今一年日日戴口罩，眼影胭脂唇膏已經好少用，不過底妝都仲有日日化嘅，搽少少粉等塊面冇咁暗沉，望上去精神啲嘛，心態上返工都更有衝勁～
最近試用咗 Guerlain 夏天新出嘅粉底液，報告吓效果俾大家知先 😊
(所有圖片可按圖放大)
L'ESSENTIEL 祼光絲霧精華粉底液
全天候24小時持妝，兼具SPF 15 防曬系數，蘊含 96% 天然成份，質感輕盈，妝感自然啞緻，並提供高度遮瑕，隱沒毛孔和瑕疵，持妝長達24小時
粉底香調係 Guerlain 一貫的麝香木 + 白茶 + 檀香基調等香氣
最誇張係全系列共有30 色調選擇！😱
所有膚色都能照顧得到~
至於我用的色號係 01N 👉🏻
起初就咁睇以為佢會好白，點知搽上面原來都幾夾我膚色喎～ 🙌🏻
質地屬於 liquid 液態，夏天用唔會太厚身侷促 ☀️
遮瑕效果 👉🏻
以薄身粉底計遮瑕度係相當好！泛紅問題 / 暗黃膚色都遮得住，均勻膚色冇難度，黑眼圈唔深的話都 cover 到 8 成（黑眼圈深的話要打個折）
遮毛孔柔肌效果亦唔差，雖然影相 close up 睇仍會見到有部份粗大毛孔遮唔到，不過正常距離下睇效果其實並唔差的～
持久度 👉🏻
喺 covid 期間日日戴口罩侷住，加上而家日日 30 幾度熱到一個點，係非常之難試到正常持久度，只能夠講戴口罩侷咗成日，放工返到屋企之後口罩遮住嘅位係溶咗一半有多，但口罩以上嘅地方嘅粉係仲 keep 到 7 成的（以正常返工 indoor，冇補過妝計）
整體感覺 👉🏻
粉底針對夏天而設，主 sell 霧面啞緻妝感，確實係好啱呢個天氣用～
雖然佢冇特別強調有控油效果，但我見出油溶妝情況亦唔算犀利，鍾意佢夠 matte 同有 coverage 得來唔會好假似面具，亦冇乾爭爭感覺，搽上面亦冇厚重感，屬自然妝效～
唯一就係防曬度低咗少少，用前要自己再加防曬 ☀️
請問防曬喺咪喺base之前搽？
回覆刪除另外想問下粉底嘅顏色，因為我膚色偏白得黎又係紅既，但係平時唔同brand唔同BA既說法都唔同。
Thanks.
防曬冇錯係 base 之前搽～ 另外粉底顏色方面你係指想知應該揀咩 tone 嗎？
刪除