除可慳返時間無需每盒打開搵顏色咁麻煩之外，計落買 palette 又比 single color 更抵，顏色選擇又有咁多，真係冇乜缺點~
唯一可能就係售價比較貴?
的確專櫃牌子一盒 8-20 色眼影組合，冇 $500-800 蚊係走唔甩，咁始終裡邊有咁多隻色，係會比買單色貴嘅，要視乎自己有冇需要用咁多隻色了。
想買盒 quality 好少少嘅 palette，但又唔想咁高消費?
咁 The Body Shop 剛剛新出呢盒「Down To Earth Eye Palette」8 色眼影組合，就絕對係你杯茶喇!
$300 有找!! 抵到爛! 👏🏻
每粒 eyeshadow 仲可以拆出，方便轉換位置或顏色 →
不過呢盒眼影顏色係 fix 死的，冇得自選顏色，而且 8 色組合就只有呢一款色揀，冇其他選擇，要買埋佢另外的 4 色眼影組合先可以互調顏色。
所以如果你只買呢一盒 = 呢個拆出功能可以作廢
不過呢盒顏色都夠用有餘，都係大路 earth tone 色，好易用百搭，加上睇埋售價直頭係抵得過份! 好難唔買喎!
$299 除開 8 隻色 = 每色 $37 咋!!!
好過買開架品牌啦! 超值~ ❤️
(trial product given by The Body Shop)
色效圖 →
凡係掃眼影前都必需先用 eye primer / eyeshadow base 打底，眼影先唔會跣色、唔會跌粉、更加出到原色、更持久不溶妝。所以你見我每一段 video，化眼妝前都會先用 eyeshadow base 打底的。
但手背範圍咁大，當然冇可能搽滿 eyeshadow base 先試色俾大家睇啦，所以我試色前就薄搽了一層 hand lotion，令顏色可以更貼皮膚，唔會跣走，試得更真確。大家買眼影試色時都不妨試試呢個方法~
顏色的確係好靚，化出來效果同高價的 eyeshadow 零分別，粉質亦夠幼細~
Close up 睇粉質都好幼細 →
又夠薄身唔太阻位 →
對比官網圖......
嘩..... 實物靚好多!
咩事官網張相 d 色咁假嘅? hahaha~ 😂
仲有 4 色 palette $199，有其他顏色選擇，適合少化妝的人用 / 外遊時用 →
Body Shop 我今期推介的妝品仲有盒新的 "Cushion 氣墊粉底"，等我影埋相之後再寫篇 review 俾大家睇睇啦~ 😊
Hello,isadora,睇完你post "+medispa"皇牌激光去斑療程,$999 / 3 次”，我想請問你做完三次效果如何？我半年前已係其他美容中心總數做過四次激光，仲有荷爾蒙斑存在。現在睇到還有這個體驗價，我想去荷爾蒙斑。好期待你的回覆，謝謝。
回覆刪除hihi~ 效果其實都好 ok 唔錯的, 只不過所有 laser 打 3-4 次一般都只能清走大部份雀斑 (即表層斑)，而荷爾蒙斑 (深層斑), 就要再打多幾次至十幾次先會變更淡的, 確實要多打幾多次, 就視乎本身斑的色素有幾深, 同埋荷爾蒙斑其實並不能完全清晒 (所有醫生都係咁講)，總會有少少色素係清唔到的, 所以都要日常再靠淡斑精華幫手, 呢 2 篇 blog 文曾經有提及我打完 laser 後的淡斑物: http://isadoracheng.blogspot.hk/2016/07/menard-whitelucent.html 及 http://isadoracheng.blogspot.hk/2016/09/menard-fairlucent.html
刪除多謝你的回覆,我已約咗今日灣仔+medispa 做laser(預計一個月整一次,三個月三次)但日本 Menard FairLucent Whiter Essence 升級版透白精華要等三四個月後才能用,我不想這麼早買完放在家,但又怕到時你店鋪又沒貨.
刪除做完 laser 後如果想持續均勻膚色 + 修護, 其實用 Phyto-Lab 支藍銅精華、同 B3 份子酊嫩膚精華會更好, 我當時打完 laser 都係用呢 2 支的, 又或者用我剛剛新推介個款 ENDOCARE 精華都會更好, 因為剛打完 laser 後皮膚會變得極脆弱, 加上適逢轉季就會更脆弱, 想持續淡斑用 menard 支精華前都要先幫皮膚底打好基礎, 用返 d 適合 laser 後用的精華, 否則用淡斑精華時就會好易過敏~ 而 Menard 支精華其實也可以等打完 3 次 laser、再隔 1 個月後先買來用, 雖然我都預計唔到 4 個月後有冇貨, 不過理應係咁樣建議俾你先正確, 又或者你可以到時早一個月訂定、問問有冇現貨買定先之類, 咁就可以確保有得用~
刪除