泰國人氣 "LANNA FOOT PATCH" 吸濕足貼~

關於 "足貼"，有人覺得有效，有人覺得冇效，以科學角度則話效用不大，但又有咁多人買，咁即係有效定冇效??

以我自己 + 身邊有用開 "足貼" 的人說，當然係覺得有效先會一直用，我仲已經用了 10 年有多! 多年前亦有於舊 blog 內提過~

以所有牌子 "足貼" 之產品說明指出，"足貼" 的好處能有效排毒、改善口臭、腳臭、失眠、風濕等等，貼完一晚，翌朝 "足貼" 會由白變黑變濕 = 排了毒素。

但以科學角度說，所有 "足貼" 內的其中成份「木酢」一濕水便會變黑，不等於排到毒，並沒科學根據。

這點我幾年前早就知道，點解仲要繼續用? 當然係有佢優點，等我今日分享一下~

下圖為我現在轉用了的泰國人氣 "LANNA FOOT PATCH" 足貼 →

以前用了多年的 "友營堂" 足貼 →

有人話 "足貼" 用後翌朝會變濕變黑，其實只屬掩眼法，腳有濕氣 / 有腳汗嘛，敷住貼實一晚唔濕就假，大家見到變濕了就誤以為有效了喔。

但我覺得並不是。

解釋前先講講用法 : 約每個月連續用 2-3 天 (有的人需 3-4 天)，睡前貼上腳底，翌朝撕走，再抹抹腳底。

事實上，我每次第 1 晚睡前貼後，"足貼" 翌朝都會變得超濕 ; 而第 2 晚再貼時，翌朝 "足貼" 只會變為半濕 ; 到第 3 晚再貼時，"足貼" 翌朝是全乾的。

用足多年如是，我相信有用開 "足貼" 的人，都應該跟我同一效果。

如果是因為腳有濕氣 / 有腳汗，而導致 "足貼" 翌朝變濕的話，咁應該貼幾多日、"足貼" 就會濕足幾多日才對，而並不會每次用到第 3 晚左右就唔變濕。

所以說我認為 "足貼" 對吸走體內濕氣是有效的 (特別是下半身)，而且身邊用過的人都說，用後會覺得個人輕盈 d、冇咁重濕氣、冇咁易累~

前幾日公司上架的泰國人氣 "LANNA FOOT PATCH" 吸濕足貼 →

同事們問我攪乜東東，做咩賣 "足貼"?

我話你用過就唔會問點解的了。

同事們當然唔信，仲同我講話唔用呢 d 野。(完全 feel 到佢地內心反緊我白眼) 

於是我上星期五就強迫每人帶包返屋企試，記得俾埋屋企人試，weekend 放完假後再講。

到星期一返工，全班暗笑問我員工有冇折，然後自掏荷包每人買幾包返屋企用。 (又話唔用呢 d 野? 今次輪到我反白眼)

至於 "足貼" 能否排毒? I don't know.... 

科學角度話排唔到，我信、亦唔會反駁，但我用佢只為吸走體內濕氣，咁吸濕佢真係好有效嘛! 自己係 feel 到有分別的，所以就一直用囉~

以我奶奶說，用完 2 日即刻 feel 到膝頭風濕冇咁痛 ; 有同事媽媽又係有風濕，同樣話用了 2 晚真係冇咁痛 ; 另一同事就話用完個人睡得更舒服、翌日感覺更爽更精神。

我認為是特別適合有風濕痛症、長時間站立工作的人、失眠、水腫易累的人用吧~

如以 "友營堂" x 泰國 "LANNA FOOT PATCH" 比較，其實都屬同類東東，只係 "LANNA FOOT PATCH" 的膠布貼得更實淨，唔會中途唔知甩左去邊，而且因為貼得夠實，相比之下吸濕度係更好。

藥包物料方面，"友營堂" 的藥包是鬆散的那種，而 "LANNA FOOT PATCH" 則較厚較挺身 →

成份 : 天然竹酢精華、天然礦物微粉、負離子、枇杷葉、巴西蘑菇、甲殼素、魚腥草、維他命C、純天然植物粉、桔精油等。(不噴灑各種濃藥，泰國生產)

我一向都有推介親戚朋友用 "足貼"，特別係年紀稍大 / 有風濕的，牌子冇相干，試多幾個牌子自然會知道邊隻好。

而我冇風濕又冇濕疹，卻已經由 20 幾歲開始用到而家，純絮為吸走濕氣，等個人感覺清新 d 輕盈 d，個身冇咁易因為皮膚敏感而痕咁~

泰國 "LANNA FOOT PATCH" 足貼

$69 包 (每包 5 對) @ http://makeupsecret.com.hk/products/

銷售點 :

Makeup Secret

專業化妝課程 ● 化妝服務 ● 化妝品零售               

查詢電話: 2311 9682 

http://makeupsecret.com.hk/products

歡迎親臨店舖購買、或 click 入 Facebook 專頁 透過 Inbox 訂購 (順豐速遞, 運費自付): https://www.facebook.com/makeupsecret.hk/