防曬都有氣墊 Cushion Compact? 適合嬰幼兒 / 成人用嘅物理防曬「GOONGBE 宮中秘策」

韓國老字號嬰幼兒天然護膚品牌「GOONGBE (宮中秘策)」，最近推出咗新嘅高防曬度「SPF40 PA+++ 嬰幼兒防曬氣墊」呀! 响 HK 連 sasa 都可以買到，好方便 👏🏻

雖然話就話係 for 嬰幼兒用，但當然大人都用得啦! 尤其係皮膚容易敏感一類 skin type，就好適合用呢一類低刺激性、冇防腐劑、冇致害物嘅物理性防曬產品喇~ 

GOONGBE「嬰幼兒防曬氣墊 SPF40 PA+++」資料 → 

不採用歐盟禁止的有害成份，通過韓國皮膚科研究所安全測試，不含防腐劑、人工色素及香料，採用天然成份如桑莓及積雪草萃取物、並加入保濕及抗氧化成份維他命原 B5 及角鯊烷，為成份溫和、低刺激性而質感親膚之物理性防曬氣墊，防曬粒子只會停留肌膚表面，不會被皮膚所吸收，不對肌膚造成負擔。

適合 6 個月或以上嬰幼兒 / 成人使用。

$197 / 一套包括粉樸 x 2 + 粉盒 x 1 + 防曬霜 x 1 @ sasa

我呢盒係 SPF40 PA+++ ，另有防曬度 SPF50 PA+++ 可選擇 →

適合日常使用，但並非防水配方，如長時間戶外活動需每隔 2-3 小時補搽 1 次。

勝在附設 2 個粉樸，諗住俾小朋友用之前自己先試一試，發現原來都幾好用喎! 

有驚喜! 😍

試過用手指掂落去個防曬霜試摸質地，會摸到有少少微粒 (估計係防曬粒子)，但印上臉時就冇呢個問題，完全平滑順貼 feel 唔到有微粒~

試上手會見到有啲白 →

但印勻後其實係透明冇色，唔使怕搽完之後變白臉人 →

印上臉效果 →

質地透薄唔厚身，唔油膩唔黏稠，搽後只有輕微反光感，比傳統物理性防曬霜更薄更清爽，而且仲好貼皮膚，又冇酒精味或其他怪味，都幾好 feel! 👍🏻

由於怕佢質地咁薄，唔知防曬度會唔會減弱 / 或者出唔足，所以我係印咗 2-3 層先罷休，勝在印完 2-3 層都唔覺得厚，亦冇白面藝伎 feel (下圖)~

之後化妝亦冇影響，唔會令個妝溶得快咗，好適合 summer 用! →

只需用粉樸印上臉就得，唔使整到成手防曬霜，確係好方便! 😍

而且攞出街用都方便呀，隨時隨地都可以補到防曬 (如果冇化妝品响臉的話)~ 

效果好之餘價錢仲要唔貴，冇失望~ 值得推介俾混合肌 / 乾性肌夏天用~ 

(油性肌 / 極乾膚質可以有其他選擇) 

如果屋企有小朋友，又可唔可以買一個兩份用呢?

呢個問題我都有諗過，但由於始終要將個粉樸掂落個粉芯到沾取防曬霜，而唔係唧出嚟用，就算分開 2 個粉樸都唔係咁衛生，都係買多個分開自用更用。