夏天防曬特集之三 : Shu Uemura「淨白防曬霜 SPF50 PA++++」

上個月已曾經介紹過幾款為夏天而設的新出高效防曬乳，唔知大家有冇印像呢?

夏天防曬特集 (一) 重溫 : Shiseido 防曬 SPF50 PA++++

夏天防曬特集 (二) 重溫 : Fancl 防曬 SPF50 PA++++

今日再接再勵，繼續介紹高效防曬，就這支植村秀新出 Blanc:chroma 系列 Chroma UV Protector 「淨白防曬霜 SPF50 PA++++」→

SPF50 加 4 個 "+" 號，今年好多大品牌推出新防曬產品時，都已經跟足呢個最高防曬指標。而經常出新產品的 Shu Uemura，亦當然有站在潮流尖端跟住嚮應，仲添加埋防水 + 改善色素美白功能添~

產品資料 →

成份蘊含 4D Complex-UV (4D 活性美白防曬複合物)，能阻擋 75% 波長紫外線深入肌膚，避免色斑加深及形成，並能針對改善 4 種色素瑕疵，包括黑斑、黯黃、泛紅及青綠蒼白膚色。質感清新水潤而防水，為肌膚添上長效保護屏障。

$365 / 40ml @ http://www.shu-uemura.com.hk

(trial product given by Shu Uemura)

質地屬稀身乳液質感，每次使用約一毫子大小份量 →

(用前需搖勻)

可以見到推開後質地相當稀身水凝，唔厚唔杰身 →

於臉上塗抹時亦 feel 到非常水嫩~

搽勻後會有種淡薄光感，及明顯地撫平到手背上一格格極乾的紋理 →

至於用後感......

由於手背皮膚較乾，搽勻呢支防曬後好快就吸收晒，感覺清爽。

但用在臉上感覺就有分別。正常搽防曬前都會先搽 skincare 嘛，當搽完精華水 + 精華素後，再搽佢就覺得有 d 潤、唔夠爽身，而減少份量搽雖然會更清爽，不過防曬功效就會減弱.....

所以認為呢支會較適合乾性肌 / 成熟肌膚用，有少少潤喔，油性肌用會嫌太潤。

至於用後有冇改善膚色 / 色素瑕疵功效......

由於佢有光感折射光線效果，搽後係會即時見到有改善暗沉 / 偏黃膚色的，但講到改善色斑瑕疵就唔覺有，應該要用好長時間先得。(不過實話實說，我試過好多都唔得，始終色斑不屬淺層瑕疵，靠外搽護膚品係好難改善，除非係超細份子的 skincare，講緊可能要好似納米咁細、或者細過納米先得)