「平凡媽媽」→ 平凡之中的不平凡有效產品

終於搬完屋叫做執好 7 成，有電腦用又可繼續寫 blog 了 ^^

頭 round 先推介 2 件我近兩星期覺得好 work 的 body 產品，我估一班媽媽s 對「平凡媽媽」這間香港自家出產、主推香薰精油製作品的 skincare 店都不陌生了~

本地創作 + 有熱誠 + 做生意不全為向錢看，只造 work 的產品 + 真心去幫客人揀產品 + 家庭式經營呢幾點我好支持呀~

好耐之前已經有留意過她的報導，只不過因為她的分店都不設於旺區，冇經過開於是就未買過她的 product 試。剛好搬之前舊屋附近開左間新分店，就把握機會去襯襯熱鬧~

排左 40 mins 隊，買左腸精油 + 香薰油 + body lotion + 抗菌噴霧 + 蚊怕水 + 紫膏試，而今日主要想介紹當中我認為 2 件最好用的產品~

「腸精油」! 好 work 呀呢支! →

點解要排 40 mins 隊? 

可能因為分店新開比較多人，同埋只得 1 人睇舖，要同時收錢 / 答問題 / 接電話 / 取貨係會好 crazy 既，呢點我自己都係開細舖仔特別能體諒，唔趕時間冇所謂啦~

原本只係諗住買支 body lotion 俾囝囝搽 (佢皮膚好易敏感又易痕)，見排緊隊冇野好做就上佢 website 睇睇有咩 best seller 啦，無意間就 spot 到呢支「腸精油」~

呢支係我自己用，同為肚仔成日去唔到洗手間 (2-4 日一次個種)，要日日食益生菌先得，一停食情況又還原，但日日食又貴喎，就諗住試試用呢支專為消化 / 腸道問題而調配的精油搽肚 work 唔 work。

初用頭 3 日，冇料到.... 

不過用咩都要 d 時間既，結果真係用到第 4 日就掂晒喇! 

「腸精油」$228

而家每晚沖涼後用下圖份量按摩肚仔，直至吸收 (我只係簡單按 10-20 秒左右)，翌日定時定候有洗手間去，每日準時到冇朋友，超 work!

呢支唔一定要晚晚用，有需要時先用也可以，只係我自己日日都好有需要用咁解~

唯一就係因為冇添加腐劑 (其實係好既)，所以要 3 個月內用完咁大支精油係有 d 難度，就算日日用都未必用得完，如果 size 可以推出細支少少仲好。

跟手我老公又問要排咁耐隊，點解唔自己調配? (我十幾年前讀的只不過係香薰療法效用，唔係製作調配。不過同男人講係唔會明的了，就等於佢地永遠以為化妝同美容係一門 haha~

所有售價 / 產品資料方面可到「平凡媽媽」website 望望: 

http://pearlmak.shoplineapp.com

另一支 Body Lotion #3 (敏感 / 濕疹肌專用) $208 →

呢支係買俾皮膚超級 sensitive 的囝囝 / 囡囡用 (我認為係我遺傳)，不過見佢咁大支，而且又係要 3 個月內用完個種，所以自己都有幫手用下。

我 body 絕對敏感過塊臉好多，易痕易紅 + 易出風疹 + 易出粒粒，日日都一定要搽 body cream / lotion，搽少日都會出事，而且唔係個個牌子 ok，要撞彩。

呢支成份主要係花水 + 精油，冇香料冇防腐劑我當然用到，仲要好夠、好夠潤添~

雖則真係極潤唔 "lup" 超好用，不過陣味我真係有少少抗拒，形容唔到係咩味，係冇加香料，但又唔係完全冇味，又唔屬於天然植物氣味個類咁。

同埋可能始終係自家調配關係，有時倒出會有 "水溝 cream 分隔" 情況，用前先搖勻就冇問題。除左呢 2 樣之外我覺得都幾唔錯，尤其對有濕疹 / sensitive skin 的人來說尤其好~

不過諗諗下都成 $200 蚊支，同用開的 organic 天然有機品牌 Melvita 差唔多價位 (只相差 $2，小童同樣用得)，但 Melvita 的天然植物味好似好聞 d，唔......