YSL 新出 VERNIS À LÈVRES VINYL CREAM 漆亮唇膏液 + 唇部精華 + 眼影霜 review

YSL 的唇部妝品一向出名，但佢支 "護唇精華 primer" 唔知大家又有冇用過呢?~

工作上我一直有用開呢支 "護唇精華"，知佢今年推出咗新版，但見自己個支仲未用完，所以一路忍住唔買，結果上個月經過 counter 終於忍唔住手......

然後見到佢剛剛新出咗支 "漆亮彩蜜唇膏液"，試完又忍唔住買埋..... 仲有支眼影打底霜.....

一見到 YSL 化妝品..... 自制能力即刻下降到 0%! haha~

寫個用後報告先~

今季 YSL 秋妝焦點，全都於呢支「VERNIS À LÈVRES VINYL CREAM 彩蜜唇色漆亮系列」上 →

上星期 YSL 為咗呢支唇膏液，仲特登於 Sky 100 攪咗個千人派對! →

當晚多人到呢! 就算係化妝師 / 傳媒 / KOL 都要一早登記先有得入場。

我當然有去捧場 →

當晚 dress code 係黑色 + 紅色，成晚都可以見到 "黑紅人"，個個都 dress up 得好靚~

我就搵勻成個衣櫃都冇見得人的紅色衫，好彩有個紅色手袋! haha~

仲有幸見到 Sammi ! →

Sammi 一到場就俾幾十人圍住，群情洶湧!

嚇到我即刻閃開，企埋一邊免得阻住人影相。

點知......

Sammi 竟然走埋我身邊個佈景，企定定俾記者影相喎!

相隔 3 個身位冇遮冇擋，仲近過演唱會第一行喎! 

咁好機會我冇理由唔舉機影返兩張啦~ hehe~

講返今次 YSL 妝品個用後感~

雖然有出席 YSL party，不過今次介紹的 product 都係自購的 →

至於 party 內所送的試用品，係香水 sample + 都有呢支唇膏液，但顏色比較 sharp (鮮橙色)，所以我都係介紹返自己買個支更好~

介紹主角之前，我想先推介呢支用開的 "護唇精華" →

係一支唇妝打底精華 primer，亦可當潤唇膏用。

有軟化唇部死皮 + 滋潤 + 淡化唇紋 + 令唇妝更持久等效果~

類似的產品之前拍秋妝 video 也有推介過 Urban Decay 的。分別係 Urban Decay 屬零補濕度，不可當潤唇膏用，用途係淡化唇紋 + 令唇妝更持久 + 鎖色防跣色，主要為 matte tone 唇膏 / 深色唇妝打底而設。

而呢支 YSL 就滋潤好多，更適合唇部乾燥 + 唇紋多的人使用~

產品資料 →

「TOP SECRETS LIP PERFECTOR 美顏絕密完美護唇精華」

嶄新 3合1 護唇意念，成份中的乳木果油成份能即時滋養、紓緩及優化唇部膚質；胭脂果精華有助強化唇色；水楊酸萃取物能溫和地去除唇部角質，提升唇妝效果。

$295 @ https://www.yslbeauty.com.hk/tc/

$295 貴唔貴? 見人見智。如我工作上有需要用、佢又有效果，幾貴都要買啦~ 咁講真，都唔係真係算好貴，而且一支用到勁耐~

So far 用過咁多咁多牌子唇妝 primer，又真係只有 YSL 呢支最合心意，綜合效果最好!

潤唇膏 vs. 唇妝 primer 分別 :

雖然質地望上去同普通潤唇膏差唔多，不過潤唇膏就只有滋潤用途，而且其實仲會令之後搽的唇膏跣色 + 出唔到原色 + 降低唇色持久度添! 

所以化妝師都習慣幫客人搽唇膏前、先將唇上個層潤唇膏用紙巾印走，就係呢個原因。而改用唇妝 primer 打底、取代潤唇膏就冇呢 d 缺點~

至於新版同舊版的分別......

(舊版係白色 packing，新版係黑色)

我覺得新版係好過舊版好多!

舊版雖然已經唔錯，但略嫌質地太厚，吸收得慢 ; 新版就柔滑好多，吸收得更快，而且嫩唇效果及撫平唇紋效果亦比舊版更好~

Before →

我個搽少一陣潤唇膏都想死的 "爆裂嘴"

After →

應該唔需要用文字解釋了吧? haha~

輪到主角「全新 VERNIS À LÈVRES VINYL CREAM 彩蜜唇色漆亮系列」→

集唇蜜、唇膏及唇彩於一身，能提升三倍的色彩和光澤度，猶如黑膠唱片般的漆亮光澤，宛若乳霜般的舒適質感，覆蓋無瑕櫻唇。

$295 @ https://www.yslbeauty.com.hk/tc/

共 12 色選擇 →

見到 model 個嘴令到咁好驚?

放心~

實物搽出來並冇官方圖咁膠 haha~

呢個新漆亮系列 vs. 舊有的唇膏液系列分別係.....

首先新漆亮系列係全黑 packing，而舊有系列係金色蓋 packing，好易認到~

顏色方面，新漆亮系列色彩會更飽和、更上色、更實色，質地亦更 creamy →

舊有金色蓋系列就比較水盈稀身，色彩更透薄，搽上嘴冇咁顯色。

冇話邊種好 d，視乎自己喜好~

搽一下已經好出色，出到原色之餘，亦比舊有系列更滋潤 → 

我買的 color: #403 Rose Happening

實物係橙粉色

今季興橙妝橙唇，不過橙色對我呢 d 偏黃膚色係大忌，想跟跟潮流、又唔想嚇親人，就可 try try 呢類橙粉色喇~

總好過勉強去跟 trend 迫自己用唔合適的 color 嘛~

另外新系列的持久度亦比較高，屬不脫色 formula →

用紙巾抹完都仲有色，一定要用眼唇卸妝液 / cleansing oil 先卸到。

食完飯、用紙巾抹過嘴，都仲有顏色鎖住 → 

優點: 當然係唔使經常補妝啦

缺點: 不脫色 formula 有 chemical 就必然了

又咁講.... 你以為唔係不脫色配方就冇 chemical? 支支都總有吧? (除非用有機唇膏)

最後的「FULL METAL SHADOW 高亮度金屬眼影液」→

液體配方搽上後能即時轉化成粉末，以密集的金屬複合物覆蓋眼皮，妝效可持續至16小時，不會浮起。

$265 @ https://www.yslbeauty.com.hk/tc/

= 眼影打底霜，搽完之後再用相同 color 眼影蓋住，能提高眼妝持久度，眼影更出色，亦冇咁易溶化。

顏色的確係好靚! →

本來一心想買新出個支墨綠色，諗諗下自己經已有 2 支墨綠色眼影棒，冇理由又再買墨綠 (太鐘意墨綠)，結果改為買舊有的藍色~

顏色靚就靚，不過防溶程度認真麻麻，搽上後待乾、用手指捽兩捽就甩，用水捽更加捽得快，油就更加唔使講......

搽完佢之後再用 eyeshadow 蓋住係會好 d，不過佢本身就唔太防溶，有少少後悔.....