Revlon 新出「全效終極睫毛膏」review

講到睫毛膏......

我一向冇乜心水，用來用去都係 Maybelline "Big Eyes Barbie" 雙頭個支。以前都有遇過幾款超好用的，只係唔知點解 d mascara 成日賣賣下就 discontinue (可能諗住出新產品又可以借機會加價?)，有 d 就因為改過 formula 後唔同左，總之永遠都搵唔返一支稱得上最好囉.....

而我心目中最 "好" 的定義，基本上同大家一樣 : 

1. 防水防油防 smudge 係 must

2. 濃密 + 纖長 + 根根分明 + 自然捲曲，全部都想有齊唔該

3. 搽完唔會 drop，可以全日 hold 住捲曲狀態

4. 卸妝唔好咁難卸當然就最好啦

以為好易搵，實情買過 mascara 的都知其實係好難搵到心水!

早排收到 Revlon 新出的睫毛膏，又等我 try try 睇睇有冇驚喜先~

Revlon 今季新出的睫毛膏全系列共有 5 款，各有不同效能，分別為濃密 / 纖長 / 分明 / 細密增長效果。

但如果嫌只有單一功能唔夠全面的話，就可以揀今次介紹呢支「全效終極睫毛膏」喇，濃密、纖長、分明、捲曲及極黑，5 種效果一枝有齊，所以識揀一定係揀全效呢支啦~

紅色蓋好易認~

$138 @ 各大 sasa / Watson's / 萬寧等等

(trial product given by Revlon)

Mascara 我一向唔鐘意揀 "梳形刷頭" 的，用過好多都覺得唔適合自己，搽完顯得睫毛又稀疏又下垂，而 "膠質刷頭" 個 d 都係有同樣情況，所以一向 prefer 揀 "傳統纖維刷頭" 款。

所以一開呢支 Revlon 見到係 "膠質刷頭"，我個心已經裂左......

不過唔試過又唔會知效果嘛!  就試了幾日玩玩~

驚喜位 :

1. 真係超級防水防油防 smudge! 全日冇溶化過，丁點都冇溶過

2. 層 coating 夠厚，濃密 + 纖長 + 捲曲，全部做到

3. 搽完真係冇 drop 過，全日 hold 住同一捲曲弧度，唔係支支做到 

4. 卸妝唔算好難卸，用 eye makeup remover 敷幾秒，卸 2 次都卸得清

真係囧囧眼咁 feel ! 

失望位 :

佢個獨特的 "中空子彈刷頭設計"，目的就為了有更多睫毛膏能依附刷頭上，可造成濃密效果，但我就認為效果有點 too much。

因為見到刷頭上有太多 mascara，所以我搽之前已經過了紙巾、刷走過多份量 x 3 次，不過搽上睫毛時仍然係超多份量，過紙巾幾多次都唔得，因為 d mascara 係藏於齒梳中間，攪到好易搽到一 pat pat / 或變曱甴腳，唔夠均勻。

由上圖可見，效果係一支支睫毛棟起咁款，唔夠 natural (不過亦有人愛呢種效果)。而且因為份量太多，而刷頭齒位又唔夠密，會一掃就一次過漿住 2-3 條睫毛，做唔到根根分明，反而令睫毛根位變得稀疏 (係由唔稀疏變稀疏)。

講到底都係個刷頭問題，"內容" 本身係一流。

可以點解決?

轉返用 "傳統纖維刷頭" 之後，問題即時 K.O!

不過就麻煩 d 咁解囉，要自己每次塞支私家刷入支 mascara 度用，搽完又唔知放邊、又要洗.....