帶呀媽去美白抗皺煥膚 💆🏻‍♀️ WiishDerma $280 酵素療程!!

話說媽咪想去做 laser 淡斑, 仲話睇到有間一萬蚊打 10 次嘅想去幫襯..... 

一來怕佢俾人呃, 二來預咗會幫媽咪俾錢, 就即刻氹佢等多陣, 然後周圍問啲 PR 姐姐, 睇下有邊間而家做緊 promotion 夠抵, 唔 hard sell 又要交足貨嘅...... 

最終揀咗呢間「WiishDerma」→

首次試做只係 $188 !! 之後 join package 係 $6800 十次, 以 Pico laser 計係好抵, 始終媽咪上咗年紀有老人斑嘛, 打 1-2 次肯定唔夠, 10 次就應該滿足到佢。

點知去到 consultant 問完病歴之後, 就發現原來媽咪係唔適合打 laser 㗎! 好彩 consultant 經驗夠豐富, 否則求其打咗落去就大件事! 😨

之但係媽咪滿心歡喜期待咗勁耐, 我又唔忍心要佢失望而回, 就靜靜哋問 consultant 有冇啲類似效果嘅 treatment 係可以滿足到佢, 而佢又做得嘅呢? 

結果就建議做咗今次呢個 $280「酵素療程」滿足咗媽咪, 估唔到效果都幾 ok 喎! 係 laser 以外嘅美白嫩膚 replacement~

重點係我慳咗 6000 幾 😝

先睇睇未做 treatment 前個樣 →

以 65 歲從來唔做 facial 或 treatment 嚟講, 其實媽咪皮膚已經算 keep 得好好 🥰

我曾經話俾錢佢去做 treatment, 但佢話塊面太敏感, 唔鐘意做呢啲嘢...... 而佢日常用嘅 skincare 就係我用開嗰啲 = 平時我 blog 內介紹嗰啲, 因為都係我負責買俾佢

以高齡計膚質其實都 ok, 近睇毛孔仲細過我 →

皺紋又唔算勁多, 仲要零面毛囉! 唔知點解生到我咁多面毛 😂

不過上咗年紀就少不免會有色斑 / 膚色變黃 / 皺紋問題, 避無可避......

如果佢再白淨啲、斑斑再淡啲、皺紋再減少啲啲, 咁就 perfect 喇~

呢部就係原先想打嘅 Picoway laser 機, 可惜媽咪同佢冇緣份唔打得 →

寫呢篇 blog 時我先至突然醒覺, $188 試做價咁抵玩, 點解我冇即時瞓低 replace 媽咪個 booking 打咗佢嘅?? 反正部機都 ready 好晒嘛! 🤣

嗰一刻掛住照顧媽咪諗唔起𠻹, 下星期再打去 book book 先~~

至於今次做嘅 treatment 全名叫「木瓜菠蘿酵素透明質酸補濕療程」, 係以植物酵素為主要成份, 可分解老化角質排毒、抗氧化、促進新陳代謝推動煥膚、同時能減淡細紋令肌膚變柔滑。

Consultant 話係「只需做 3 次就可以熨平紋理 + 美白 + 去瑕疵」, 係 laser 去斑嘅另類選擇, 仲可以作為 laser 去斑後嘅後續保養, 令淡斑效果事半功倍。

用嘅係美國著名醫學牌子 DermaQuest 產品, 我以前都有用過佢嘅潔面乳 →

塗抹酵素過程 →

媽咪塊面咁 sensitive, 原先都擔心佢做酵素會唔會好剌激呢? 正常都會有啲 "吉吉哋" 嘅感覺? 不過佢就話少少 "吉吉哋" 係 ok, 唔覺得敏感或唔舒服, 見佢成個過程皮膚都冇泛紅。

步驟 : 潔面 → 去角質 → 酵素 → 精華導入 → 敷面膜 → 搽 skincare

整個 treatment 約 45 mins

用機導入精華後仲會再敷面膜 →

而導入嘅係 B5 特效濃縮精華, 會將 40% 透明質酸注入至肌底層

完成嗰刻係見到白裡透光 + 緊緻細滑咗 →

媽咪照鏡望完話非常滿意, 仲展露咗開心嘅笑容 🥰 

我見呢度嘅 consultant 都好有經驗同皮膚知識, 唔係唔知頭唔知路嗰種, 完全應付到要求高嘅媽咪, 仲係咁同我讚話 consultant 手勢好好、好專業 😂 

做完 treatment 後望上去後生咗又精靈咗, 成個感覺唔同晒! →

個笑容已經透視咗佢係好開心, 皮膚飽滿咗又嫩滑咗, 面色又紅潤咗, 冇咁黃同暗沉, 完全 feel 到佢嗰份朝氣~ 同埋導入精華嗰 part 仲提拉咗啲鬆弛位, 做完塊面明顯 firm 咗, 連輪廓都深咗𠻹! 👍🏻

另外其實真人睇膚色係白咗好多嘅, 不過影相就似乎 show 唔到 🤷🏻‍♀️

色斑方面, 始終冇打 laser 咁強效, 但都好明顯係淡咗啲 , 尤其係面珠嗰撻色斑 →

見到撻斑都即時淡咗一半 size, 魚尾紋亦減淡咗, $280 有咁嘅效果確係抵玩~ 😊 

今次呀囡任務完成, 順利過關 😆

分享完畢 ☺️

大家如有興趣試可 click 入呢度 WhatsApp 預約: https://wa.me/85263541448  

預約時講低係「Isa 讀者」, 就可用首次試做價 $280 試全套「酵素療程」, 而預約試做「Picoway皮秒激光去斑 / 去凹凸洞」full set 療程係只需 $188 !!

* 利申冇佣抽 / 冇錢收 / 唔係廣告, 純粹幫襯完幫 PR 姐姐分享下, 優惠詳情可自行 whatsapp WiishDerma 查詢

WiishDerma 瑋詩醫美中心  

尖沙咀金馬倫道 42-44 號華懋金馬倫中心 17 樓 

查詢及預約 Whatsapp: 6354 1448

📣 真實客人效果即刻睇: https://bit.ly/2NizoKZ 

📣 真實客人分享: https://shorturl.at/fuJUV