2018年3月14日 星期三

植村秀 2018 春季新出「Petal skin 花瓣霧光粉底液 + 氣墊粉底」review

2 星期前响 facebook post 過收到了 Shu Uemura 新出嘅「Petal skin 花瓣霧光粉底液 + 氣墊粉底」試用,好多人都話想知好唔好用呀~ 

也難怪~ 佢今次個包裝設計的確係好靚,粉紅色好有春天氣息,完全勾起唔知隱藏咗幾多年嗰份少女心,女人對粉紅色總係難以抗拒? 😂

分享吓用後感先~

(products sponsored by Shu Uemura)


就係官網內呢一 set →

植村秀 HK 網站 :


先睇睇粉底液 →

Petal skin 花瓣霧光粉底液 SPF 20 PA++ 

以 "半啞緻 x 半亮澤" 之獨特嶄新組合融入單一美肌配方粉底中,專為亞洲肌膚研製,質感透薄舒適,能即時隱形毛孔,塑造自然剔透的半啞緻底妝,令肌膚煥發自然神采。

$380 / 30ml (共 10 色選擇)


質地同一般粉底液無異,屬較稀身一類 →


搽勻後可見遮瑕度一啲都唔差,屬中高 coverage,而且亦撫平到手背上紋理 →

一支咁稀薄嘅粉底竟然都可以有咁 ok 嘅遮瑕度,我其實都幾 surprise !


睇用後圖之前,再望埋支「Petal 55 粉底掃」先 → 

以高密度柔軟纖維掃毛製,配合合乎人體工學的特別花瓣形狀,切合臉部不同輪廓設計,能平均推開粉底液,輕掃一 下即可均勻上妝,10 秒快速締造貼服零毛孔妝感而不留掃痕。 

$450


「花瓣霧光粉底液」並非一定要配合呢支粉底掃用,用返自己有嘅粉底掃 / 海綿粉樸,甚至用手指搽都 ok,但如想要 "半啞緻妝感" 就用粉底掃會更好~


而呢支「Petal 55 粉底掃」上年新出時已拍過 review 片,係自己買的 →

今季只係手柄位由黑色變咗做粉紅色,毛質物料 / 用法同樣 😊

其實我覺得呢支掃都幾貴,但始終毛量有返咁多,條數又係返度嘅....


花瓣霧光粉底液 x Petal 55 粉底掃 上妝效果 (只搽了粉底) →

個人喜愛稍為有遮瑕度嘅底妝,試過上 1 層粉底係太薄,下圖係搽咗 2 層嘅效果。

粉底質地屬可以隨喜好 "加建" 遮瑕度一類,但最多只能 build up 2-3 層 layer,再多就 build 唔到,所以下圖呢個已經係 maxium 效果 (都好足夠了)。

搽後的確係有令膚質 + 毛孔變得更平滑,感覺貼面之餘仲有種淡淡光芒,老實講上完粉嗰刻係幾靚嘅! 😍


化埋全妝後 →

就算掃咗碎粉,嗰陣自然光采都仲可以透到出嚟,妝效好細緻,係好唔錯吓 😘

不過對我膚質計,呢個咁美好嘅妝效並維持唔到太耐.....

始終 "半啞緻 x 半亮澤" 質地對 dry skin 嚟講係有啲勉強,乾性肌皮膚水份易流失嘛,好快個妝就由 "半亮澤" 變為 "全啞緻" 了,2 個鐘後已經開始乾到浮粉 + 鼻翼甩皮......

所以 dry skin 唔多啱用,但偏油皮膚 / 混合肌夏天就可以一試~


輪到試「Petal skin 花瓣霧光氣墊粉底」→ 

以創新液粉蛻變配方結合雙重日本櫻花成份,能締造無瑕啞緻妝容,創造零毛孔妝感。     

$380 / 13g 不含 refill (共 8 色選擇)


呢盒一聽就知係為 oily skin 而設吧 😉


上妝效果 (只搽了粉底) →

屬全啞緻 matte finish 妝感。

遮瑕度雖然冇佢支粉底液咁高,但亦唔算好弱,均勻膚色係完全冇問題,上粉嗰刻係見到好貼面、好平復、好自然、毛孔亦 cover 到一半~

不過我係 dry skin 嘛,用 matte finish 粉底係死梗! 😅

所以當再印多幾吓就開始見到鼻翼 + 鼻底明顯唔貼粉,只能叫做夾硬上到粉。而且因為 dry skin 好自然地會用滋潤啲嘅 skincare 嘛,所以當用呢類咁啞緻嘅粉底時,會不停炒起我搽咗嘅 skincare,瘋狂起擦膠碎..... 

加上因為我太 dry 了,上完粉底毛孔 + 乾紋唔夠 1 個鍾就湧現,仲惨過未化妝嗰陣 haha~ 都係用返保濕滋潤型 foundation 啱我多啲~ 


都要中立講句係唔關個 cushion 粉底事嘅,本來 dry skin 就唔適合用呢類質地 foundation,純粹試俾大家睇睇啫 ☺️

反而呢隻 cushion 粉底油性肌 / 年輕肌夏天用會好合適,效果唔會好似我咁乾,對號入座就 ok~

真係唔到自己唔認...... 

"收油中女" yeah! 🤣

沒有留言:

張貼留言