Mioggi 特價!!

呢 set 其實已經係我新年時收到的 free gift，尋晚望望下 d 相，先發現原來我一直未介紹過佢喎! 剛好上網見到 Mioggi 做緊特價，仲好! 襯佢 on sale 我襯早補返個 review 俾大家望望先~

當中有我認為好好用、又有覺得一般般的產品，都分享一下~

升級版「活肌生命水精華 II (生命水)」→ 

Mioggi 呢支皇牌生命水，聞說可媲美 SK-II 神仙水，好可惜我試唔到.....

因為呢支我以前已經自己買過來試，點知用一次敏感一次 (泛紅痕癢)，試了 4 次後就唔敢再用喇，結果俾了媽咪試，佢用又冇敏感問題喎.....

所以我都印証唔到佢有幾好喇.....

至於問我媽咪比較起 SK-II 神仙水，呢支 Mioggi 生命水效果如何? 佢又答唔出，話 "都係咁囉，幾十歲是但啦"..... (haha 無奈)

特價 50ml x 2支 = $260 @ http://eshop.mioggi.com

(all trial products given by Mioggi)

重點推介呢盒「DNA Defense 基因防禦煥肌精華素」→ 

產品資料 : 

是為 28 天肌膚更生週期而設的煥膚療程，一盒有 4 支 7 ml 精華素，每支為 1 個星期的使用份量，以確保其活性及新鮮度。

採用嶄新「縮氨酸微脂囊」導入技術，能把修護成份於最活躍的狀態下輸送到肌底層，提供最全面的抗氧修復，再配合膠原再生因子及諾貝爾得獎抗皺成份，能提升肌膚密度及彈性，趕走憔悴暗啞，重整膚質，修補脆弱及受損細胞，減淡面部皺紋及細紋，讓肌膚重現飽滿亮澤。

特價中 $252 (每盒 4 支 7ml 精華) @ http://eshop.mioggi.com

用前可見是水油分隔開 2 層的，需搖勻使用 →

搖勻後 →

每支為 7 天份量，由於質地伸展度夠高，每次只需用 1 管份量，就算早晚使用都足夠用到 7 日。

但皮膚乾的人則每次需用 1.5 至 2 管 = 每支只能用到 4-5 日左右。

搽勻後會瞬間吸收，能即時撫平細紋，有光澤感，摸上手亦 feel 到好嫩滑、軟綿綿有彈性~

至於補濕度就唔算太高，夏天用係夠的，但較乾的膚質用後都要再加其他補濕精華，始終呢支 Mioggi 質地較薄敷稀身，好快就滲入肌底，面層滋潤度唔算高。

如當係 "肌底液精華" 用，打底係一流的! 特別適合 "乾燥沙漠肌" / 成熟肌 / 受損肌膚使用，用後皮膚真係會柔滑一 d! (唔適合油性肌 / 混合肌可只於晚上用)

至於你話係咪我試過的肌底精華之中最強??

咁又唔係，不過佢勝在夠平! 平得來又有效果睇，已經好好好好喇~~

24K 蝸牛極緻美白修護水晶面膜 ($180 / 5 片) →

蘊含高濃度蝸牛精華，有效令肌膚重拾緊緻和光滑飽滿，淡化乾紋及細紋；再配合24K純金，迅速活化肌膚細胞；光果甘草根及茶葉提取物萃取能抑制黑色素生成及均勻膚色，讓肌膚展現青春光采。

呢塊 mask 我只係覺得一般，補濕度唔算好明顯，其他效果亦只屬普通。但我俾左一片公司同事試，佢就大讚話好好用..... (可能係大家相差 10 年的分別??)

蝸牛保濕修復水晶面膜 ($135 / 5 片) →

蝸牛精華能令肌膚長效水分充盈，同時修復痘疤、淡化色斑、收細毛孔及改善肌膚彈性，賦予肌膚活力，維持肌膚水油平衡，任何肌膚適用。 

呢塊 mask 我的 comment 同上圖的 mask 一樣，同樣地我覺得普普通通，但同事用後就大讚.... (係我要求高? 定因為真係相差 10 年呢? )