於萬寧有售的開架美國品牌「Dermacept」，唔知大家認唔認識呢?~
3 年前它初進駐 HK 時我都買過它的 "C20 真皮營養液" 試，在舊 blog 亦有介紹過，重溫: Dermacept C20 真皮營養液 (但舊 blog 圖片已遺失)
它的品牌創辦人 Dr. Zein Obagi，係美國比華利山殿堂級的皮膚科顧問醫生，更曾於 20 個國家舉行過 200 幾場講座，培訓世界各地皮膚科醫生，真真唔講得少!
我當年都係因為睇到雜誌介紹而癮起買來試的，亦好認同它們以喚醒肌膚真皮層為主，通過機能性護膚品去改善真皮層機能，去解決肌膚各種問題的護膚 concept。
不過，上次買個支 "C20 真皮營養液" 就真係有 d 貴....
上月收到的新出「Advance Base 升級版活膚系列」→
望望價錢，咦~~ ok 喎! 完全唔貴~
又試試有咩效果先~
先提供呢個 "升級版系列" 主要成份資料 →
複合幹細胞 (Stem Base α)
蘊含獨特EGF生長因子，結合礦物質，氨基酸及維生素等複合物，透過給予細胞生長必需的營養，推動表皮幹細胞增殖及成長，促進皮膚組織再生能力及維持皮膚組織平衡
高低分子褐藻提取物 (Active Base™ EX)
促進細胞新陳代謝，讓角質細胞能健康轉化為天然保濕因子，於角質層達至保潔和屏障功能，令肌膚重獲最天然的保濕滋潤，趕走乾紋
積雪草提取物（Centella Asiatica Extract）
強化基底層與表皮細胞的結合及預防基底膜糖化，使水分和養分可以順利而有效地傳遞，促進健康的新陳代謝。
綜合效果即係 →
為細胞注入活力，重整肌膚再生規律，促進幹細胞繁殖及整體細胞新陳代謝，強化肌膚自我保濕機能及健康。
My point of view →
由於呢套系列功效主要係幫皮膚 "強身健體"，唔係美白 / 收細毛孔 / 均勻膚色類別，代表用後除左可以 feel 到補濕度之外，其他改善就好難憑肉眼察覺得到，點樣量度 "皮膚健康左"? 但睇唔到又唔代表佢冇效喎?
真係好有難度...... 只能講講個人用後感受了。
用開的日本 Menard「BEAUNESS 溫泉健膚水」已經用完第 3 支，keep 住用了半年，係時候 try try 新產品喇~
取代品就這支 Dermacept「活膚化妝水」→
產品資料 : 能迅速滲透並滋潤角質底層，清爽舒適，令肌膚水潤柔軟。
$330 / 150ml @ http://www.dermacept.com.hk
(all trial products given by Dermacept)
質地屬稀身水質一類 →
So far 用了半支 →
本以為咁稀身應該唔會太補濕，點知搽上臉後感覺卻出奇地補濕! 直頭覺得係潤!
我 dry skin 夏天用都覺得潤，所以油性肌就應該會覺得太過潤了，較適合乾性肌 / 成熟肌。老實講認為秋冬用會仲好~
滲透度係好好，吸收後摸上塊臉感覺亦水潤柔嫩，乾紋 bye bye，不過 feel 到有香料，敏感肌可能未必人人用到。
同系列「活膚卸妝油」→
產品資料 : 質感清爽柔滑，温和並徹底卸除彩妝，舒緩肌膚乾燥。
$270 / 156ml @ http://www.dermacept.com.hk
屬普通 cleansing oil 質感，唔算太潤太厚杰，但亦並非超清爽 →
不過除左卸妝潔淨度 ok，用後唔太乾之外，就冇乜特別。
「活膚潔面乳」→
產品資料 : 泡沫細膩豐富，全面清除殘存角質、過剩皮脂及污垢，清爽潔面，用後肌膚不繃緊。
$230 / 120g @ http://www.dermacept.com.hk
呢支 so far 試左幾日，用時 feel 到頗為柔滑，洗完臉皮膚真係唔乾唔繃緊，但除此之外又係冇乜特別.....
「活膚乳液」→
產品資料 : 質感滋潤柔滑，清爽不膩，深入滲透角質底層，鎖住水分，令肌膚潤澤飽滿。
$380 / 120ml @ http://www.dermacept.com.hk
(真係好大支!)
質感同一般乳液冇分別，不過又可以有咩分別，支支乳液質感都類同嘛~
日本 / 韓國人的話，部份會直頭講究到會用完乳液、再用面霜。
不過 HK 天氣始終唔同，冇外國咁乾爽，係好難乳液 + 面霜一次過共用，通常精華 + 乳液或面霜是但一款已足夠 (除非皮膚乾到甩皮個種)。
我覺得呢支乳液係算唔錯的，滲透速度快，搽勻後有少少補濕度，又唔會太潤，亦撫平到乾紋~ 但又係除左 feel 到有補濕度之外，其他效果就冇乜。
都係個句，由於呢套係健膚系列，真係好難憑肉眼察覺到用後 "皮膚點樣健康左"，當然睇唔到又唔代表佢冇效，只係用肉眼較難察覺而已，尤其當皮膚本身唔太差時，就更難察覺到 difference 了。
看起來很讚哦······
回覆刪除