真係有咁好用咩?
又唔完全係喎, 視乎你皮膚需求吧, 我係覺得佢嘅 skincare 對提升光澤感 + 增強滋潤度 + 預防皺紋方面係幾好, 但後生女用就唔會覺得有驚喜, 甚至可能會嫌佢太潤, 係我呢類「暗啞 dry 爆中女」先會認為好用嗰種。
同埋滋潤光澤 + 撫平細紋呢啲效果, 其實有好多比佢平嘅牌子都做得到, 所以佢最令我上癮嘅, 係嗰陣獨特茶香香氛味先真! 😆
講返 3 個月前買呢支「能量養份激活精華油」→
Energy Nutrition Boosting Concentrate
以穩定性極高的白芒花籽油, 包裹著其餘 5 款植物油而製成, 質感乾爽輕盈不厚重。每次只需 4 滴就能滿足肌膚所需, 有效撫平並預防細紋, 增添肌膚天然光澤, 深層滋潤並強化肌膚抵禦力。
適合 dry skin 使用, 法國製
$600 / 15ml @ 茶靈 CHA LING
官網 : https://www.cha-ling.com/hk_cn/
FB 專頁 : https://www.facebook.com/CHALINGlespritduthe/
質感如清水般稀身, 冇一般精華油咁厚杰 →
輕盈得來又比一般 dry oil 滋潤少少 →
搽勻後可見紋理會被泵漲撫平, 充滿光澤感 →
我每晚搽完 serum 後, 就會倒 2-3 滴油於掌心搓勻後印上面, 雖必會有點油光, 但吸收速度都算快, 摸上手毫無黏稠厚杰感, 一啲都唔侷身, 唔會阻礙之後搽晚霜, 成塊面仲瀰漫住一股清幽茶香~
有時夜晚太攰懶得搽 skincare, 仲會直接搽呢支油就算 😆
有咩好呢? 都係光澤感 + 滋潤度提升咗, 紋理望上去飽滿啲、泵漲咗啲咁......
有咩唔好呢? 除咗貴之外都冇咩唔好嘅, 同埋都係嗰句, 呢啲效果其實支支精華油都做到, 係冇乜特別, 只係陣味幾香咁囉。
夏天都用精華油?
係呀, 我乾吖嘛, 一年四季都會用油㗎~ 😉
曾經試過夏天唔用油, 發覺效果真係爭啲, 皮膚會比平常乾, 所以就 keep 住晚晚用了。但夏天我就會將份量減少, 例如由 4 滴變 2 滴之類, 或改為每次 mix 2 滴入面霜用等等。
沒有留言:
發佈留言
注意：只有此網誌的成員可以留言。