2 款開架眼影組合推介 ❤️ Sixteen Brand + Max Factor

粉底 / 遮瑕 / 碎粉一定要買靚嘢，反而眼影粉 / 眼線 / 唇膏嗰啲用開架 brand 都冇所謂?

呢點我絕對認同! 🙌🏻

臉部毛孔較多又較大嘛，底妝品揀返啲靚少少、貴少少嘅牌子，效果真係會好好多。至於眼蓋毛孔由於冇咁大，皮膚亦較平滑，就唔一定要用貴 brand 先化得出靚眼妝，基本上用平嘢 / 貴嘢係冇分別的，揀平定貴純粹係個人喜好~

雖然係咁，開架品牌 eyeshadow 都有分好用唔好用 / 貼粉唔貼粉，就好似我上次買嗰盒「Visée 四色眼影粉」就真係差到爆，又跌粉又易碎! 

今次推介 2 盒我用咗好耐嘅開架 brand 眼影組合俾大家，需要買眼影粉時可做個參考~

韓國 Sixteen Brand「Brickit Shadow Kit」 →

Sixteen Brand 响韓國係好受年輕 OL / 大學生歡迎嘅化妝品牌，不過眼妝品呢啲唔使分 age group 啦，啱用就 ok ☺️

相片係新開封時影的，到而家已經用咗 1 年有多，係我日常用嘅眼影盤之一 😍

顏色由淺至深色都有，仲有今期大熱嘅啡橙色 + 粉橙色 + 古銅啡，一盒打開有齊咁多色好方便! 而且粉質仲好貼皮膚、夠顯色、好持久~

支附設嘅海綿眼影掃先係重點，係好用到暈低呀!~~

比起平時嗰啲短款綿棒掃仔，呢支柄身係勁長，易握實之餘，上粉時唔會因為柄身過短而導致唔可以瞓平支掃，掃到個眼影一達達。加上個 "獨特超闊身海綿棒頭"，size 係普通綿棒掃仔 2-3 倍，掃眼影效果係均勻好多 + 冇咁易跌粉! 👏🏻👏🏻

至於細 size 海綿棒頭個邊就可以用嚟掃眼褶位~ 

用法 : 先用 "細 size 海綿棒頭" 於眼褶位內掃深色 eyeshadow，再用 "超闊身海綿棒頭" 掃淺色 eyeshadow 於眼蓋

售價約 $248 @ sasa

以佢有咁多隻色 x 質量嚟計係抵用嘅，除開每色只係約 $24.8!

唔鐘意韓系眼影 color?

唔緊要~~ 我仲有 2 盒歐美大地色系 color 眼影推介 🤗

Max Factor「Masterpiece Nude Palette」裸色眼影盤 → 

相又係一早影落，so far 用咗幾個月，而家已經俾我用到好殘舊了..... 😆

除咗同 Sixteen Brand 一樣夠顯色、夠貼皮膚、唔跌粉、綿棒掃仔柄身亦唔算短之外，粉質仲要更加幼滑! 

勝在有 3 款顏色組合揀，而且全部都係好易 carry、好大路、夠百搭、好適合東方人用嘅大地色糸，好易就揀到心水 💗

我自己就偏好用下面嗰盒 #01 Cappuccino Nudes 居多，日常返工色~

$168 (共 3 色選擇) @ sasa / Watson's / 萬寧

雖然單睇 $168 唔算超平，但以佢顏色夠大路易襯 x 質量計都係抵嘅，除開每色約 $21~