Phyto-Lab「維他命 B3 分子酊亮膚補濕精華噴霧」+「極高濃度眼部精華霜」review

Phyto-Lab 的高濃度護膚品一向都係高效之作，但因為貴精不貴多，產品種類少，每次都要等好耐先有新產品推出，真係等到頸都長呀......

特別係眼霜同精華水，一個品牌冇呢 2 樣產品真係唔成事嘛，加上 Phyto-Lab 的精華素又一向咁有口碑，好自然令人期望佢會推出眼霜同精華水，因為深知佢出得嘅就一定係高濃度、高效配方~

望穿秋水，去到今個秋季終於有呢支「維他命 B3 分子酊亮膚補濕精華噴霧」+「極高濃度 NP 眼部精華霜」面世喇~

其實呢 2 件新產品都推出咗一段日子，期間亦有好多人 inbox 問過我好唔好用 / 有咩效果等等，不過由於護膚品始終要時間試清楚，所以篇 review 文就一直等到而家先寫~

先介紹「維他命 B3 分子酊亮膚補濕精華噴霧」

Vitamin B3 + Ceramides Brightening Mist

當然都係主 sell 高濃度有效配方啦~ 

產品資料 →

使用高濃度維他命 B3 及分子酊配方，全方位改善缺水、敏感、發炎、泛紅、暗沉、乾燥等肌膚問題。新加設螺旋藻 (Spirulina Extract) 及墨角藻精華 (Bladderwrack Dry Extract) 成份，大大提高補濕度及抗氧化功能。  

- 可作為精華水早 / 晚用、或作妝前 / 妝後補濕噴霧使用 

- 成份滋潤，質地清爽，高效滲透至肌底，極易被皮膚吸收，從肌底改善皮膚質素

- 超強鎖水效能，其分子酊成份補濕功效為透明質酸的 16 倍 

- 不含酒精或香料、不採用阻塞毛孔或致暗瘡粉刺成份，適合所有肌膚 

採用 "霧化噴嘴" 設計，精華噴霧能均勻分佈於皮膚上 →

如於補妝前噴上，可即時改善秋冬上妝後的乾燥感，噴完仲會 feel 到有層補濕膜包住，唔會好似一般礦泉水噴霧 / 花水噴霧咁，只能停留於皮膚表面、瞬間蒸發流水水份、愈噴愈乾等。

另外亦有試過用佢做定妝 spray， 於妝後噴上。對我呢 d 咁乾嘅皮膚來講，就可以將掃完碎粉後個種乾燥感覺改善，令皮膚同個妝變返水嫩 d、貼粉 d~

而早 / 晚當佢係精華水使用時，我係習慣將佢先噴落掌心、再拍上臉 →

其實直接噴上臉用都 ok，不過我認為用手拍上始終會更集中滲到入皮膚。

用後感 (so far 用咗 2/3 支) →

除咗補妝前噴 / 妝後噴，會 feel 到會有層補濕膜包住，唔會話一吸收完就冇咗補濕感，同普通補濕噴霧有分別之外，將佢作為精華水早晚用，感覺上又的確補濕過一般精華水好多~ 

雖則都有用過好多滋潤型精華水，都同樣會 feel 到補濕，但個類精華水質地都係比杰身、有 d 似 gel 的，而理論上質地杰稠 d 就一定會潤 d，不過份子相對亦會更大，未必可吸收入肌底深層改善膚質，只能滋潤表層。

而 Phyto-Lab 呢支則屬同水一樣咁稀身的質地，份子夠細，能真正吸收入肌底，個感覺係用後會秒速滲透，會即時 feel 到滑、爽、潤、有底層補濕度、又有撫平乾紋效果~

起初我睇到官方介紹話 "成份滋潤，質地清爽" 都唔係好明，咁即係 "潤" 定係 "爽" 呢? 但用過之後就明白晒喇! 屬於肌底係潤、面層係爽滑的感覺~

$420 / 100ml @ https://www.facebook.com/makeupsecret.hk/shop

購買即送台灣寶藝紫水晶面膜、黑凍膜、補濕凍膜 50-70g (自選一款，送完即止)

至於 Phyto-Lab 呢支新出的「極高濃度 NP 眼部精華霜」→

又係好多美容達人望穿秋水之作~ 

咁佢支藍銅精華、B3 份子酊精華、面膜等等效果咁好，唔推出眼霜又點得呢? 眼周皮膚都好緊要嘛! 於是就有好多人催問過 Phyto-Lab 幾時出眼霜?

就連我亦都好期待呢支眼霜出現，心諗如果同佢 d 精華素一樣咁 work 就正喇~

先提供產品資料 →

嚴選瑞士名廠素材、極細份子、真材實料珍貴有效成份，配方中的高濃度神經胜肽 (Neuropeptides)，更含純濃度高達 70.5%。 

具高效皮膚修復成份腺苷 (Adenosine)，三胜肽、四胜肽、五胜肽、六胜肽及八胜肽成份，獲科研證明能減淡表情紋，有效緊緻眼部肌膚，減少水腫、浮腫問題，增強肌膚彈性、抵抗衰老，並對魚尾紋、眉心紋特別有效，有如 botox 效果。

功效:

- 適用於眼周、眉心、虎紋等靜態及動態紋位置 

- 可減少肌肉收縮產生紋理，抑制動態表情紋

- 有效激活皮膚細胞活動，淡化細紋、皺紋、減少浮腫問題，增強眼部肌膚緊緻度 

- 能刺激膠原蛋白合成，使肌膚更具厚度，高效修復皮膚 

- 水感滋潤配方，不油不膩，深層滲透肌底 

- 含可可巴油、角鯊烷、分子酊等高度補濕成份，親膚性極高，滋潤效果持久  

不採用致害成份 :   

- 不含水玻璃 (Sodium Silicate)，杜絕短暫收緊幻覺為肌膚帶來的損害 

- 不採用黏稠劑及矽靈，杜絕阻塞毛孔的柔滑假像，更不會產生碎屑 

- 不含酒精及香料，不採用阻塞毛孔及致暗瘡粉刺成份

So far 用了半支 →

泵裝設計比開口瓶式的眼霜更方便、衛生、更少接觸到空氣同細菌。

每次只需一滴仔份量，已足夠雙眼使用 →

記住唔好一按就按一泵，一泵份量係多到可以搽到 10 對眼呀! 

用一滴仔已夠~

搽個陣會 feel 到好水嫩補濕，屬水感滋潤效果，冇油膩感，吸收速度亦快 →

用後感 →

Eye cream 我曾經都用過好多款，比呢支 Phyto-Lab 更滋潤的亦試過唔少，而我覺得佢同其他 eye cream 嘅分別係......

呢支係 "眼部精華霜" = 眼部精華 + 眼霜 2 合 1 = 無需分開搽 2 支產品，慳錢慳時間。

因採用真材實料成份，並不含黏稠劑及矽靈去增強柔潤厚杰假像，於是質地就不會杰稠，係冇我用開的 eye cream 咁潤 (我用開的都比較厚杰)，但亦不失滋潤度。

起初都會覺得佢質地唔夠厚，但用多 2 次後其實又 ok 喎，唔會話因為薄、快滲透就冇滋潤感，會 feel 到薄得來個補濕效果仲 keep 到，唔會搽完好似冇搽過咁，亦唔會反光油淋淋。

另外有一樣野我認為 Phyto-Lab 係好誠實，除咗所有功效佢真係做到先敢寫之外，佢並冇話過自己可以改善黑眼圈。因為事實上並冇一款 eye cream 可以真正做到呢點，只不過好多牌子都會照寫，送個幻想俾你。

至於改善紋理效果方面，before & after 對比 →

會見到紋理有減退。

以厚杰形式的 eye cream 來計，要做到呢點並不難，因為有黏稠劑 / 矽靈 / 大量油份等等嘛，搽上去你一定會見到能即時撫平乾紋。

但係一洗完臉又點呢? 

咪還原囉..... 因為個 d 黏稠劑 / 矽靈 / 油份都洗走晒啦嘛，根本由始至終都未入過肌底，洗完臉就乜都冇晒，假像 bye bye。

所以點解我成日都話揀 skincare 要揀細份子、快滲透的，先真正有效改善膚質。雖然係冇大份子、厚杰質地的 skincare 咁潤，不過咁先係可以從肌底改善皮膚，效果比較持久，唔會洗完臉就還原。

我都有同 Phyto-Lab 反映過，其實可唔可以出 d 更滋潤的 skincare 呢?

英老師話絕對唔會。

要潤，份子就要大，亦要加入黏稠劑 = 未能滲透至肌底，護膚效果不大。

而呢類假像 / 幻覺野，英老師話唔會做，Phyto-Lab 只會研製對皮膚真正有效的產品。

堅型呀!

另外我亦有試過用呢支 Phyto-Lab 配合黃金棒按摩用 →

黃金棒我一向都用開，平時主要配合 SK-II / Glycel 眼霜用，一直都覺得 ok，搽完 eye cream 再用黃金棒碌 30 秒眼底，眼袋水腫情況約 15 mins 後會自動消減，大概化完個妝後就平復晒。

點知一轉用咗呢支 Phyto-Lab 眼霜試，就明顯發覺眼袋水腫問題消退得勁快! 

係快到我用黃金棒碌佢 10 下就扁平晒! 

一邊碌一邊睇住佢變扁平! 個 lifting 效果好勁! 

(梗係啦，有三胜肽、五胜肽、六胜肽及八胜肽，全部做 uplift + 收緊 + 淡紋，有 botox feel)

極高濃度眼部精華霜 $420 / 10ml @ https://www.facebook.com/makeupsecret.hk/shop

銷售點 :

Makeup Secret

專業化妝課程 ● 化妝服務 ● 化妝品零售          

香港九龍尖沙咀廣東道 116-120 號海威商業中心 12 樓 B 室 (位於 Apple Store 旁邊) 

星期一至五 1:00pm - 9:00pm / 星期六 12:00noon - 8:00pm (逢星期日休息)

查詢電話: 2311 9682 

所有貨品項目及優惠: http://makeupsecret.com.hk/products

歡迎親臨店舖購買、或 click 入 Facebook 專頁 透過 Inbox 訂購 (順豐速遞, 運費自付): https://www.facebook.com/makeupsecret.hk/