對皮膚及身體極有效 の FANCL supplement 分享!

早幾日 Facebook Live 內曾經推介過 FANCL「TENSE UP」+ 黑蒜丸 + 護肝丸，之後就有好多人 inbox 問我係咪真係咁 work? 食咗有咩好?

我覺得真係好 work 㗎! 如果試後冇咩效果就唔會推介俾大家啦 ^^

不如等我今日出篇詳細少少的 blog 文，講一下自己食後的改善~

呢一堆我都 keep 住食咗 5 個月㗎喇，當然係自己親身試過先敢分享啦~~

btw 利申一下，雖然全部都係 FANCL，但除了「TENSE UP」係品牌送贈之外，其他 supplement (營養補充品) 都係自購。

5 個月前曾獲邀出席過 FANCL 的推廣會，試飲佢皇牌「TENSE UP」(膠原蛋白美肌飲料) →

仲有帶埋妹妹一齊去~~

(妹妹個表情係 "媽咪你攪乜?" hahaha)

「TENSE UP」我 23 歲時都曾經飲過，只不過當時年紀太輕，皮膚彈性同質素都唔差，但而家去到 30 幾歲就梗係唔同講法啦，皮膚到老咗10幾年啦嘛！俾多次機會佢先~

產品資料 →

成份含專利「三肽膠原蛋白」，分子極細 (2,600mg)，極易被吸收。仲有維他命 C、蘋果多酚、稻米精華 (含細胞間脂質)、維他命E、輔酵素 Q10、透明質酸，有助擴大肌膚儲水空間，補充膠原蛋白，提升肌膚彈性。

有 d 似西柚味，每日 1 支，飯後飲用。

(其實慳少少都可以隔日飲一支的，我有時都係咁)

每盒 10 支 @ http://www.fancl-hk.com/index.asp

約 $300 幾蚊一盒，買 3 盒會有優惠價

至於點先至可以衡量到飲咗佢之後有冇效?

其實用肉眼睇真係好難察覺得到，做做 skin test 就一清二楚喇，皮膚唔識得講大話嘛~

FANCL 店內設有免費皮膚分析服務，仲要好專業個種，有好多款唔同機頭，用來測試不同的部位，非常 pro!

(試問其他品牌專櫃邊有咁多款式機頭? 最多只係分開眼同臉 2 款)

先望望唔同年齡層嘅皮膚狀態 →

有彈性、有光澤嘅年輕肌膚紋理係呈三角形的，三角形愈密皮膚就愈靚。

不過隨住年紀增長，呢 d 三角形就會越變越大，直至消失變晒斜線。

我 5 個月前於 FANCL 推廣會內做的皮膚分析 →

左上角張圖都仲見到有三角形，不過就唔夠密，同埋已開始變形。

中間幅圖 d 毛孔係呈斜線向下垂......

右上角幅圖仲要見唔到三角形，已變晒斜線，全無彈性可言......

對比上星期再去 FANCL 做的皮膚分析 →

請望望左上角張相，d 三角形真係密咗好多、細咗好多!! 實在太明顯喇!

中間張相 d 毛孔亦冇咁下垂，變返做圓形~

而右上角張相，d 紋理由橫線變返晒做三角形!!

YEAH~~~~

你話係咪好開心呢? 所以都咪話佢唔 work 呀~~!!

不過只飲幾支 / 或者幾日先飲一支係唔會有效，必需連續每日飲至少 1-2 個月。

例如我頭 1-2 個月係日日飲，之後就自己改為隔日飲，so far 飲咗 5 個月，約飲到第 2 個月就開始見到效果。

至於咩年紀適合飲呢?

其實咩年紀 / 男女飲都會 work，特別係乾性皮膚，不過 based on 我自己的經驗，認為中女以上飲效果會明顯 d，後生女就因為皮膚未去到衰老狀態，飲完未必望到顯著改善，但不等於佢唔 work，做做 skin test 就會明白了~

輪到 supplement~~

營養補充品我一向冇食開，係直至 5 個月前因為試飲「TENSE UP」 去 FANCL 舖頭嗰陣，見到有好多 supplement 選擇，consultant 姐姐又好 nice 好落力介紹，於是就買咗包「健體除倦黑蒜丸」同「 綜合護肝營養丸」試試。

「健體除倦黑蒜丸」資料 →

嚴選日本青森縣的高品質「福地白皮蒜」，以不添加化學成分的獨特製法讓白蒜自然成熟為更具健體功效的黑蒜，消除身體自由基的功效比一般白蒜強 10 倍，強效抗氧除倦，強健體魄增添活力，及有效改善畏寒體質。

呢包食完效果真係好勁、好快見效!

我同老公 share 一齊食，大家都覺得食咗幾日就已經 feel 到佢威力喇! 

往時我每朝早起身個人都會好攰，冇乜精神，至少要 1 個鐘後個人先會開始醒，但自從食咗佢之後，我而家每朝早起身都係精神奕奕、叉滿電嗰種!

我老公話唔食佢嗰晚，第二朝返工就會好冇精神 / 恰眼訓，而有食嗰晚第二朝返工就好精神! (我絕對有同感!)

所以試完第一包之後，我又返去再買多幾包! (因為買兩三包會有折)

呢包我極力推介~~~

$474 / 2 包 (買 3 包會再平 d) @ http://www.fancl-hk.com/index.asp

雖然每日要食 4 粒好似好多 (飯後服)，不過其實都好細粒，分開早晚各食兩粒都 ok。

每包係一個月份量，因為所有 supplement 我都係同老公 share 食，所以一包我只食到半個月。

呢款「 綜合護肝營養丸」又係好值得試，適合夜訓、捱夜、煙酒過多的人~

產品資料 →

煙酒多、壓力大、睡眠不足都會損害肝臟機能，令毒素積聚。「綜合護肝營養」廣集 6 種營養，其中更包括於西方護肝研究已有 2 千年歷史的水飛薊，全面護肝排毒。

我同老公日日都咁夜訓、唔夠訓，年紀又開始增長，再加埋湊住 2 個小朋友兼返工，點會冇壓力呀，當然要食啦~

雖然呢包食完唔會話覺得有 d 咩唔同咗 (我又冇可能望到自己個肝 haha)，不過我都有 keep 住食，始終年紀大咗係要開始食食營養補充品嘛~

雖然每日要食 5 粒，不過其實都非常細粒，好易吞，亦可以將 5 粒分開早晚食~

每包係一個月份量 (飯後服)

約 $230 包 (唔係好記得)

呢一款「深海鯊魚丸」係 FANCL Trainer 推介俾我的 →

特別適合皮膚勁乾 / 缺水缺油 / 中女肌 / 成熟肌等服用，秋冬食尤其合適，可以補充油份潤澤肌膚~ 

可能 5 個月前做 skin test 時，見我皮膚咁乾所以推介俾我，於是我又走去 FANCL 買包試試~

產品資料 :

含攝取自深海魚類提取的角鯊烯，純度達 99% 以上，與人體皮脂膜成份幾乎相同，極易被吸收，有助肌膚形成天然油脂膜，加強防護，高效滋潤亮澤肌膚。

每日食 5 粒，一包可食到 2 個月，價錢唔係好記得，好似都係 $200 幾咁上下~

不過呢一包我就唔係經常食，係 feel 到皮膚好乾 / 轉季時，先會連續食 1-2 星期咁 (sorry 我太懶)，但其實深海鯊魚丸係要長期食先有效......

適逢轉秋我要俾心機日日食先得~

最後係「自然甜睡營養飲料 (粉末)」→

呢包我仲未開始試，打算今晚寫完呢篇文之後試吓，係可以令人提升睡眠質素，瞓得好 d 的補充品。

我成日都失眠、夜瞓、又瞓得唔好，就等我試試佢有冇效先~

每包裡邊有 10 包粉，即等於 10 日份量，但其實都未必需要晚晚飲，有需要先至飲幾晚都 ok~

產品資料 →

檸檬風味沖劑，含日本專利營養成分，持續飲用有助改善入睡及睡眠質素，特別適合難以入睡、多夢易醒，睡醒後仍覺疲累的人飲用，助你精神飽滿重獲優質睡眠，容光煥發 "叉足電"。