打好唔打好??

臉部瑕疵人人都有，我覺得沒什麼大不了，如果那些瑕疵是能靠化妝技術 cover 的話，那我亦不會吹毛求疵一定要做 d 咩 treatment 令到佢消失為止。

如果要講我自己唯一極度 + 十分 + 嚴重介意的臉上瑕疵，就係眼底於 6 年前割完汗腺管瘤後遺下的幾個凹洞喇! 

因為任憑你化妝技巧有幾神，凹洞都係冇可能靠化妝遮到的，更冇任何一種護膚品可以改善...... 而呢幾個凹洞，每次一笑更會由圓形變為橫線，極度顯眼， 經常被誤以為係 "眼紋"，超級困擾! 

試過於街上遇見多年冇見、又唔係太熟的朋友，佢話: "你咁多年都冇乜點變喎~ 係多咗 d 眼紋囉" (我個心即時..... 滾呀! 滾呀! 滾過打邊爐)

其實呢 d 小凹洞以前係完全唔覺有的，但人大了幾年後，眼底皮膚彈性 / 膠原 / 脂肪等等全都流失了嘛，凹洞就變得愈來愈下陷顯眼......

我當然有試過四出搵方法改善啦，呢幾年我已經問過 N 位美容醫生及專家，全部都答我冇辦法，因為我的凹洞太近眼球，所有適合改善凹凸洞的療程如 laser / 磨皮 / 微針 / 針挑等都不能做，更冇醫生肯幫我做，始終有風險嘛。

而 eye cream / eye serum / eye mask 就更加唔使講啦，對改善乾紋皺紋就得，但對凹洞就唔使妄想會有效了。

既然 consult 過咁多醫生同專家都話冇得救，我把口只能話認命，但個心仍然介意到不得了。

直至我遇上 Oasis Medical 銅鑼灣分店的梁醫生。

呢 2 年來我曾經幫襯過 Oasis Medical 梁醫生好多次，例如打透明質酸針 / laser / HIFU / RF 之類。每次我見到佢，都會煩住佢問我 d 眼底小凹洞點算好，咁當然次次答案都一樣啦，就係冇得救囉......

其實我都明，而問咁多次只係因為個心好期望可能會有一次，個答案會唔同呢? 千份之一機會都好過冇嘛......

直至 3 個月前我又走去再問，今次我終於都求到一個唔同嘅答覆喇!!!

"其實又唔係完全冇方法嘅，都可以試試打 MOSAIC 部 laser 機，刺激肌底纖維重組，增生返膠原同彈性，不過你 d 凹洞咁近眼，真係要好小心打，通常都係打臉，好少人會打眼底....." (下刪 N 字想說服我唔好打)

最後我當然有求醫生幫我打啦~

打完之後....... 真係出唔到街....... 好彩有帶黑超.....

當然醫生係有一早講明會變咁樣，不過照鏡見到自己個樣個陣，真係被嚇一嚇、個心即刻離一離，打完 9 秒 9 跳上的士返屋企! 你都咪話唔影響市容 hahaha~

但不得不讚梁醫生係有好細心幫我慢慢打，每打一下都諗過度過~ (咁真係好近眼有風險嘛，唔細心唔專業點得呢)

而打嘅時候係零感覺，因為預先已搽麻醉膏。

約 50 mins 後返到屋企，已經冇咁紅，但就開始腫.....

加上麻醉膏效力漸漸消失，仲會覺得痛.....

即刻敷咗 5 次 Menard "綠水" (BEAUNESS 溫泉礦物健膚精華水) →

因為佢出晒名有效鎮靜肌膚、 強化肌膚、提升肌膚抵抗力、補濕、迅速改善不穩定膚質、改善紅腫等，又係天然礦物配方，我咁嘅情況唔敷佢仲可以敷乜，唔通仲敷 d chemical 上眼咩~

一晚內敷完幾次 Menard 綠水 + MD 份子酊精華之後，係的確已消腫好多，不過都仲係有 d 腫.....

咁至少已將個嚇得死人嘅樣、變為只係似喊完一晚嘅樣，都算係咁啦~

至少望到自己呢個樣都冇咁驚先!

第二日化妝時，已經可用 Cinema Secrets 盒 5 色遮瑕膏遮到 →

只不過要遮得比平常厚少少，都 ok。

優點係可以見到 d 凹洞真係消失晒~!!

至於個紅腫情況會每日漸漸退減，大概 2 星期後完全消失，不著痕跡。

雖然打完 MOSAIC 後個樣勁衰，但 d 凹洞又真係唔見晒、泵漲晒喎!! 效果好靚好平滑! →

可惜呢個咁美好嘅效果，卻只能維持 1 個月左右.......

因為醫生一早同我講過打 1 次係唔夠嘅，成個療程至少要打 4 次，要打完 4 次後先再決定有冇需要再逐次打咁樣。

上次打第 1 次時已經係 6 月，理應連續 4 個月返去打 1 次，不過我又因為唔多唔少怕咗個紅腫 downtime 期，所以...... 好掙扎呀!

繼續去打定唔打好呢??...... 

Ummmm....... 繼續掙扎多一陣先......