上篇介紹完日本平價藥妝店，今篇輪到介紹日本 department store 中高價專櫃化妝品喇 🤗
都係嗰句，其實好多日本牌子 HK 都有，就算短期內冇諗住去日本，响 HK 買亦一樣，只係貴少少啫，所以呢篇應該人人都啱睇~
歐美牌子唔建議於日本買，分分鐘貴過 HK，主攻日牌就好，點都平過 HK。如 RMK / Addiction / Three / cle de peau / Anna Sui / LUNASOL / Impress / Shiseido / AUBE / FANCL / Suqqu / Shu Uemura 等等，都值得去望吓。
今次逛高島屋 / 伊勢丹差不多每個專櫃都行勻，但當然冇樣樣買，一來平時已經試過唔少，二來 HK 又唔係買唔到，三來我從來去旅行買嘢都好理智，真係用得著先會買，唔會因為開心得滯而沖昏頭腦的。
呢篇多圖又多字，大家慢慢參考吓 😊
LUNASOL
LUNASOL 係 Kanebo 旗下中價副線，搵到 Kanebo 專櫃就會搵到 LUNASOL，日本售價為 HK 75 折左右。
LUNASOL 香港官網 :
(下圖 copy from LANASOL 網站)
LUNASOL 嘅化妝品以前亦介紹過，眼影粉 / 胭脂粉 / 粉底液 / makeup base 都值得一試，指甲油顏色亦超靚! 💅🏻
但碎粉我就唔建議，唔算特別好。而唇膏唇采 / 眉筆眉粉 / 眼線筆 / 遮瑕膏 / 光影粉 / mascara 等就冇乜特別，買開架平價品牌都得。
我今次就只買咗呢盒眼影 (退稅後￥4418 = HKD 327) →
HK 專櫃要 $440! 不過 HK 賣貴啲都係明白的，都叫進口貨嘛~
而佢嘅 4 格 / 5 格眼影組合同呢盒係同價，咁既然呢盒有 8 隻色，梗係揀佢抵啲啦! 😂
就連包裝盒都好靚! 😍
揀咗 #02 Soft Beige →
呢款 total 約 7-8 色選擇，有啲係限量色，不過印像中 HK 專櫃好似未有呢隻 #02 Soft Beige (好似咋~)
一盒有齊深中淺色 eyeshadow →
由淺色的珠光 / 香檳色 / 粉肉色 / 粉紅色，至古銅啡 / 深啡 / 朱古力啡色乜都有，响日本經已忍唔住即買即用! 😍
試色圖 →
用咗珠光色打底 (左上角) → 眼蓋位香檳啡 (右上角) → 眼褶位深啡色 (右下角) → 眼蓋中間粉紅色 (左下角) → 下眼線古銅啡 (右下角)
顏色確係靚，不過效果較閃，適合晚宴 / party 用 →
粉質都算 ok 幼滑，頗上色亦夠貼眼皮，全日都冇溶化過，係 ok 的，去開日本值得購買! 👍🏻
呢盒會比較閃，如愛自然效果亦可揀其他組合顏色
Point Make Off N 眼唇卸妝液 120ml (退稅後￥1020 = HKD 75.5) →
配方溫和不對肌膚構成負擔，可徹底卸除防水眼唇妝容，含補濕成份呵護肌膚。LUNASOL 呢支一定要買呀! 😍
開架價錢 x 專櫃質量，唔算特別細支 (120ml)，卸妝勁快勁乾淨又唔刺眼，大力推介! 識買一定响機場買 3 支裝嗰 set，除開每支只係 $66.6 咋! 好用過開架牌子! (HK 專櫃 $100 支)
至於其他 LUNASOL 妝品今次並冇買，附上過往的 review 連結俾大家參考吓 😊
Sheer Light Loose Foundation 輕柔粉狀粉底 →
呢盒雖然我自己唔太鐘意，但愛高遮瑕度底妝的人可以一望，薄掃可作碎粉定妝，厚上可作 "粉底粉" 使用。
Control Base 妝前底霜 及 Skin Modeling Liquid Foundation 粉底液 →
乾爆而又鐘意淡薄自然底妝的年輕肌 / 初熟肌，不妨一試 LUNASOL 呢支粉底液，補濕度好又貼面! 而支 control base 均勻膚色效果都唔錯，適合暗啞肌 (用前需搖勻)。
Impress
Impress 係 Kanebo 的高檔貴線，搵到 Kanebo 專櫃就會搵到 Impress，售價同 clé de peau 差不多，粉底都要貼近 $900 支! 而响日本買會平 20% 左右。
今次去日本我並冇買佢，因為想試嘅嘢以前都用過了，就做個簡單 review 重溫俾大家參考~
Impress 香港官網 :
(圖片 copy from Impress 網站)
Liquid Foundation 極緻淨透粉底液 (香港專櫃 $840) →
係一支潤澤度好高嘅粉底液，適合 dry skin / 成熟肌用，沙膜肌都可變柔滑肌~
遮瑕度屬中等，但就好貼皮膚好有光澤，粉質亦相當柔嫩。不過以 HK 咁潮濕嘅天氣用，就真係有啲潤，亦唔會太持久，冬天還可以，夏天用就真係窄窄哋，要視乎本身皮膚有幾乾。
Concealer Set 遮瑕膏組合 (香港專櫃 $460) →
外型設計同 IPSA / Suqqu 的三色遮瑕膏組合差唔多，個人認為同 Suqqu 差唔多，但就好用過 IPSA，遮瑕度會高啲，而且好貼皮膚，唔會覺得乾或現乾紋，顏色亦冇 IPSA 咁白 (不過又唔好諗住算深色，膚色深嘅人都係用唔到)。
但如要求高遮瑕度的話，佢就一定及唔上 clé de peau 個啲，加上顏色已 fix 好冇得揀，並非人人都啱用，價錢亦唔平。
Loose Powder 定妝碎粉 (香港專櫃 碎粉 $670 / 粉盒連粉樸 $280) →
粉質夠幼滑，其實係 ok 的，但咁嘅價位建議買 clé de peau / Suqqu 更好，仲滑仲好用呀~
Creamy Soap 洗面膏 125g (香港專櫃價 $480) →
呢支我唔太 recommend，同普通洗面膏感覺分別不大，用完皮膚又唔會靚咗，但就勁貴。而且我用係覺得有少少刺面感 (純屬個人皮膚反應)。
Maquillage
Shiseido 旗下嘅 Maquillage HK 都有，但日本買當然更抵 😊
一向都好鍾意佢嘅眼影粉 / 精華潤唇膏，不過早 2 個月前已經响 HK 買咗佢支潤唇膏，而底妝品嗰啲以前亦試過了，所以今次就只買咗盒 eyeshadow。
Maquillage 香港官網 :
Dramatic Styling Eyes 眼影組合 共 8 色 (退稅後￥2800 = HKD 207) →
以專櫃牌子計，Maquillage 眼影價錢係好大眾化，二百幾蚊一盒有 5 色，顏色選擇亦大路，體積小巧易收藏 (印像中 HK 賣 $260-280)。
早幾日 post 嘅 "FANCL 春妝示範片" 內，我咪提過今季好興橙色 / 橙啡等暖調色嘅? 所以下圖#OR321 已早早 sold out。但反正我有嘅 VIDIVICI / FANCL / 16 Brand 眼影組合內已有呢類 color，買唔到亦唔傷心~
眼影盒外型亦都好靚 →
揀咗 #RD606 "紅莓莫卡咖啡色" 組合 →
今季除咗興橙色 / 橙啡 / 楓葉啡外 ，Mocha 啡 / 奶茶啡 / 酒紅啡亦係大熱色 😍
又係响日本即買即用~
試色圖 →
用咗珠光色打底 (左上角) → 眼蓋位淺啡 (下排中間) → 眼褶位酒紅色 (右下角) → 下眼線閃爍香檳色 (右上角)
效果冇 LUNASOL 嗰盒眼影咁閃，適合日常使用 →
淡掃一層已經好靚，粉質夠貼皮膚，持久度亦好好，全日冇溶過妝 😍
至於以前用過嘅 Maquillage 妝品，都順手做個簡短 review 俾大家參考吓 ☺️
Dramatic Lip Treatment 精華潤唇膏 (香港專櫃 $180) →
呢支絕對唔係普通潤唇膏! 除咗滋潤度極高之外，搽完雙唇仲好飽滿，充滿光澤感，完全撫平修飾到唇紋，就好似一支 lip oil 咁嘅效果! 持久度亦算 long keep~
以前都有响 blog / Facebook 大力讚過佢，呢支已經係我回購嘅第 3 支! 😍
無論你用幾啞緻 / 幾乾身嘅唇膏液，on top 搽咗佢都會立刻變水嫩 →
唯一缺點就係精華油成份高，比較快消耗，每日搽幾次好快 4-5 個月就用完一支 😣
Lip Essence EX 潤澤護唇精華 (香港專櫃 $160)→
呢支以前用過其實都唔錯嘅，又係好潤、好亮澤好似搽咗 lip gloss 咁~
不過作為一支睡前用嘅潤唇產品售價都頗貴，持久使用亦唔會有咩改善 (只有即時效果)，所以買完一次冇再 encore，睡前繼價用返 Burts Bee / 凡士林潤唇膏更實際。
Essence Gel Rouge 豐盈精華液質唇膏 (香港專櫃 $220) →
以前我係好鐘意用佢的! 以液體唇膏計質地夠潤有光澤，豐盈出色有厚度，有豐唇效果，就好似唇膏唇采 2 合 1 咁，係 Maquillage 嘅暢銷品! 💋
不過而家因為愛上咗用 VIDIVICI / Shu Uemura / YSL 嘅唇膏液，認為色效會更持久，唔使經常補搽，所以就冇再買佢了。但愛質地豐厚 + 光澤感 + 滋潤唇膏液的人不妨一試~
純白精華防曬粉底 (香港專櫃約 $380 / 粉芯連粉盒)→
呢盒我早幾年前用過，遮瑕度 / 保濕度都係唔錯嘅，但控油度 / 透薄度就唔算高，會較適合愛有遮瑕效果、而又唔算多面油嘅初熟肌用。如年過 35 / 成熟肌用佢，就會覺得粉質唔夠補濕同貼面。
True Liquid Long Keep 原真啞緻防曬粉底液 (香港專櫃 $320) →
呢支我唔多建議，可以望一望分享文重温 : http://isadoracheng.blogspot.hk/true-liquid
Essence Rich White Liquid UV 純白精華防曬粉底液 (香港專櫃 $320) →
都算相當貼面自然，保濕度 / 遮瑕度均屬中等，皮膚多瑕疵的話會嫌唔夠 coverage。雖然搽嘅時候 feel 到質地好水嫩，但搽勻後極快變乾爽、啞身冇光澤，所以皮膚乾嘅人用會嫌唔夠補濕，未如想像中水潤，較適合混合肌 / 年輕肌使用。
Shu Uemura
我大愛嘅眉筆只係平過 HK $30，而熱銷中嘅 laque supreme 唇膏液亦唔平得幾多，好傷心喔...... 而今次去日本我亦冇買到 Shu Uemura，因為過往已經用過晒佢全部 product 咁滯，所以今次就只分享佢有咩係必買~
Maquillage 香港官網 :
新出 laque supreme 漆繪水亮唇彩 共 16 色 (香港專櫃 $220) →
呢款早排新出、upgrade 咗新配方嘅持久唇膏液，係我呢幾個月嘅最愛! ❤️
不但多顏色揀，色效持久，而且質感亦飽和豐盈，好用過舊配方好多，又正過用普通唇膏! 我覺得只買佢呢款就夠，可以唔買佢其他唇膏。 (其他雖然都好用，但呢款 laque supreme 實在太正!)
由淺色至深色每一款搽上唇都好靚! 💋
示範圖 #CR03 + #PK03 →
除咗單用 1 色外，其實混合 2 隻色用效果都好靚!
例如下圖就係先搽咗 #CR03 橙紅，再薄薄加咗層 #PK03 桃紅 💄
皇牌武士刀眉筆 (日本賣 $160 / HK $200) →
呢款係好畫過新款轉動式嗰支 brow:sword 眉筆，有更多色揀、畫出嘅線條感更分明、色效更持久、筆芯亦更長更耐用。我自己畫眉通常係轉動式眉筆 (因為懶 + 本身眉毛濃密只需補少少色)，但工作上幫客人畫眉就只會用呢支 Shu Uemura，已沿用十幾年，一直係我最愛! 👍🏻
眼影粉組合 (香港專櫃每色 $140 不連盒)→
有成 100 隻色揀咁多! 由啞緻、金屬、閃爍質地至 cream 狀眼影都有，而且好處係可以隨喜好自組顏色。分享文重温 : http://isadoracheng.blogspot.hk/shu-uemura
另外 Shu Uemura 嘅眼線液 / 眼線筆都係好防水、好持久、好好用的! 只不過而家啲開架平價品牌效果做得咁好，可以唔使買咁貴都得啦! (但 Shu 眼線筆勝在多色揀)
胭脂 共 33 色 (香港專櫃 $180 不連盒)→
首選 #M336 淡粉色，效果好自然，我曾經用咗好多年不斷回購! (但而家已轉用 Clarins 胭脂)
淨白防曬霜 SPF50 PA++++ (香港專櫃 $365 / 40ml)→
呢支我認為係好適合 dry skin / 沙漠肌用嘅防曬霜，感覺好滋潤、有光感，仲有 SPF50 四個 + 高防曬度。不過易出油嘅皮膚就唔多啱用了。
瞬間細緻毛孔柔滑底霜 (香港專櫃 $340)→
呢支係有即時撫平毛孔 + 控油 + 啞緻效果嘅透明 makeup base，全面用 or 局部搽 T-zone 易出油位置都 ok。控油效果超強! 好適合夏天易出油 / 毛孔粗大嘅人用 👍🏻 (但 dry skin 唔啱用)
Porefinist 細緻毛孔潔顏油 (香港專櫃 $260 / 150ml) →
呢支我認為係用過之中質地最輕薄的 cleansing oil，就似水一樣冇重量，質感 super 爽身~
由於係針對油光 / 毛孔粗大 / 黑頭所研製，主要功效係調節油脂過盛、抗菌、溶解毛孔內污垢及黑頭作用，所以係比較適合年輕肌 / 油性肌使用。
ultime8 黃金琥珀潔顏油 (香港專櫃價 $350 / 150ml)→
成熟肌 / 乾胜肌用呢支會更合適，除咗質感柔滑，卸完妝唔乾之外，氣味仲舒服到好似做緊 SPA 咁! 會聞到上癮 😍
至於 2018 春季新出呢 set「Petal Skin 花瓣霧光氣墊粉底」+「Petal Skin 花瓣霧光粉底液」就尚在試用中，等我過幾日再出文分享用後感啦~ 🤗
clé de peau
奢華級品牌 x 星級口碑 x 貴婦級售價，你懂的 😆
clé de peau 最出名係底妝品 / 唇膏 / 光影，响日本買約平 $100 件 (視乎兌換率)，用開嘅一定要入貨! 不過佢嘅唇膏 / 唇采我以前試過晒其實並非咁神，而眼線 / 眉筆又好普通，胭脂 / 眼影效果唔算特別但就勁貴，所以呢啲都可以 skip。
clé de peau 香港官網 :
Radiant Cream Foundation 鑽光粉底霜 (香港專櫃 $980 / 21ml)→
優點係質地唔乾，好補濕同貼面，搽後膚質亦會變得更平滑，特別適合 dry skin 用，尤其係鍾意有返啲遮瑕度嘅人 👍🏻
Correcting Cream Veil 皇牌妝前打底 base (香港專櫃 $550 / 36ml)→
搽勻後會自動調節融合入膚色，唔會顯白顯灰，有種淡淡光采，感覺貼面，就好似精華溝 base 咁，薄搽一層已經好似化咗個淡妝，細紋同毛孔都 cover 到 70-80%，改善泛紅效果亦唔錯，仲均勻到膚色，搽完塊面冇咁紅、冇咁暗啞 👍🏻
鑽光遮瑕膏 (香港專櫃 $550)→
不但遮瑕度高，而且非常貼皮膚，持久度亦好好，一直穩佔遮瑕膏榜首! 呢支亦係我最愛，已經沿用超過 10 年，工作上亦好時都係用佢，而日本版係會比 HK 版質地更滋潤 💕
不過嚴重黑眼圈單用佢都係會遮唔晒，事關以前都拍過好多 video 提到遮黑眼圈係需要先用 orange tone corrector 調色的。
美白亮肌粉餅 (香港專櫃約 $900)→
有輕微光透感，效果貼面細滑、妝效自然，確實係唔錯嘅! 但皮膚好的人用，就可能未必會認為佢有所講咁出眾，而膚質乾 / 唔夠平滑 / 毛孔大的人用，就會明顯察覺出佢嘅貼服度強在哪裡了 👍🏻
亮膚光映粉 (香港專櫃約 $800)→
屬於好微弱嘅淡光，可以好自然咁同肌膚自然融合，粉質亦夠輕薄，不過以光影粉計成 800 蚊盒係極貴! 😣
FANCL
一向用開佢嘅卸妝油，見到日本剛剛出咗限量版 set 裝，價錢超抵，仲有支迷你版限量卸妝油送! 當然要買啦! 😍
MCO 納米卸妝油 兩支 set 裝 限量版 (退稅後￥3456 = HKD 256) →
呢支 cleansing oil 我已經推介過 N 次，唔再多介紹喇~
FANCL 香港官網 :
眉鉗 (香港專門店 $80)→
FANCL 嘅眉鉗其實都好好用的! 夾得夠實、連幼細毛毛都夾到之餘，又唔會太鋒利唔怕夾損皮膚，好適合新手使用 👍🏻
外攜式有蓋胭脂掃 (香港專門店 $120) →
雖然毛質就唔算話好靚，只係人造纖維毛製成，掃頭邊緣切割位亦唔係特別齊整，但勝在價錢平、又有蓋，去旅行 / 帶出街補粉用夠方便!
另外佢嘅「Tense Up 膠原飲料」→
我每逢冬天乾燥季節都一定會連飲 2-3 個月救命，飲咗皮膚真係會冇咁乾~
燒脂飲料 (香港專門店 $290 盒 / 10 支)→
最近先發現原來 FANCL 呢支瘦身係好 work!
話說我早 3 個月前去 FANCL 買 supplement，本身都肥肥哋嘅男友見到貨架上呢隻「燒脂飲」，就問我 work 唔 work。我話 "冇試過喎，你自己 try try"，於是佢就買咗 1 個月份量試 (即 3 盒)。飲完 1 個月，佢個個同事 / 朋友都話覺得佢瘦咗，問佢呢排係咪冇飯食? 😅
見有人讚，於是佢又再 encore 買多 1 個月份量。飲完 2 個月，平時嘅牛仔褲已經明顯唔啱著，瘦咗一個碼! 連佢上司見到佢咁有效果，都開始買嚟飲! 佢仲好 hyper 咁日日同我講話自己瘦咗 😂
So far 佢飲咗 3 個月 (即 9 盒)，尋日去度身做西裝腰圍瘦咗 3 吋，連塊面都尖咗好多 OMG! 見到佢咁我又加入開始飲，今日仲走去買埋佢另外隻「燒脂營養素」+「熱控燒脂排毒丸」，希望可以極速減返冬天食多咗嗰 10 磅肉!
買 1 個月份量都係 $870，瘦到嘅邊算貴呀~ 而且瘦咗之後就可以唔飲，都係連續飲幾個月啫~
今次去日本嘅分享就係咁多喇 😘
點解冇買 Addiction / Three 嗰啲?
因為覺得佢哋貴得來唔值呀，而且想試嘅以前响 HK 都買咗試過了，並唔覺得有需要今次特登去日本買，反正他日有新出 new product 都可於 HK 專櫃買到。至於日本另一皇牌 Suqqu，我下一篇再分享~
另外响伊勢丹亦買咗婚戒 →
有 follow 我 Facebook 的應該都知道了 ☺️
雖然未有婚期 (都唔急)，但橫掂去開日本嘛，就諗住專程去望吓，睇中就買定先 💍
Hello Isa, 請問凸起嘅暗瘡點樣可以遮到佢盡量平d？
回覆刪除凸起嘅暗瘡雖然冇辦法將佢完全變平復，但係只要用比膚色深一度嘅遮瑕膏去遮就會冇咁明顯～
刪除Hi Isa, 請問塊面好乾又出好多油(可以印曬兩張面油紙咁油)可以用咩粉底液呢？我試過潤嘅好快甩同出好多油,控油嘅又唔貼面又顯乾紋╥﹏╥
回覆刪除可以在搽粉底前先用控油 base 打底（如 shu uemura 上面介紹嗰支毛孔 base），先再搽保濕粉底，又或者直接用 shiseido 隻 synchro skin glow cushion 粉底 / 或 YSL 隻 touche eclat le teint 粉底液，兩款都唔會太潤、有輕微保濕度、同時又唔會乾到龜裂～
刪除