2016年8月16日 星期二

Phyto-Lab「藍銅胜肽嫩膚精華」小知識,用前你要知~

早幾日 video 內提過 Phyto-Lab「藍銅胜肽精華」後,多了人 inbox 問究竟呢支係適合咩人用? 濃度咁高又安唔安全? 效果係咪真係好好? 係點樣用點樣揀?

get 到 get 到~

不如咁樣啦~ Video 提過的我就唔長氣多講喇,怕會悶親大家,今篇就只補充大家未知的~

首先,「藍銅胜肽」之所以近年咁受美容界追捧,係因為醫學實驗證明佢可以高效增生膠原蛋白 + 透明質酸,幫助皮膚幹細胞生長,從而淡紋抗皺 + 抗衰老 + 嫩膚,效果比傳統維他命 C / 褪黑色素 / A 酸都更顯著,刺激性亦更低,仲有抗炎作用。

而「藍銅胜肽」有效定冇效呢,我已提過關鍵係在於濃度 + 份子大小。由於「藍銅胜肽」原材料勁貴,所以亦會有 d 牌子為減低成本,加入其他平價成份稀釋,或改用低濃度「藍銅胜肽」。

假如佢冇標明濃度、又或者於成份表內排得好後、賣得好平個 d,你都唔使期望佢濃度會太高。而份子太大就會吸收唔到落肌底,發揮唔到效用。

以「藍銅胜肽精華」為例,濃度高的顏色應該係透徹不渾濁的鮮藍。如果品牌刻意用密封包裝、唔係透明樽身、睇唔到顏色的話,你就好難估計佢夠唔夠純。

即係濃度愈高 = 愈好? 


咁又唔係呀,濃度太高反而會 break down 膠原蛋白結構,會有反效果,所以我於 video 內提過 Phyto-Lab 呢支 3000ppm 已算係皮膚可用的極限,去到最有效而安全的濃度盡點了!

咩人適合用?

呢支係採用不阻塞毛孔 / 不引致暗瘡粉刺成份 / 不含酒精及香料,配方高效而穩定,基本上所有肌膚都用得,連敏感肌 / 孕婦亦合適, 可早 / 晚使用,亦可用於眼周。

對輕熟肌 / 成熟肌 / 有皺紋或乾紋的人、或打完 laser / 任何 treatment 後用,效果都會特別好。

至於年輕肌..... 都未有紋就唔使用住喇,可以就咁用佢支「B3 分子酊亮膚精華」。



btw 舊版個樣 →

品牌話太多客指舊版玻璃樽太窄身,好易跌手跌落地 + 扭功式蓋位好難關緊,所以今季開始全都換了新包裝,轉用了膠樽 + 泵裝,更安全兼方便~


每次用半泵至大半泵、如下圖份量已足夠 →

用咁少會唔會冇效呢?

唔係因為貴所以慳住用,而係「藍銅精華」本身真係用勁少份量都已經有效的了!

搽多 d 唔會有效 d,係浪費先真喔~

另外因為佢份子激細 (份子量細至 340.38 g/mol),會吸收得好快,幾秒內就變清爽,的確要快手搽勻! 所以亦會有 d 人有疑問 "咦? 乜佢吸收得咁快嘅? 唔夠補濕喎,係咪要加多 d 份量?"

真係唔使加量的,佢薄薄一層一吸收後就會 work~

其實要補濕亦唔應該靠「藍銅」,佢只能於肌底發揮淡紋抗皺嫩膚用途,所以應該係用完佢再加支補濕精華先真~


咁用完「藍銅」加邊類補濕精華最好?

作個比喻講,份子細的高濃度「藍銅」會幫你打開通往肌底道門,等於你隨後搽的第 1 款精華亦會特別吸收,咁當然要揀支 quality 好的啦! 唔好揀太大份子,或太多有害化學物的。

當用完「藍銅」合成了肌底膠原蛋白後,你都要再靠補濕成份將佢鎖緊貼合,先會發揮到最強、最持久效果,當中以配合有「分子酊」補濕成份的精華共用,皮膚彈性修復會 keep 得最好,所以用完「藍銅精華」後加「分子酊精華」最絕配~

(唔係我作的,係真實原理喔)

所以我用完「藍銅」後會再加佢支「B3 分子酊亮膚精華」就係咁解,2 支精華夾埋我已等於將藍銅胜肽 + 維他命 B5 + B3 + E + 透明質酸 + 白藜蘆醇等均勻色素 / 亮白 / 淡紋抗皺 / 補濕鎖水 / 抗氧成份,一次過包攬,仲要全部高濃度,都好夠喇~

用法次序:

夾膚水 (或精華水) → 藍銅精華 → B3 分子酊精華 → 眼霜 → 防曬日霜或晚霜

(有外國專家指不可配合維他命 C / 果酸產品共用,會破壞藍銅結構)


質感極柔滑易推,伸展度屬高 level,但吸收得好快,要快手搽勻 →


一搽勻就即時吸收,可以見到紋理平滑晒! →

最重要係記住搽完「藍銅」後,最好 8 小時唔好洗面,要停留於皮膚上約 8 小時,否則功效會大減!

呢點應該難唔到大家,朝早搽完 skincare 化埋個妝返工,放工返到屋企都唔止 8 個鐘啦! 而夜晚搽完 skincare 後睡覺,第二朝起身又差不多夠 8 個鐘喇,所以係零難度~


對比返未搽開前,手背上的紋理本來清晰可見! →

所以被喻為淡紋、抗衰老、嫩膚最強~ 


Phyto-Lab 「藍銅胜肽嫩膚精華」資料 

嚴選名廠真材實料,採用超高濃度 3000ppm 而份子極小之藍銅胜肽研製 (份子量 340.38 g/mol),仲有維他命 B5、維他命 E、透明質酸等等,有效直達基底膜,激生肌底骨膠原修復,使肌膚更有彈性、抵抗衰老、擊退皺紋及幼紋,用後更緊緻亮滑,呈現肌膚透明感。

 (左)「B3 分子酊亮膚精華 30ml」+ (右)「藍銅胜肽嫩膚精華 20ml」→

各 $600 (優惠期間有面膜送) 詳情 @ http://makeupsecret.com.hk/products/


銷售點 :
專業化妝課程 ● 化妝服務 ● 化妝品零售          

香港九龍尖沙咀廣東道 116-120 號海威商業中心 12 樓 B 室
(港鐵站A出口, 位於 Apple Store 旁邊)
星期一至五 1:00pm - 9:00pm / 星期六 12:00noon - 8:00pm (逢星期日休息)  
查詢電話: 2311 9682 
所有貨品項目及優惠: http://makeupsecret.com.hk/products

歡迎親臨店舖購買、或 click 入 Facebook 專頁 透過 Inbox 訂購 (順豐速遞, 運費自付): https://www.facebook.com/makeupsecret.hk/



呢 2 支精華我係由店內未有售前、上年 9 月已開始推介緊,一直用到而家,係好忠實的用家 ^^

雖然期間都有停用過 (間中都試試新產品嘛),但每次都不會停太耐,so far 每款精華各用完了 3 支,剛剛開第 4 支。本來覺得佢好貴唔敢入貨,但見用完效果又真係好好,結果忍唔住 4 個前開始出售~

Timeline history 重溫:
2015 年 9 月分享: https://youtu.be/XuxU0FkALZg


至於之前大讚過的韓國 Dr.Johom,我仲用緊,仍然覺得佢好無敵,不過只每星期用 1 次當額外修護 ; 水感肌精華就冇用喇,以而家天氣計潤左 d ; 韓國 Bano 就已經用晒,而家好專心一意地全套 skincare 用緊 Phyto-Lab~





13 則留言:

  1. Hi Isa,
    请问同MD Skinical B3+B5/分子酊精华作比较, 有什么不同? 那一个比较好? 多谢.

    回覆刪除
    回覆
    1. 主要是成份質量跟濃度分別, 個人認為 Phyto-Lab 是更有效的, 完全是一分錢一分貨那類~ 但由於它售價不算便宜, 所以便多入一款 MD Skinical 讓大家多一個選擇而已, 如 budget 鬆動的話就揀 Phyto-Lab 效果始終更好~

      刪除
  2. Hi Isa,
    你會不會考慮入埋Phyto-Lab的面膜?

    回覆刪除
    回覆
    1. 佢面膜效果其實都係好好用, 我都用過 3 盒, 不過以面膜計佢唔算平, 我怕大家嫌佢貴, 所以仲猶疑緊入唔入貨~

      刪除
  3. Hi isa,
    用sk2神仙水,再用這両支持,沒問題嗎? 如不可的話,用什麼好?
    Thank you!

    回覆刪除
    回覆
    1. 可以一齊用呀, 我而家都係用緊 SKII 神仙水, 之後再用呢支藍銅精華及 B3 分子酊精華~

      刪除
  4. 寄美國買滿幾錢會免運費?

    回覆刪除
  5. 原來我一路都調轉咗嚟用, 用咗B3先至用藍銅, 咁係咪即係冇曬功效?

    回覆刪除
    回覆
    1. 咁都唔會話冇用的, 只係先用藍銅再用 B3 會吸收得好少少~

      刪除
  6. 藍銅胜肽可否用在眼部皮膚?

    回覆刪除
  7. 藍銅胜肽可否用在眼部皮膚?

    回覆刪除
    回覆
    1. 呢一支可以用於眼底~ 至於如果系其他牌子藍銅精華,就要視乎佢除咗藍銅之外仲有乜嘢其他成份~

      刪除
  8. 我有phyto lab藍銅,MD skinical 15% B3及ceramide及10%白藜盧醇,請問用的次序應是?

    回覆刪除