RMK「Translucent Face Powder 輕透蜜粉」review

數數下 RMK 嘅產品原來曾經都試過唔少, 尤其係佢嘅粉底 / base 我仲 keep 住買咗好幾年𠻹, 到而家都仲用緊 (買嚟教化妝班用), 貪佢夠貼面夠 coverage, 感覺唔乾又冇香料~

不過佢嘅定妝碎粉我就從來未用過, 皆因響專櫃試 tester 已經覺得佢好閃, 冇乜意慾買嚟試。咁啱上次 sale 嗰陣買咗套粉底 set, 裡邊附設咗呢盒粉 (half size), 好啦~ 就順便試下 ☺️

產品資料 →

RMK Translucent Face Powder 輕透蜜粉 SPF 13 PA++

輕透光華, 比素肌更見素肌感的「光滑肌面珍珠蜜粉」 

蘊含珍貴的珍珠精華 + 能加強水潤效果的 20 種氨基酸 + Acrylic Powder 水晶粉。以「W Snow Leaf Powder 技術」混合結晶狀 + 片狀粒子, 粉質極纖細輕巧, 能使底妝持久透亮, 提升透明感及貼服感, 避免因乾燥而脫妝, 更能填補凹凸位及毛孔, 再以柔焦效果反射光線技術令瑕疵變得不明顯。made in Japan

$390 / 6g (共 4 色選擇)

RMK 官網 : https://www.rmk.com.hk

FB 專頁 : https://www.facebook.com/RMKHONGKONG

手中 size 為 3g 旅行裝, full size 為 6g →

顏色方面 set 裝附設嘅係 #P00 (象牙色), 當時並冇色揀, 我用係有少少偏白。

粉質佢話係「極纖細輕巧」, 不過相比起其他牌子 loose powder (不論平貴), 我就唔覺得佢係特別纖細輕巧。

好多牌子 loose powder 都打磨得薄如輕煙, 反而呢盒 RMK 嘅粉粒就明顯較大 →

推開亦見到係比較偏珠光銀, 有啲閃有啲反光 →

其實碎粉帶閃 / 帶光澤我都唔係唔 buy 的, 秋冬我都鐘意用呢類光感 loose powder, 感覺上個妝會冇咁乾同暗沉, 膚質望上去都健康啲光滑啲, 又可以突出輪廓 🥰

不過呢盒 RMK 就用完膚色好灰, 好似冇晒血色咁唔多健康...... 用佢嚟定妝嗰幾日我老公 + 同事們都有出聲問我係咪唔舒服, 話我臉色好蒼白 😅

一來係隻色唔啱我啦, 二來係隻粉都有啲 coverage, 並非真係薄如輕煙, 顏色稍有差池就好覺眼

掃薄後見到係帶珠光 →

持久度方面, 用得「光感碎粉」就預咗一定冇「啞緻碎粉」咁控油、咁持久, 不過呢盒 RMK 又真係極唔持久, 勁快溶妝 🤪

仲要佢明明話係加強咗保濕成份, 但感覺仲乾過普通碎粉, 眼底 / 虎紋 / 鼻翼位用咗佢定妝仲要勁現乾紋 + 甩皮囉! 😣

(我已經係用碎粉掃上, 唔係用粉樸)