第一次俾媽咪捉去蒸腳!

「漢方蒸腳」聽就聽得多，但親身蒸都真係第一次!

今期媽咪愛上蒸腳，於是捉埋我去陪蒸，蒸完後我覺得......

似乎好過焗桑拿喎! hahaha~

咁到底蒸腳又有 d 咩功效? 點解今期咁流行、咁多人走去蒸?

同類的「漢方蒸腳」店我見自己公司附近都有，但既然媽咪已一早於銅鑼灣某間店買了套票，咁當然係去佢相熟個間啦，反正去邊區蒸我都冇乜所謂，重點都係想陪陪媽咪之嘛~

去蒸腳之前，先響附近嘆個下午茶~

蒸腳店響耀華街，於是同媽咪去食「金記冰室」懷舊一下~

閑逛一陣之後再去「漢蒸館」蒸腳 →

呢張係媽咪早前取得的 coupon，不過我見佢 facebook 而家都有 $68 試做優惠，唔使 coupon 都得。

咁 $68 又的確係抵嘅! (我見尖沙咀公司附近個間試做都要 $100-$120 左右)

Facebook 專頁:

https://www.facebook.com/hansteamm/?fref=ts

地址: 銅鑼灣耀華街華耀商業大廈2107室

電話: 3580 2963 (好似開 12-9pm)

會有 9 款唔同嘅蒸腳配方可以揀 →

如果唔知點揀，會有姐姐幫你揀，因為老板係中醫，我見連睇舖個姐姐都好熟悉功效，應該係 train 過。

我手腳成日冰冰冷冷，最終揀了 5. 薑療。

再睇埋套票價錢 →

同其他蒸腳店應該差唔多，至少平過尖沙咀少少。

裝修格局 →

我諗應該同間間蒸腳店都差唔多。

至於點解要蒸腳?

主要係保健 + 排毒吧~

例如老人家膝頭痛 / 有風濕 / 風寒 / 想行氣活血等等都會去蒸蒸，亦有人係為減肥 / 減水腫 / 瘦腿，視乎你用咩配方蒸。

開始蒸喇~~

呢雙滑嫩美腿係屬於......

我媽咪嘅! hahaha~

呢對先係我嘅~

蓋上毛巾再開機蒸 30 分鐘 →

完全係乾蒸，桶內並冇水。

仲附設熱熱艾草包敷埋膊頭 →

雖則係有 d 熱，但個艾草包敷完真係好舒服，膊頭會放鬆晒，冬天響屋企叮一叮佢自己敷應該勁正! 媽咪仲即場買一個返屋企敷~ 

(不過我覺得呢 d 艾草包淘寶應該有大把)

其實係有提供衫換嘅，不過我冇換到，懶勁咁話自己唔易出汗，唔使換衫咁麻煩啦。 (實情係因為有潔僻，唔係咁鐘意著人地 d 衫)

結果蒸完係全身濕透滴汗，下次都係自備多套衫先好去蒸~

蒸完 30 分鐘之後，熟晒! haha~

我已經係調較至 4 度 (最強係 10 度)，但期間都熱到想發顛! 仲揭起過塊毛巾幾次散一散熱。(咁唔熱又唔 work 嘛) 

雖然只係蒸腳 (蒸到埋大腿的)，不過其實都真係會帶動到全身血氣運行，好似我呢 d 唔識得出汗嘅人都會出到一身大汗，夠晒爽! 排完一身毒返到屋企 ZZZzzz 得特別舒服~ 

呢個泛紅情況約 30 分鐘後就還原，不過個姐姐話都有 d 人係會紅足 1 日。

蒸完後姐姐仲會解釋返你知個桶 d 水係咩情況 →

個桶本身並冇放水，而蒸完 30 mins 後呢 d 水就係汗水 + 蒸氣水。

有 d 人蒸完會見到水面有油脂浮起，其實係淋巴油 (身體毒素濃)，平常好難排得出，我又唔做運動唔識出汗，似乎間中去蒸蒸 d 毒素都幾好喎~

不過都係秋冬蒸好 d，夏天蒸真係熱得太難受，開住冷氣蒸都係咁話....