呢盒 Body Shop「輕透水潤氣墊粉底」(Fresh Nude Cushion Foundation) 我都試用咗好耐喇，一直掛住自用，都唔記得寫 review 添~
近 3 星期幾乎每日都用佢，秋涼天氣下用仍然覺得好水嫩貼面，售價又唔貴，唔錯唔錯~
先附上產品資料 →
蘊含英國玫瑰花水及社群貿易 100% 有機蘆薈，SPF 25 PA++ 防曬度，24 小時補濕，帶來清涼舒爽感覺，順滑遮暇礦物粒子，色調持久，締造半啞緻妝感，100% 素食主義者適用 。
貴就唔貴，其實算平添! 而且我用過都認為效果非常唔錯，值得購買~
老實講佢補濕度的確係唔錯，不過 "24 小時補濕" 個句就唔好當真，一來出到街有風吹，二來返到 office 又有冷氣，皮膚水份只會不停流失，冇補濕度係可以 last 到 24 小時，都係自己搽定補濕精華 / base / 日霜打底啦~
$239 (不設 refill) @ http://www.thebodyshop.com.hk/
(trial product given by The Body Shop)
Compact 外型 →
黑白 two tone 設計我鐘意!
粉樸亦採用黑色 →
型係型、用耐咗望落去亦唔會污污漕漕、而且質地堅韌唔會洗兩洗就爛，不過就冇傳統藍色個類氣墊粉樸咁軟身、咁貼粉貼面。
望到呢個雙層白色氣墊網層...... 有冇一種似曾相識嘅感覺?
冇錯~ 同 Shu Uemura 幾個月前推出個盒氣墊粉底設計係一模一樣 haha~
不過 "內容" 當然有分別，Body Shop 呢盒始終係秋季推出，質地會比較水嫩補濕，更適合秋冬或偏乾皮膚使用~
顏色方面有 4 款，我的膚色係用 #02 VANILLA →
4 隻色號顏色相差都幾大，01 色較白、02 色算自然、03 色會適合膚色偏黃及暗的人、而 04 色係深到連賓賓都用到。
用後感 →
補濕度係好好，夠貼面又夠 natural 唔厚妝，唔會卡粉，就連鼻翼位呢 d 咁乾嘅位置都極貼粉、全日冇浮粉，好適合混合至偏乾皮膚秋冬用~
另一個優點係佢以補水為主、而唔係好似雪花秀之類咁潤、潤到有 d 黏笠笠、潤到爆光個種，Body Shop 呢款係補濕得來唔太厚杰黏稠，算清爽輕盈~
遮瑕度如圖所見，薄印一層的話屬淡薄自然妝感，不過如果局部多印 1-2 層亦能增強遮瑕度，雀班 / 黑眼圈都能 cover 到一半，薄得來都有 coverage，算唔錯~
至於持久度方面就同一般 cushion 粉底差不多，唔算特別 long keep，但亦唔係特別易溶妝，約可 last 半日。
遲 2 天拍粉底 review video 時再試俾大家睇~
有個問題一直想問但又經常唔記得。系出面補妝時要點樣補防曬啊？唔該曬
回覆刪除可以用有 SPF 的碎粉 (如 FANCL 的就係 SPF50 PA++++) / 粉餅 (好多牌子粉餅都有 SPF)，又或者係用防曬噴霧~
刪除Hi Isa, 請問中女混合偏乾及偏白肌膚適合哪個品牌的bb cushion?試過april skin及雪花秀，顏色ok但有小許浮粉及鼻位容易出油。另外較便宜的碎粉掃你有甚麼推介呢？沒有budget限制，用過armani及bobbi brown碎粉掃，但清潔後勁甩毛，謝謝！
回覆刪除bb cushion 的話 Body Shop / LANEIGE / IOPE 我都認為不錯的, 全部都有顏色揀, 特別是 IOPE 會有不同類型及厚薄程度選擇會更 flexible (希慎有 counter)~ 另外化妝掃我近 6 年都只用日本 Mizuho 的, 加上因工作需求會較少選擇較便宜的化妝掃, 不過你也可看看 sasa 有售的 Cyber Colors (至少 made in Japan), 又或者等至 X'mas 時, 植村秀不時都會推出幾百元 4 支的迷你化妝掃 set 裝, 裡邊也會有碎粉掃的~
刪除Hi Isa, 秋冬有什麼優質品牌保濕滋潤cream mask適合中女混合乾性肌，價格$400以下，thanks!
回覆刪除Origins 的 Drink Up 面膜吧~ 或是它的舒壓面膜都不錯的: http://www.origins.hk/products/15346/skincare/treat/face-masks
刪除