一直冇提起，係因為每次見佢都只得少量貨，兼且唔係次次有得送，亦唔係間間 SaSa 有，所以都只在上堂時講聲俾學員知就算了。
但可能最近做宣傳? 今日我見到有好多貨、支支 D.U.P 膠水都有得送呀! (我公司樓下間 SaSa 有大量，尖沙咀金巴利道分店，諾士佛臺對面)
唔好理用得密唔密，都可以買定一支看門囗，萬一有需要貼假睫毛時都有得用嘛~ 再講平時普普通通買支膠水都 $60-70 啦，而家有埋日本 D.U.P 原裝假睫毛送喎，對睫毛仲可以 recycle 重複使用，係非常、非常抵!!
我屋企已經有 2 盒，都忍唔住掃多 2 盒備用!
限量呀! 快搶!
最多一間 SaSa 冇咪行多 2 間囉，總有一間響左近~~
Click 入望望假睫毛真身~~
有 "膠水王" 之稱的 D.U.P 出晒名好用，以前都有推介過，好多 makeup artists 都用佢，貼力極強，仲要防水防汗、防油脂、點扯點拉都好少甩!
自從有佢之後，我就冇諗過要轉其他膠水喇~
唯一缺點只係佢乾得比較快，一搽完膠水就要快手貼，對熟手的人計呢個反而係優點，不過如果唔熟手的話，用時就要貼得快手少少。
我用開呢款係 #552 Clear Type 透明，佢另外有出白色 / 黑色膠水，但唔係間間 SaSa 有，始終大部份人都係買透明。
平時分開買，膠水 $68，假睫毛一盒 $75 (2 對) →
而家限量版係 $68 膠水連下圖假睫毛一對 →
附送的睫毛已貼於包裝盒背後，款式盒盒一樣冇得揀，應該就係呢個 #921 款，屬於 cover 到 3/4 眼型長度、尾長前短之款式。
雖然 close up 睇好似好大對、好誇張，但實物其實並冇咁大對，算係自然款式，就好似 model 圖示咁~
拆開包裝袋後，都仲有個有蓋膠盒 →
用完對睫毛可以放返入盒，既方便又衛生~
雖然係附送，不過款式同質地跟買的完全冇分別，夠優質! →
質地夠堅韌，可以重複使用 N 次，直到佢變形為止~
貼後圖 →
呢對睫毛我已經重複用過好多次，效果自然，唔會太浮誇，好似我呢類日日化妝的人，就算普通出街用都唔會話好誇張，至於少化妝的人也可留待化晚妝先用~
由於呢款假睫毛長度只 cover 3/4 眼型長度，眼頭位唔會貼得太近，所以亦唔會覺得刺眼，又唔使剪短先貼，好方便~
至於用過的假睫毛點洗?
用棉花棒沾少少假睫毛膠水清洗劑，輕輕捽幾捽，就可以洗甩晒 d 膠水漬兼消毒~
呢支台灣好出名的 "睫毛闆 Eyelash & Brush Cleanser" 就係專門用來 "清潔化妝掃 + 假睫毛膠水" 的 2 合 1 清洗劑，除不含酒精之外，更加添了滋潤配方，不會傷害掃毛或假睫毛~
介紹及用法重溫:
就咁用手指撕走條膠水漬、唔洗就放返入盒又唔得，有污漬、有菌的嘛!
下次再用咪將 d 菌貼返上眼囉.....
沒有留言:
發佈留言
注意：只有此網誌的成員可以留言。