夏天防曬特集之二 : Fancl 無添加

繼續講講防曬霜~

今次介紹的 Fancl 防曬系列，跟昨天推介的 Shiseido 同樣有分 SPF50 PA++++ 高效防曬版 + 敏感肌 / 幼兒專用版。

兩款均為 "物理性防曬"，以反射紫外光原理阻截紫外線及外來刺激，包括空氣污染物等過敏源頭，而且大家都知 Fancl 出名在無添加，成份不含防腐劑及礦物油，屬安全度較高之防曬霜，極少聽到人話用後會敏感。

所以如果你皮膚比較脆弱，揀 Fancl 就會係唔錯的選擇~

先介紹今季最新出的新配方「SUNGUARD 長效防曬露」→

具 SPF50 兼最新 PA++++ 高效防曬指標，屬對皮膚更安全之物理性防曬配方，以花瓣形紫外光反射劑高效反射紫外光，徹底阻截外來刺激，包括空氣污染物等過敏源頭。

同時蘊含「三效防護成分」+ 積雪草精華 + 乙醯葡糖胺 + 甘油葡糖苷等保濕及修護光老化配方，有效修復受損的膠原蛋白，預防皺紋、鬆弛、色斑及雀斑等問題，提升修護光老化的效果，並能高效補濕，對抗紫外光引起的肌膚乾燥。

$260 / 60ml @ http://www.fancl-hk.com

(trial products given by Fancl)

屬液態那種質感 →

這類稀身質地的液態防曬霜，大家都應該試過唔少? 

無錯望落去好似好薄身，以為會好清爽，但通常搽完後就會有種 "膠膠地" + "滑潺潺" + "漿住塊臉" 的感覺，有 d 仲要搽完之後好白，唔多討好.....

(用前需搖勻)

好彩 Fancl 呢支並冇上述缺點 ^^

搽勻後的確夠薄透輕盈，唔反光又冇油淋淋，而且亦冇變白，不影響隨後化妝，兼且有種微微補濕感。而那種補濕感以夏天計我認為是剛好，不會過於滋潤，只屬輕度補濕 level~

如以同類質地比較，我會覺得呢支 Fancl 比昨天介紹過的 Shiseido (UV Sunscreen 清爽型 SPF50 PA++++) 更適合偏乾皮膚，始終冇咁乾 (個支對 dry skin 來說太清爽，較適合 oily skin)~

如果出街搽埋手臂，就連 body lotion 都可以慳返~

另一款一向有售的「SENSITIVE SKIN CARE SUNGUARD 呵護防曬乳」→ 

成份含紫外光反射劑、防禦皮膚刺激成分、糖基海藻糖、防禦型細胞間脂質、丙氨酰谷氨酸、甘草成分誘導體、香甜豌豆花精華、歐錦葵花精華等，是與皮膚科醫生共同研究的防曬配方。具 SPF25 PA++ 防曬度。

質感水潤柔滑，針對呵護敏感肌及幼兒 (6 個月大或以上) 肌膚，抵禦外來刺激及紫外光。

$198 / 30g @ http://www.fancl-hk.com

屬輕盈的 cream 狀質地，感覺不厚杰 →

搽勻後亦冇變白 / 油膩等缺點 →

我其實覺得呢支係好好的! 搽上去好似搽緊薄身面霜咁，完全唔覺得自己搽緊防曬霜，補濕之餘又唔厚，快吸收又零負擔，質感上冇任何缺點~

唯一就係只得 SPF25 PA++，防曬度不算高，屬於日常落下街用 / 坐 office 等室內用的防曬級別，基本上如果搭 45 分鐘車返工坐正窗口 / 又或者行去搭車個段路屬於會曬到暈的話，SPF25 就未必夠。

除此之外就覺得佢好好，如果日常用唔會曝曬的話，揀呢支會 perfect，如家中有小朋友仲可以大人 / 小朋友共用，唔使分開買多支~

2 款之質地分別 →