唔知大家對「erborian」呢個法國 x 韓國牌子仲有冇印象呢？😌
上年佢進駐 hk 時，就曾經推介過佢的 "Bamboo Waterlock" 面膜同潤唇膏:
仲有 CC cream 同其他產品:
而今次就試用佢最新出嘅「0.09 參萃柔滑定妝粉餅」(0.09 Touch au Ginseng BB Compact) →
係一款比較得意嘅 "由濕轉乾形式無水份" 粉餅，除咗上妝仲可以用來補妝，自覺都幾有 gimmick，而且仲幾貼面~
先提供少少產品資料俾大家→
"水" 是大部份粉餅的主要成份，亦是最重要的示素，以平衡油性和主要成分的配方。但韓國 x 法國的 erborian 卻行先一步，推出革命性 "幾乎無水" (almost-anhydrous) 技術的粉餅，在配方中將水的份量減少到最簡單形態，以提升粉末質感，讓底妝更加自然貼服。
集 BB 霜 + 絲滑定妝粉餅於一身，效果透薄柔滑，縍造啞緻而不失光亮柔滑的妝感。
富含韓國著名的人參成份，能深入肌膚滋養補濕，亦有助抗氧化、舒緩、抗衰老，化妝同時護膚，具 SPF 20 防曬度。
$300 / 共 2 色選擇 @ http://hk.erborian.com
erborian facebook 專頁: https://www.facebook.com/ErborianHK/
(trial products given by erborian)
望落去似粉餅 (真係同粉餅冇分別) →
但其實摸上手係 cream 狀! →
當一搽上臉與皮膚接觸融合之後，就會立即由 cream 狀轉化為粉狀，自動定埋妝。
一聽到呢 part，就會開始有人問 "咁咪會好乾囉??"
其實我初初一打開摸上手都覺得乾，不過唔好心急住~ 睇埋先~
隨粉餅有海綿粉樸附送 →
不過我唔建議用粉樸去搽呢盒粉 (補妝印幾下另計)......
因為呢盒粉質地比較實，我試過用粉樸上粉除咗唔夠貼面之外，d 粉仲會卡住係毛孔周圍，變成一個個粉底洞洞 😬
都係用返呢類纖維毛平頭或圓頭 kabuki 掃，先夠力將粉推得透薄，可以填平毛孔、細紋、同凹凸不平等問題~
唔信可以試試，上呢類粉質用 kabuki brush 效果真係貼面過用粉樸好多~
(圖為配合 "日本 Mizuho 纖維毛濕粉掃" #510 使用)
So far 試咗 3 日，效果係好貼面，好透薄自然 →
一搽上面嗰陣，霜狀的 bb cream 會自動轉化成粉餅，等於唔需要再用碎粉 / 粉餅定妝，好方便!
通常 "由霜狀轉化成粉餅" 的底妝品，都會比粉底液乾，呢隻我上粉時都覺得係有 d 乾，但搽完再用雙手印一印塊臉，同皮膚融合咗之後，佢又真係好貼面，一 d 都唔乾喎!
以我的 dry skin 為例，其實搽上臉所有位置都好貼面，係除咗鼻翼位有少少乾咁樣。
不過由於佢係 "由霜狀轉化為粉狀形式"，搽完好快定妝變乾，on top 就不能加粉底液了，會卡粉，只能加少少遮瑕膏 / 碎粉。
我認為呢盒冇分咩膚質用，只視乎你用後會唔會再加碎粉。偏油肌可以再掃丁點碎粉，會啞緻 d ; 而 dry skin 除了眼周之外，其他位置就冇必要掃碎粉。
(但如果乾到甩皮就唔適合你喇~)
下圖為用佢化完底妝、出家街、6 個鐘頭返到屋企之後 →
(除了護膚品 + 呢盒粉之外，就乜都冇搽過喇)
咁 6 hrs 之後都未至於話好乾 / 好爆紋，算 ok 的~
自覺搽 1-2 層效果係最貼最靚，就算溶妝都唔會浮粉，只係遮瑕度會減淡同出少少油咁。補妝用附送個粉樸印亦可以，同樣貼面，但千萬咪用塗抹方法，要 "印"!
而我就因為鍾意中高遮瑕度，所以手多多勁搽 3-4 層，攪到有 d 乾.....
始終係 BB cream 嘛，遮瑕度唔算好高，但均勻一下色素係 ok 的，而黑眼圈 / 色斑 / 暗瘡印約可遮到 3 成，適合鍾意淡薄自然妝感的人～
我係覺得佢唔錯，只係要識用先會搽得靚，只要記住我上述的用法就 ok~
今次 P.R 姐姐好貼心地送來 2 款膚色俾我揀，我得一塊面當然用唔到 2 盒，就將全新的一盒 #CLAIR 送出俾大家抽抽奬～
#CLAIR 白皙膚色 = 只要膚色比我白就用到
如果你有興趣想參加抽奬，就記得留意我嘅 Facebook 專頁喇~
雖然只得一盒，不過 click 一下 like 應該唔會好阻大家時間同指力 😂
沒有留言:
發佈留言
注意：只有此網誌的成員可以留言。