一向特別鐘意買可以自組顏色嘅胭脂修容盤，一打開胭脂 / 陰影 / 光影乜都有，唔使分別打開幾盒粉咁麻煩，慳返好多時間呀~
類似嘅組合上年有介紹過日本「Addiction」，今年我又有新歡喇! 😍
就係呢盒「Makeup Forever」→
共 34 款胭脂 / 光影 / 陰影粉顏色可自選，鐘意全部揀晒胭脂色又得，或者好似我咁每款揀一隻色都得，夠晒 flexible! 除咗呢款 3 色盤之外，亦有 2 色盤選擇~
Addiction vs. Makeup Forever →
2 款 size 同價格都相近，外表亦同樣靚仔
Addiction $585
Addiction 胭脂塑顏組合 review 重溫 :
Addiction HK 官網 :
Makeup Forever $550
Makeup Forever HK 官網 :
至於顏色由於係自選的，冇乜好比較，但以粉質計就覺得 Makeup Forever 會更幼滑，更易上色，顏色選擇亦更多。
其實就係因為用咗盒 Addiction 半年，覺得佢始終都係唔夠顯色，所以先要再買過盒 Makeup Forever 😬
貼心在 Makeup Forever 官網內所有胭脂 / 陰影 / 光影都有真人試色圖 →
可以先於網上 shortlist 揀定心水色號， 再去專櫃試色，就唔使怕到時去到花多眼亂有排揀 👍🏻
用後感 →
其實以胭脂 / 光影 / 陰影計，粉質愈粗先會愈顯色，但缺點當然係唔夠幼滑細緻，仲有機會撐大毛孔令毛孔更顯眼，所以識揀一定係揀專櫃貨 or 粉質較好嘅開架品牌，唔好用粗糙粉質的。
不過粉質幼滑嘅代價就係要掃多幾吓先上到色，而呢盒 Makeup Forever 亦一樣，但至少易上色過 Addiction，整體都覺得幾 ok，所以打算一直用佢直至再搵到更好的 😊
至於 Bobbi Brown / Shu Uemura / M.A.C 等等雖然都有自選組合，不過就冇我想要嘅陰影色，所以暫時唔使考慮了....
另一款平價開架品牌 英國「RIMMEL」塑顏組合 →
RIMMEL 係全球歷史最悠久嘅化妝品牌之一，外型 / 價格都同 Maybelline 有啲相似，如下圖中間個盒 3 色胭脂 / 光影 / 陰影粉，售價都只係 $79!!
$79 蚊仲要有 3 隻色揀，確係好抵玩! →
光陰影胭脂呢樣嘢，對化妝好有要求 / 化開妝嘅美女們通常都會揀專櫃牌子 (包括我)，但如果你唔係日日化妝 / 唔係咁高要求的話，咁揀開架牌子都 ok 了~
於部份 Watson's 獨家發售，全線產品 list :
我上個月去日本旅行都係帶呢盒 RIMMEL #002 去 →
帶平嘢去萬一撞碎咗都唔心痛嘛! 😂
確實影完張相唔夠 2 日，就真係俾我响酒店廁所撞碎咗個光影粉...... 始終平價少少嘅粉粉質係冇壓得咁實，比較易碎係定律，一分錢一分貨，要小心保存...... 😅
不過以妝效而言係好靚!
隻珊瑚色胭脂好自然，光影效果又唔會太閃太爆光，同時亦有令五官更突出，而陰影粉又夠上色，掃幾掃鼻又高、面又瘦，即刻由師奶變女神，輪廓激現! 抵玩抵玩! 🤣
make up for ever 果盒你買左咩顏色?想做參考.thanks
回覆刪除