講開韓牌 JM Solution, 大家最熟悉一定係佢嘅「蠶絲面膜」。
我用過都覺得 ok 的, 唔算話好有驚喜, 但勝在幾十蚊一盒夠平夠補濕, 唔使慳住敷 👍🏻
見佢 paper mask 都算 ok, 於是就試埋佢支蜂膠眼霜 + eye mask + 潤唇膏, 同樣係每件幾十蚊, 不過就有少少失望喇.....
瑩潤蜂膠全效眼霜 (black)
Honey Luminous Rotyal Propolis Eye Cream All Face
富含營養綠蜂膠 + 透明質酸等滋潤成份, 有效隱退細紋及乾紋, 緊致抗皺, 增加眼部肌膚彈力感及防禦力。除了是眼霜也是萬能霜, 可作為頸紋霜及面霜使用。
印像中係 $68 左右 40ml @ SaSa
凝膠 gel 質地 →
搽勻後未至於厚杰, 但會有層油光 + 少少黏稠 →
滋潤感係有嘅, 但就有少少黏笠, 搽完眼周好似多咗層油咁, 易出油脂粒嘅人就唔好試了, 我試完幾次都唔係好敢用......
另外佢話可以當埋面霜用, 我就覺得唔係咁好喇, 都係怕會出油脂粒, 佢都有少少侷身, 唔係單單油咁簡單...... (我夏天用精華油都尚且會隔一陣吸收晒, 但用呢支 JM 就唔得, 有啲侷)
反而平平哋用嚟當「頸紋霜」就幾好, 可預防頸紋加深~
蜜瑩潤蜂膠眼膜貼
Honey Luminous Royal Propolis Eyepatch
含有綠蜂膠 + 青霉素蜂膠 + 蜂王漿 + 維他命 C + 3 種胜肽 + 3 種透明質酸等等, 有效深層滋潤補濕、減淡皺紋、提亮膚色、改善眼部水腫、並形成水份保護屏障、抵禦衰老問題。除可敷於眼底, 也可用來敷笑紋。
約 $50 每盒 30 對
屬果凍凝膠質地, 敷上時感覺冰冰涼涼, 都幾舒服嘅 →
不過因為片 mask 都有啲重量, 會不停跣低向下跌, 要每隔一陣移返佢上去, 都幾麻煩.....
敷完 20 mins, 完全唔知自己敷咗乜, 目測唔覺有特別滋潤咗, 亦唔覺得眼底膚色有提亮到, 效果反而不及平時敷 paper mask 拉近啲敷埋眼底咁好, 認為可以不試..... 👎🏻
咁剩低嘅又唔好嘥, 唯有用嚟當 lip mask 敷唇啦.....
同系列潤唇膏 →
呢支雖然平就平 (約 $48 每盒 2 支), 但我係想快快用完就算, 唔再 encore.....
撇除覺得味道有啲怪之外, 其實初初搽上唇係覺得幾潤幾好嘅, 但滋潤感好快就流失, 要經常補搽。以我兩片唇勁乾為例, 係每小時要補搽 1 次, 邊有咁多時間係咁搽...... 🤪
沒有留言:
發佈留言
注意：只有此網誌的成員可以留言。