成份安全、不起膠、不油膩「Jan Marini 全物理性防曬調色霜 SPF45」

真係唔講唔知，有時同朋友 / 客人傾開計，先發現原來仲係有好多人冇每日搽防曬! 😵

其實以今時今日咁多人咁貪靚嚟講，大家應該知道唔日日搽防曬對皮膚影響可以好深遠! 曬黑已經唔係最大 concern，出色斑皺紋 + 肌膚加速老化 + 膚質變粗糙呢啲先係最大問題，日後等啲問題現晒形先去救已經好遲了。

我明白唔鐘意搽防曬嘅人，一般係因為怕油膩 / 怕厚 / 怕顯白 / 怕敏感 / 怕起擦膠碎，我自己亦都用過 N 款防曬霜有呢類通病。

雖然心知「物理性防曬」唔易敏感唔傷皮膚，但就好油膩好厚好白，所以後來就揀更清爽唔顯白嘅「化學性防曬」，不過缺點就係有致害物兼易起敏感，總之就唯有一直 loop 去試 ......

直至上年遇上 Jan Marini「Physical Protectant 全物理性防曬霜 SPF45」→

Jan Marini 嘅 skincare 有幾好、幾快見效我經已成日提。以佢價位計，我覺得如果件護膚品搽上面有顯著功效、令我見到膚質有靚咗的話，貴啲啲我都會願意俾。

但上年佢叫我入呢支防曬時，我都真係有少少卻步! 始終售價唔算平嘛，而且防曬我試過太多了，唔會話有咩驚喜。但本著白老鼠心態，佢話 send 支俾我試咗先考慮，我就試了，反正防曬日日都要用。

衰啲講句，我當時真係諗住試完就算，冇諗過入貨。結果大家知，上年佢已經响公司上咗架， 而且仲成為咗熱銷品! 

大家知我係 "效果派" 的，當然係要有驚喜先會揀啦! 由舊 packing 用到新 packing，呢支已經係我嘅第 2 支 😊

防曬霜大家試過咁多，大概已知「物理性防曬 vs 化學性防曬」分別 😊

物理性防曬 Physical sunscreen (更安全)

原理 : 透過天然礦物光粒子於皮膚表面形成薄膜，折射兼阻隔 UVA 及 UVB 紫外線

✔︎ 成份温和不刺激，穩定性高，敏感 / 幼嫩肌 / 小童亦可用

✔︎ 不易滲入皮膚被吸收，不傷皮膚

✘ 份子較大，質感油膩會滿面油光，感覺侷身厚杰

✘ 搽後會顯白，同條頸形成兩截色

✘ 用後化妝易溶妝，易起擦膠碎

化學性防曬 Chemical sunscreen (冇咁安全)

原理 : 透過化學防曬成份吸收紫外線，經皮膚吸收後再產生交互作用轉化為熱量釋放，從而達到防曬效果。

✔︎ 份子較細，質感清爽唔油膩，唔阻礙化妝，唔會成面油

✔︎ 搽後唔會變白

✔︎ 感覺輕盈零負擔

✘ 成份容易令皮膚過敏，穩定性弱，部份更含致皮膚癌成份及刺鼻氣味

✘ 會滲入皮膚被吸收

✘ 易敏感皮膚 / 幼嫩肌 / 小童唔用得

✘ 於塗抹 30 分鐘後才起作用

由於質感上「化學性防曬」更清爽，唔顯白，所以市面上大部份防曬都係採用呢種配方，會較有利於推銷。不過比較過後，大家就明白點解識揀一定係揀「物理性防曬更安全!」

雖然「物理性防曬」安全係安全，但嗰種油淋淋 / 厚杰 / 顯白 / 起擦膠碎通病，其實我咁多年來都冇試到一款係零缺點的，無論幾好嘅極其量都只係冇咁油 / 冇咁厚 / 冇咁白。

亦因為呢個原因我由上年開始用「Jan Marini 全物理性防曬調色霜 SPF45」後，就一直冇轉用過其他了，因為佢真係 "零缺點 + 安全"，係 combine 咗「物理性防曬 + 化學性防曬」優點、而 bye bye 晒兩者嘅缺點! 

Jan Marini 全物理性防曬調色霜 SPF45 →

Made in USA 的科研防曬霜，主要成份為 Titanium Dioxide 6%、Zinc Oxide 8%、Q10、吸油微粒子、紅沒藥醇、植物精華、透明質酸 

♥️ 全物理性防曬配方，成份安全不刺激，適合所有皮膚，包括敏感肌

♥️ 份子細少，質感清爽不油膩，不黏稠厚重，不影響化妝，不起擦膠碎

♥️ 具 SPF45 高防曬度，全效阻隔 UVA 及 UVB (可抵抗 UVA 400 波長)

♥️ 80分鐘抗水配方，夏天流汗都唔使擔心

♥️ 加入補濕及抗氧化成份，防曬兼抗老護膚

♥️ 有效抑制黑色素形成、對抗自由基，預防皮膚老化

♥️ 可作為 makeup base 妝前使用，唔化妝亦可淡淡均勻膚色而不顯白

$449 / 57g @ https://www.facebook.com/makeupsecret.hk/

售賣點: Makeup Secret

專業化妝課程 ● 化妝服務 ● 化妝品零售

香港九龍尖沙咀廣東道 116-120 號海威商業中心 12 樓 B 室

(位於 Apple Store 旁邊)

星期一至五 1:00pm - 9:00pm / 星期六 12:00noon - 8:00pm (逢星期日休息)  

查詢電話: 2311 9682 

http://makeupsecret.com.hk/products

歡迎親臨店舖購買、或 click 入 Facebook inbox 訂購 (順豐速遞, 運費自付): https://www.facebook.com/makeupsecret.hk/

Titanium Dioxide、Zinc Oxide "%" 愈高愈好? 🤔

Titanium Dioxide、Zinc Oxide 其實係一層難溶於水嘅粉體，搽後會停留喺皮膚上形成薄膜，用作折射及阻隔紫外線嚟保護皮膚。而 "%" 越高就會愈厚杰、愈易起擦膠碎，亦係仿間全物理性防曬霜嘅通病。假若比例太多 / 粉體太粗，就會同你之前搽過嘅護膚品撈唔埋、炒埋一堆起擦膠碎了。

所以 Jan Marini 係唯一一支我認為係零通病嘅「全物理性防曬」 →

佢係有顏色的，但色效屬非常薄透嘅膚色，可作為 makeup base 使用，唔化妝亦可淡淡均勻膚色，唔會好似其他防曬 BB cream / CC cream / 防曬調色霜咁用後會變白面人 😉

質地幼滑、水凝、無重 →

感覺似搽緊精華多過防曬日霜，完全唔會 feel 到有 Titanium Dioxide、Zinc Oxide 粉體，無論試上面 or  試上手都唔會覺得有厚重、油膩、俾一層膠漿住嘅感覺 👍🏻

呢種無重、零負擔嘅清爽感覺，過往只有「化學性防曬」俾到你，估唔到呢支「全物理性防曬」都做到~

搽勻後感覺輕盈 →

點解「物理性防曬」可以造到咁水凝唔黏身?

係因為配方中加入咗 "吸油粒子"，但佢絕非控油成份，唔會扯乾皮膚或覺得乾，只係會幫你吸取多餘油份咁樣。 

我無論响夏天 or 冬天用佢，都唔會覺得油或乾，反而用後化妝仲覺得水油平衡咗，好似識得幫你自動調節咁，之後化妝亦 last 得持久啲 💕

所以係一年四季都用得，唔使分開夏天 / 冬天要換過支~ 

搽上面效果 (只搽了護膚品 + 防曬) →

具微微調色效用，唔會太白或同條頸形成兩截色

感覺輕盈自在唔侷身，具保濕度但唔會有油膩感 →

高防曬度會更穩陣

我一向建議外出使用高 SPF 防曬日霜，因為 daily 防曬一般唔會搽到好厚，而搽得唔夠厚防曬度相對亦會降低，所以揀 SPF 高的會更穩陣~

而就算放假唔出街我都會搽低 SPF 防曬日霜的，有窗就有紫外線嘛 😊

除咗呢支防曬之外，Jan Marini 早前亦有新保濕精華素上咗架 →

我既然係效果派，推介得就當然唔會純粹係一支普通保濕精華咁簡單啦 😌

其實仲有一款新出嘅強效去眼紋滋潤 eye cream，強到好多熟客買完一樽唔夠 2 星期，已經話唔見咗 2 條眼紋，急急返轉頭再買嚟備用，所以嗰樽返貨唔夠一陣，我未介紹已經 sold out....

可惜連我哋即刻 re-order 美國都未有貨要等，所以我都係唔介紹住喇，遲少少先再分享~