓國 skincare 品牌「belif」, 真係唔講唔覺原來已經創立咗 19 年! 即刻想唱隻「時日如飛」~~ 🎶🎤

能夠揚名海外於咁多個國家有售, 仲要屹立不倒咁多年, 當然係有佢嘅優點, 仲記得我廿幾歲未開始寫 blog 前, 都有響外地 Sephora 買過佢嘅產品。

不過事隔 N 年, 膚質都唔同以前喇, 再用返佢感覺又如何? 分享下用後感先 😊

未認識「belif」的話 (未用過都必定見過), 佢係採用咗已故英國草本植物學專家 Ducan Napier 嘅美顏護膚配方, 由韓國製造商開發嘅 skincare 牌子, 所有產品都不含礦物油 / 合成香料 / 合成色素 / 防腐劑 / 對動物有害嘅成份。

最出名就係下圖呢樽皇牌「Aqua Bomb」水份炸彈霜 (補濕面霜) →

以有 Magic Dew Drop 之稱嘅「斗蓬草」樹葉上露水製造, 有效即時補充大量水份, 啫喱質地冰涼清爽, 能即時提升並鎖緊皮膚水份之餘, 同時平衡油脂水平, 為皮膚打造保護膜。

適合油性至混合性皮膚

$305 / 50ml

啫喱質地 →

效果等我哋睇埋其餘 2 款先再講~

第 2 款係較滋潤嘅「Moisturizing Bomb」潤澤炸彈霜 →

蘊含「紫芹葉」強大保濕因子, 能為肌膚長效保持滋潤達 26 小時, 質地柔滑潤澤, 感覺無比舒適, 具持久水潤效果。

適合中性至乾性皮膚

$350 / 50ml 

乳霜質地, 明顯比第 1 款「Aqua Bomb」厚杰 →

效果等我哋睇埋最後嗰款先講~

最後係適合敏感肌用嘅「Cica Bomb」抗敏修復水潤炸彈霜 →

蘊含「積雪草」及「羥基積雪草苷」, 有效鎮定因外來環境刺激或壓力而引致的敏感, 為肌膚迅速鎮靜補濕, 增強肌膚抵抗力, 同時帶來降溫降紅效果, 集抗敏、鎮靜修復及補濕於一身。

適合敏感肌使用

$350 / 50ml

質地比之前 2 款更厚杰一點 →

3 款炸彈霜質地分別 →

稱為「炸彈霜」, 喻意係一搽上面水份就好似炸彈爆開咁補濕。

3 款炸彈霜都主攻補水, 油份並唔重, 就算係比較滋潤嘅「Moisturizing Bomb」, 同埋質地較杰身嘅「Cica Bomb」, 推開後都只屬清透乳霜質感 (我覺得似 gel cream), 感覺輕盈一啲都唔厚杰侷身, 亦冇油膩感, 係好啱夏天用 👍🏻

另外 3 款都有陣淡淡天然草本植物味, 都幾好聞, 冇添加人工香料~

推開後可見一啲都唔厚身, 3 款都屬清透輕盈一類 →

Aqua Bomb : 

清爽地補濕, 較適合年輕肌 / 油性至混合性皮膚用, 我用就當然會嫌唔夠潤, 但如在日間上妝前作為輕度補濕 day cream 用都 ok 嘅。

Moisturizing Bomb : 

係明顯比 Aqua Bomb 潤澤, 但都比我慣常用嘅晚霜輕薄 (我太 dry 偏好用厚身 cream)。不過以夏天咁熱計 dry skin 都係夠用的, 反正之前都會搽精華, 除非皮膚乾到一個點, 否則夏天又真係冇乜必要搽到咁潤。

Cica Bomb:

質感同 Moisturizing Bomb 有點相似, 不過搽勻後實質係冇咁潤, 感覺類似 gel cream, 用後有少少冰冰涼涼感覺, 補濕度我覺得係介乎 2 者中間。至於降紅效果就唔多覺, 因為我微絲血管係勁多, 平時搽乜上面都會紅一陣, 係掂下都紅, 所以又冇特別覺得降到紅 😅

總括嚟講, 3 款我都略嫌唔夠潤, 但呢個當然只係我嘅偏好 (鐘意勁潤), 並非人人都好似我咁鐘意搽到油淋淋嘅 😆

若果只係想夏天簡單補濕一下, 唔想用太厚杰 / 太潤太油嘅面霜, 咁「belif」就會係你杯茶, 勝在冇礦物油 / 香料 / 防腐劑等等, 價錢又唔貴, 我覺得至少成份好過買 Olay 等等開架品牌有香料先~

FB 專頁 : https://www.facebook.com/belifhk/

(trial products sponsored by belif)