Fancl 限量版 "蜂王漿精華唇膜" review

我嘴唇一向長期乾燥，屬於搽少一陣 lip balm 都會乾到痛，唔帶 lip balm 唔出得街，冬天睡前如果搽薄少少 lip balm，翌朝都會甩皮爆開流血那種。前年試過去乾燥的地方旅行，嘴唇仲因缺水而自動變孖潤腸，唔知以為打完豐唇針。

這些我都有在 blog 提及過，至於解救方法?

係冇..... (有我就唔使咁頭痕)

無論我搽幾潤的 lip balm、有做唇部磨砂、每日飲幾多水都好，情況都冇乜改善，只能密密補搽 lip balm / 搽厚少少咁。

不過自從試過 Fancl「蜂王漿精華唇膜」後，我那爆裂嘴終於叫做有改善了~ 所以如有相同情況的人也不妨 try try~

8g 蜂王漿精華 (連 20 片保濕護唇膜) →

那包 "保濕護唇膜" 有點似保鮮紙 (咁當然質優過保鮮紙好多)，所以靠的完全是那支 "蜂王漿精華"。雖然護唇膜只得 20 片，但用完後其實真的可用普通保鮮紙、剪成小塊 replace。 

產品資料 →

成份蘊含「水潤補濕配方」(甘油、雙甘油、丁二醇)、鮮蜂王漿精華及瓜氨酸，能為乾燥雙唇高效補濕，如配合「保濕護唇膜」敷用，更有助瞬間軟化粗糙雙唇，促進精華滲透，鎖緊水分，改善唇紋及暗啞，重拾水潤光澤。Made in Japan 。

可單獨使用，或配合「保濕護唇膜」敷用。

$168 @ http://www.fancl-hk.com

(trial product given by Fancl)

8g 以唇部產品來說也不算少，就如一支較細的 lip gloss 吧，由於不含防腐劑添加，開封後需 90 天內用完，聽落去好似有點難度，尤其因它屬晚間使用的產品，不過厚塗的話應該冇問題。

(其實日間也能用，薄搽當 lip gloss 都 ok)

用法 →

取適量精華塗上唇後，再蓋上附設的「保濕護唇膜」敷用，約 1 分鐘後除去護唇膜，輕輕打圈按摩至精華吸收，用後無需清洗。(其實不按摩也 ok)

質地好豐厚，有點似 lip gloss，但一 d 都唔黏身，唔會有漿唇感覺，反而有種水盈感~

用後感 →

So far 連續用了 10 天，分別試過單用精華，或配合「保濕護唇膜」敷用。

其實單用支精華效果都已經好 ok! 用後完全有官方所指的水嫩光澤 + 軟化死皮 + 撫平唇紋效果! 我而家已將佢取代睡前用的 lip balm，每晚厚搽睡覺~

但當然用埋「保濕護唇膜」敷，效果仲會更好，不過我就唔會敷 1 分鐘咁短，至少會敷夠 5 分鐘。另外試過敷上「保濕護唇膜」後，on top 再蓋條溫熱毛巾敷，效果仲更加柔嫩添!

不過我兩片唇咁乾，應該一停用就會還原吧? 呢支要入定多一支貨儲備先!

(建議一次別買超過 2 支，因為冇防腐劑，就算未開封都只能 keep 1 年)