以我的 dry skin 為例，雖然面油唔多，又有著重卸妝同潔臉，但久唔久都仍會生黑頭粉刺，避無可避。而我的習慣係自己清到就盡量自己清，慳錢慳時間，太頑固清唔到先會去美容院。
我人又懶又忙，放假通常寧願宅在家湊仔，每 2-3 個月先會去做一次 facial，既然平常要靠自己保養去清黑頭粉刺，就梗係要有支深層清潔 mask 看門口啦~
Fancl 限量版「黑頭潔淨軟膜」Pore Cleansing Pack →
效用 →
有效溶解清除黑頭，而不會撐大毛孔，以「溶解、吸住、潔淨」3 個步驟，深入清潔暢通毛孔，不留殘漬。
售價方面有分 $318 (40g) 或 $168 (8 片獨立包裝) 版本
(trial product given by Fancl)
用法 →
油性肌 / 勁多黑頭粉刺的人，可每星期用一次，仲會有抑制油光效用。
但乾性肌就無需用得太頻密，由於油脂分泌不多，黑頭粉刺相對比油性肌少，清潔面膜用得太密反而會令皮膚更乾，建議每 2-3 星期用一次已 ok。
屬於 clay mask 泥膜一類，質地都幾厚杰 →
只需敷於毛孔粗大 / 易生黑頭粉刺 / 易出油的部份，位置人人不同，但普遍來講即係 t-zone。假如全臉都好油的人，也可考慮全臉敷用，不過乾性肌就切勿全臉敷，會好乾。
至於我自己會出油的位置只有鼻頭，有黑頭粉刺的部份就係鼻位 + 唇邊 + 下巴，所以就敷呢幾個位~
大約 5-8 分鐘就可以用濕棉花 / 濕海棉 / 濕毛巾之類抹走 →
建議用濕海棉敷按幾秒先至抹，唔好夾硬大力捽抹，可避免拉扯皮膚 / 捽到紅晒。
敷完後近睇可清楚見到，鼻翼位有多粒粉剌浮出! →
未敷之前並唔覺自己有咁多粉刺，敷完 mask 後被吸晒出來.....
另外雖然我鼻頭位唔算多黑頭，不過都見到佢清得幾乾淨，鼻位 d 毛孔又真係好似收細左咁!
跟手再用暗瘡針輕力刮一刮，粉剌就全部 K.O 得一乾二淨 →
又或者做個局部磨砂，都同樣可以清到已浮出來的粉刺~
不過始終呢類 mask 主要係清潔同抑制油光用途，冇補濕效用感覺會乾 d，之後敷返個補濕 mask 會更好，隨後再搽返日常護膚品就 ok~
你好 想請問你個度仲有無化妝掃set裝賣呀？
回覆刪除抱歉我們沒出售 set 裝掃, 只得每支獨立發售~
刪除